 |
 |
 |
 |
 |
 |
 |
 |
 |
 |
 |
 |
 |
 |
ഇന്ഡ്യാന : വടക്ക് പടിഞ്ഞാറന് ഇന്ഡ്യാനയില് മൂന്നു ചരക്ക് തീവണ്ടികള് തമ്മില് കൂട്ടിയിടിച്ചു. ആര്ക്കും പരിക്കില്ല. സ്ഫോടക ശേഷിയുള്ള ചരക്ക് കയറ്റിയ ഒരു തീവണ്ടി പാളത്തില് അജ്ഞാത കാരണങ്ങളാല് നിര്ത്തിയിട്ട നിലയില് കിടന്നിരുന്നതിന്റെ പുറകില് മറ്റൊരു തീവണ്ടി അതിവേഗം വന്നു ഇടിക്കുകയായിരുന്നു. ഇടി കഴിഞ്ഞയുടന് അത്യുഗ്രമായ സ്ഫോടനം നടന്നു. ഏറെ കഷ്ടപ്പെട്ടാണ് അഗിനി ശമന സേനാംഗങ്ങള് തീ അണച്ചത്.
- ജെ.എസ്.
ബാഗ്ദാദ്: ഇറാഖ് തലസ്ഥാനമായ ബാഗ്ദാദിനടുത്ത് ഉണ്ടായ സ്ഫോടനങ്ങളില് 27 പേര് മരിച്ചു. നിരവധി പേര്ക്ക് പരിക്കേറ്റു. ബാഗ്ദാദിലെ ഒരു ബസ് സ്റ്റോപ്പില് മോട്ടോര് സൈക്കിളില് വച്ചിരുന്ന ബോംബാണ് ആദ്യം പൊട്ടിയത്. ബസ് സ്റ്റോപ്പില് ഉണ്ടായിരുന്ന ഒന്പത് തൊഴിലാളികള് സ്ഫോടനത്തില് തല്ക്ഷണം മരിച്ചു. തൊട്ടുപിന്നാലെ വഴിയരികില് ഉണ്ടായ സ്ഫോടനത്തിലും ഒരാള് കൊല്ലപ്പെട്ടു. രണ്ടു മണിക്കൂറിനുശേഷം വടക്കന് നഗരമായ കാസിമിയയില് ഉണ്ടായ ഇരട്ട സ്ഫോടനങ്ങളിലാണ് 12 പേര് മരിച്ചത്. 60 പേര്ക്ക് പരിക്കേറ്റു. കാസിമിയയിലേത് ഒന്ന് കാര് ബോംബ് സ്ഫോടനമായിരുന്നു. അമേരിക്കന് സൈന്യം ഇറാഖില്നിന്ന് പൂര്ണ്ണമായും പിന്മാറിയതിന് ശേഷം ഉണ്ടായ സ്ഫോടന പരമ്പര ജനങ്ങളില് ഭീതി പരത്തിയിട്ടുണ്ട്.
- ന്യൂസ് ഡെസ്ക്
ന്യൂയോര്ക്ക് : അമേരിക്കയുടെ വിമാന വാഹിനി കപ്പല് പേര്ഷ്യന് ഗള്ഫിലേക്ക് പ്രവേശിക്കരുത് എണ്ണ ഇറാന്റെ താക്കീതിനെ തുടര്ന്ന് ഉടലെടുത്ത ഇറാന് – അമേരിക്കന് നയതന്ത്ര സംഘര്ഷത്തെ തുടര്ന്ന് അന്താരാഷ്ട്ര വിപണിയില് എണ്ണ വില കുതിച്ചുയര്ന്നു. 4.2 ശതമാനം ഉയര്ന്ന എണ്ണ വില ചൊവ്വാഴ്ച ബാരലിന് 102.96 ഡോളര് വരെയായി. പ്രതിദിനം 17 ബില്യന് ബാരല് എണ്ണ കടന്ന് പോകുന്ന ഹോര്മുസ് കടലിടുക്ക് അടച്ചിടുമെന്ന് കഴിഞ്ഞ ദിവസം ഇറാന് ഭീഷണി മുഴക്കിയത് ഈ മേഖലയിം വന് ആശങ്കക്ക് ഇടയാക്കിയിട്ടുണ്ട്. തിങ്കളാഴ്ച ഇറാന് രണ്ട് ഭൂതല – സാമുദ്രിക മിസൈലുകള് വിജയകരമായി പരീക്ഷിച്ചിരുന്നു. ഇത് അമേരിക്കന് വിമാന വാഹിനി കപ്പലിനെ ചെറുക്കുമെന്ന ഭീഷണിയാണ് ഉയര്ത്തിയത്. ഹോര്മുസ് കടലിടുക്ക് അടച്ചിടും എന്ന ഇറാന്റെ ഭീഷണിക്കും ഈ മിസൈല് പരീക്ഷണങ്ങള് കരുത്ത് പകര്ന്നിട്ടുണ്ട്.
- ജെ.എസ്.
വായിക്കുക: അമേരിക്ക, ഇറാന്, യുദ്ധം, സാമ്പത്തികം
ബാഗ്ദാദ്: ഇറാഖ് തലസ്ഥാനമായ ബാഗ്ദാദിലും, അല്ലാവി, ബാബുല് മുഅ്തം, ഷുവാല തുടങ്ങിയ സമീപപ്രദേശങ്ങളിലുമുണ്ടായ സ്ഫോടന പരമ്പരകളില് 57പേര് മരിച്ചതായി ഇറാഖ് ആരോഗ്യ മന്ത്രാലയത്തിന്റെ വക്താവ് സയ്യിദ് താരിഖ് പറഞ്ഞു. 176 പേര്ക്ക് പരിക്കേറ്റിട്ടുണ്ട്. റോഡരികില് കാറുകളിലും മറ്റ് വാഹനങ്ങളിലുമായി സ്ഥാപിച്ച ബോംബുകളാണ് പൊട്ടിത്തെറിച്ചത് എന്ന് കരുതുന്നു. സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. ഇറാക്കില് നിന്ന് യു. എസ് സേന പിന്വാങ്ങിയശേഷം നടക്കുന്ന ഏറ്റവും വലിയ സ്ഫോടന പരമ്പരയാണ് ഇത്.
-
വായിക്കുക: അമേരിക്ക, ക്രമസമാധാനം, തീവ്രവാദം
വാഷിങ്ടണ് : അമേരിക്കയുടെ ആദ്യത്തെ സോഷ്യല് മീഡിയാ പ്രസിഡണ്ട് എന്ന് അറിയപ്പെടുന്ന ബരാക് ഒബാമ സ്വന്തം മക്കളെ ഫേസ്ബുക്ക് ഉപയോഗിക്കുന്നതില് നിന്നും വിലക്കിയത് വൈരുദ്ധ്യമായി. അപരിചിതര് തന്റെ കുടുംബ കാര്യങ്ങള് അറിയുന്നതില് അര്ത്ഥമില്ല എന്നാണ് ഇത് സംബന്ധിച്ച് ഒബാമയുടെ വിശദീകരണം.
ഒബാമയുടെ മൂത്ത മകളായ മലിയയ്ക്ക് പതിമൂന്ന് വയസായി. ഫേസ്ബുക്ക് ഉപയോഗിക്കാവുന്ന പ്രായം. എന്നാല് 4 വര്ഷമെങ്കിലും കഴിഞ്ഞ് മകള്ക്ക് 17 വയസാവട്ടെ, എന്നിട്ട് വേണമെങ്കില് ഉപയോഗിച്ചു കൊള്ളട്ടെ എന്നാണ് ഒബാമ പറയുന്നത്. ഒബാമയുടെ രണ്ടാമത്തെ മകളായ സാഷയ്ക്ക് വെറും 10 വയസു മാത്രമേ ആയിട്ടുള്ളൂ.
തന്റെ തെരഞ്ഞെടുപ്പ് പ്രചാരണ വേളയില് യുവാക്കളെ ആകര്ഷിക്കാനായി വന് തോതില് ഫേസ്ബുക്ക് ഉപയോഗിച്ച വ്യക്തിയാണ് ഒബാമ. അടുത്ത തെരഞ്ഞെടുപ്പ് ലക്ഷ്യം വെച്ച് ഇഉപ്പോഴും അദ്ദേഹം ഫേസ്ബുക്ക് നന്നായി ഉപയോഗിക്കുന്നുമുണ്ട്. കഴിഞ്ഞ ആഴ്ച ഫേസ്ബുക്ക് ആല്ബത്തില് തന്റെ ഏറ്റവും പുതിയ കുടുംബ ഫോട്ടോ (മുകളിലെ ഫോട്ടോ) ഒബാമ അപ് ലോഡ് ചെയ്യുകയുണ്ടായി. ഇതിന് 71,000 ലൈക്കുകളാണ് ലഭിച്ചത്. ഒബാമയുടെ ഫേസ്ബുക്ക് പേജ് 2.4 കോടി പേരാണ് ലൈക്ക് ചെയ്തിരിക്കുന്നത്.
- ജെ.എസ്.
വായിക്കുക: അമേരിക്ക, ഇന്റര്നെറ്റ്
പ്രാഗ്: മുന് ചെക് പ്രസിഡന്റ് വാക്ലവ് ഹവേല് (75) അന്തരിച്ചു. ഏറെനാളായി രോഗബാധിതനായിരുന്നു. ചെക്കോസ്ലോവാക്യയുടെ അവസാനത്തെ പ്രസിഡന്റും ചെക് റിപ്പബ്ലിക്കിന്റെ ആദ്യ പ്രസിഡന്റുമായ ഇദ്ദേഹമാണ് കമ്മ്യൂണിസ്റ്റ് ഭരണത്തെ ചെക്കോസ്ലോവാക്യയില് നിന്ന് ഇല്ലാതാക്കിയ വെല്വെറ്റ് വിപ്ലവത്തിന് നേതൃത്വം നല്കിയത്. അറിയപ്പെടുന്ന ഒരു നാടകകൃത്തും കവിയുമായിരുന്ന ഇദ്ദേഹം നിരവധി കവിതകളും ഇരുപതോളം നാടകങ്ങളും നിരവധി ലേഖനങ്ങളും രചിച്ചിട്ടുണ്ട്.
-
വായിക്കുക: അമേരിക്ക
ബാഗ്ദാദ് : ഒന്പതു വര്ഷം നീണ്ടു നിന്ന രക്ത രൂഷിതമായ ഇറാഖ് യുദ്ധം ഔപചാരികമായി ഇന്നലെ അവസാനിച്ചു. അധിനിവേശത്തിന്റെ ഭീതിദവും അസ്വസ്ഥവുമായ ഓര്മ്മപ്പെടുത്തലായിരുന്നു 45 മിനിറ്റ് മാത്രം നീണ്ടു നിന്ന ഏറെ ഒച്ചപ്പാടുകള് ഒന്നുമില്ലാതെ നടത്തിയ ഔപചാരിക ചടങ്ങ്. ബാഗ്ദാദ് വിമാനത്താവളത്തിന്റെ ഒരു മൂലയില് കനത്ത സുരക്ഷാ സന്നാഹങ്ങളോടെയാണ് ചടങ്ങ് നടന്നത്. ഇറാഖികളുടെ അഭാവം ചടങ്ങില് പ്രകടമായിരുന്നു. ഒഴിഞ്ഞു കിടന്ന കസേരകളില് അതില് ഇരിക്കുവാനുള്ള ആളിന്റെ പേരിനു താഴെ ഒരു ആക്രമണം ഉണ്ടായാല് രക്ഷപ്പെടാനായി ഓടി ഒളിക്കേണ്ട താവളത്തിന്റെ പേര് കൂടി നല്കിയിരുന്നത് അമേരിക്കന് സൈന്യം പിന്വാങ്ങുന്ന ഇറാഖില് ഇപ്പോഴും നില നില്ക്കുന്ന അരക്ഷിതാവസ്ഥയിലേക്ക് വിരല് ചൂണ്ടുന്നു.
പരസ്പരം പോരാടുന്ന വിഭാഗങ്ങളുടെ ആഭ്യന്തര സംഘര്ഷങ്ങള്ക്കിടയില് ഒരു സുസ്ഥിരമായ ഭരണം നടത്തുവാന് ഇറാഖ് സജ്ജമാണോ എന്ന ചോദ്യം ഇപ്പോഴും അവശേഷിക്കുന്നു. യുദ്ധത്തില് നഷ്ടപ്പെട്ട ജീവന്റെ കണക്കുകള് യുദ്ധത്തിന്റെ സാമ്പത്തിക ശാസ്ത്ര വിലയിരുത്തലുകളെ അപ്രസക്തമാക്കുന്നു. ജോര്ജ് ബുഷ് ഇറാഖിന്റെ പക്കല് ഉണ്ടെന്നു അവകാശപ്പെട്ട ഭീകരായുധങ്ങള് (Weapons of Mass Destruction – WMD – വെപ്പണ്സ് ഓഫ് മാസ് ഡിസ്ട്രക്ഷന്) ഇറാഖില് നിന്നും കണ്ടെത്താനായില്ല എന്ന പ്രഹേളികയും അവശേഷിക്കുന്നു.
ഔദ്യോഗിക കണക്കുകള് പ്രകാരം 4500 ഓളം അമേരിക്കന് സൈനികര്ക്കും പതിനായിരക്കണക്കിന് ഇറാഖികള്ക്കും തങ്ങളുടെ ജീവന് ഈ യുദ്ധത്തില് നഷ്ടപ്പെട്ടിട്ടുണ്ട്. എന്നാല് യഥാര്ത്ഥ മരണ സംഖ്യ ഇതിന്റെ പതിന്മടങ്ങാണ് എന്ന് 2003 ലെ ഇറാഖ് അധിനിവേശം മുതല് അധിനിവേശത്തില് ജീവന് നഷ്ടപ്പെട്ട സാധാരണ ജനങ്ങളുടെ കണക്ക് സൂക്ഷിക്കുന്ന ഇറാഖ് ബോഡി കൌണ്ട് എന്ന വെബ്സൈറ്റ് സാക്ഷ്യപ്പെടുത്തുന്നു.
- ജെ.എസ്.
വാഷിങ്ടണ് : ഇറാഖില് നിന്നും പിന്വാങ്ങി കഴിഞ്ഞാല് അമേരിക്കന് സൈനിക താവളങ്ങള് ഇറാഖില് നിലനിര്ത്തില്ല എന്ന് അമേരിക്കന് പ്രസിഡണ്ട് ബരാക് ഒബാമ പ്രസ്താവിച്ചു. എന്നാല് മദ്ധ്യ പൂര്വ്വേഷ്യയില് അമേരിക്കയുടെ ശക്തമായ സാന്നിദ്ധ്യം തുടരുക തന്നെ ചെയ്യും എന്നും അദ്ദേഹം കൂട്ടിച്ചേര്ത്തു.
ഇറാഖില് നിന്നും തങ്ങള് സൈന്യത്തെ പിന്വലിക്കുകയാണ്. ഇറാഖിനകത്ത് ഇനി അമേരിക്കയ്ക്ക് സൈനിക താവളങ്ങള് ഉണ്ടാകില്ല. എന്നാല് ശക്തമായ നയതന്ത്ര സാന്നിദ്ധ്യം ഇറാഖില് തങ്ങള് തുടര്ന്നും നിലനിര്ത്തും. എന്നാല് പ്രദേശത്തെ മറ്റുള്ളവര് ഇറാഖിന്റെ കാര്യങ്ങളില് ഇടപെടാന് ശ്രമിച്ചാല് തങ്ങള് വെറുതെ ഇരിക്കില്ല – അദ്ദേഹം തുടര്ന്നു. ഇതിനായി മദ്ധ്യ പൂര്വ്വേഷ്യയില് അമേരിക്കന് സൈനിക സാന്നിദ്ധ്യം നിലനിര്ത്തും. അമേരിക്ക തങ്ങളുടെ സുഹൃത്തുക്കളുടെ സുരക്ഷ എന്നും ഉറപ്പു വരുത്തുമെന്നും അദ്ദേഹം വ്യക്തമാക്കി.
- ജെ.എസ്.
ഇസ്ലാമാബാദ്: അഫ്ഗാനിലേക്കുള്ള നാറ്റോയുടെ വാണിജ്യ പാതകള് അടച്ചതിനു പിന്നാലെ പാക് വ്യാമാതിര്ത്തിയും അമേരിക്കന് വിമാനങ്ങള്ക്ക് വിലക്കേര്പ്പെടുത്താന് ഒരുങ്ങുന്നു. പാക് പ്രധാനമന്ത്രി യൂസുഫ് റാസ ഗീലാനി ബി. ബി. സിക്ക് അനുവദിച്ച അഭിമുഖത്തിലാണ് ഇക്കാര്യം പറഞ്ഞത്. “അമേരിക്കയുമായുള്ള പ്രശ്നങ്ങളില് ഒത്തുതീര്പ്പുണ്ടാകുന്നതു വരെ നാറ്റോ ട്രക്കുകള്ക്കുള്ള വിലക്ക് പിന്വലിക്കില്ലെന്ന് ഒന്നിച്ചാണ് ഇതുവരെ പ്രവര്ത്തിച്ചിരുന്നത്. ഇപ്പോള് പരസ്പര വിശ്വാസം നഷ്ടപ്പെട്ടിരിക്കുന്നു. ബന്ധങ്ങള് ഇനിയും മെച്ചപ്പെടുത്തേണ്ടതുണ്ട്” അദ്ദേഹം പറഞ്ഞു. അമേരിക്ക ഡ്രോണാക്രമണങ്ങള്ക്ക് ഉപയോഗിച്ചിരുന്ന ഷംസി വ്യോമതാവളം പാക്കിസ്താന്റെ നിര്ദ്ദേശ പ്രകാരം അടച്ചിരുന്നു. അമേരിക്കയും പാകിസ്ഥാനുമായുള്ള ബന്ധം ഇതോടെ കൂടുതല് വഷളായിരികുക്കുകയാണ്.
-
വായിക്കുക: അമേരിക്ക, തീവ്രവാദം, പാക്കിസ്ഥാന്, ബഹിരാകാശം, യുദ്ധം
വാഷിങ്ടണ്: നാറ്റോ സേനയ പാകിസ്താന് സൈനികര്ക്കു നേരെ നടത്തിയ ആക്രമണം പാകിസ്താന് ഉദ്യോഗസ്ഥരുടെ അറിവോടെ തന്നെയായിരുന്നു എന്ന് റിപ്പോര്ട്ട്. ഈ മേഖലയില് സൈനികരുണ്ടെന്ന വിവരം അറിയാതെ അനുമതി നല്കുകയായിരുന്നുവെന്ന് വാള് സ്ട്രീട്ട് ജേര്ണല് റിപ്പോര്ട്ട് ചെയ്തു. എന്നാല് പ്രാഥമിക അന്വേഷണത്തില് പാകിസ്താന് അധികൃതരുടെ അനുമതിയോടുകൂടിയാണ് അഫ്ഗാന്-പാക് അതിര്ത്തികളില് നാറ്റോ സേന വ്യോമാക്രമണം നടത്തിയതെന്ന് വ്യക്തമായതോടെ നാറ്റോ സേന വ്യമതാവളം ഒഴിയണമെന്ന് ആവശ്യപെട്ട പാകിസ്ഥാന്റെ നടപടി മാറ്റണമെന്നാണ് നാറ്റോ പറയുന്നത്. 24 പാകിസ്താന് സൈനികര് കൊല്ലപ്പെട്ടതിനെ തുടര്ന്ന് പാകിസ്താന് വളരെ ശക്തമായും വൈകാരികമായുമാണ് പ്രതികരിച്ചിരുന്നത്. അഫ്ഗാനിലേക്കുള്ള നാറ്റോയുടെ വിതരണ റൂട്ട് തടയുകയും പാകിസ്താന് അമേരിക്കയോട് ബലൂചിസ്താനിലെ വ്യോമകേന്ദ്രം ഒഴിയാനും ആവശ്യപ്പെട്ടിരുന്നു. എന്നാല് ഈ റിപ്പോര്ട്ട് അമേരിക്കയ്ക്കും നാറ്റോയുടെ സേനക്കും ആശ്വാസ മേകിയിരിക്കുകയാണ്.
-
വായിക്കുക: അമേരിക്ക, പാക്കിസ്ഥാന്, യുദ്ധം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
