നയന്‍‌താരയെ താന്‍ മിന്നു കെട്ടിയത് സിനിമയില്‍ ആണെന്ന് തമിഴ് നടന്‍ ആര്യ. നവ വധുവിനെ പോലെ അണിഞ്ഞൊരുങ്ങി വെള്ള ഗൌണിട്ട് വധുവായി നയന്താരയും സ്യൂട്ടിട്ട് ആര്യയും പുരാതന പള്ളിയില്‍ വെച്ച് മിന്നു കെട്ടുന്ന ദൃശ്യങ്ങള്‍ അതീവ രഹസ്യമായി ഇരുവരും വിവാഹിതരായി എന്ന അടിക്കുറിപ്പോ‍ടെ സോഷ്യല്‍ നെറ്റ്‌വര്‍ക്കുകളില്‍ പ്രചരിച്ചിരുന്നു. എന്നാല്‍ ഇത് ആറ്റ്ലി സംവിധാനം ചെയ്യുന്ന തമിഴ് ചിത്രമായ രാജ റാണിയിലെ ഭാഗങ്ങള്‍ ആരോ മൊബൈലില്‍ പകര്‍ത്തി പുറത്ത് വിട്ടതാണെന്ന് ആര്യ പറഞ്ഞു.
പൂനെയിലെ അതിപുരാതനമായ ഒരു അംഗ്ലിക്കന്‍ പള്ളിയില്‍ വെച്ചായിരുന്നു വിവാഹ രംഗങ്ങള്‍ ഷൂട്ട് ചെയ്തത്. ഇതാണ് പിന്നീട് ആര്യ – നയന്‍‌താര രഹസ്യ വിവാഹം നടന്നു എന്ന ഗോസിപ്പിനു വഴി വെച്ചത്. ത്രികോണ പ്രണയ കഥ പറയുന്ന രാജ റാണി ജൂണില്‍ പ്രദര്‍ശനത്തിനെത്തിക്കാണ് അണിയറ പ്രവര്‍ത്തകരുടെ ശ്രമം. പ്രണയ പരാജയത്തിനു ശേഷം അൽപ്പകാലം സിനിമയില്‍ നിന്നും മാറി നിന്ന നയന്‍സ് ശക്തമായ തിരിച്ചു വരവിനാണ് ശ്രമിച്ചു കൊണ്ടിരിക്കുന്നത്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: controversy, nayantara, relationships, wedding
