ആലുവ: അനാശാസ്യ പ്രവര്‍ത്തനത്തില്‍ ഏര്‍പ്പെട്ട കേസില്‍ നടി രേഷ്മക്ക് ആയിരം രൂപ പിഴയും കോടതി പിരിയും വരെ തടവും ശിക്ഷ ലഭിച്ചു. ഒന്നാം ക്ലാസ് മജിസ്ട്രേറ്റ് കോടതിയാണ് നടിയെ ശിക്ഷിച്ചത്. 2007 ഡിസംബര്‍ 17 നു കാക്കനാട്ടെ ഒരു വീട്ടില്‍ നിന്നുമാണ് രേഷ്മയുള്‍പ്പെടെ ഏഴുപേരെ പോലീസ് അറസ്റ്റ് ചെയ്തത്. ജാമ്യത്തിലിറങ്ങിയ ശേഷം കേസ് പരിഗണിച്ചപ്പോള്‍ ഹാജരാകാത്തതിനെ തുടര്‍ന്ന് രേഷ്മക്കെതിരെ വാറന്റ് പുറപ്പെടുവിച്ചിരുന്നു. ഇതേ തുടര്‍ന്ന് കോടതിയില്‍ ഹാജരായി കുറ്റം സമ്മതിക്കുകയായിരുന്നു. ഇതേ കേസിലെ മറ്റു പ്രതികളായ കാഞ്ഞിരപ്പള്ളി സ്വദേശിനി ബീന, കൊല്ലം സ്വദേശിനി രമ്യ, ബാംഗ്ലൂര്‍ സ്വദേസിനി സിമ്രാന്‍ എന്നിവര്‍ക്കെതിരെ വാറന്റ് നിലവില്‍ ഉണ്ട്. പര്‍ദ്ദയിട്ട് കോടതിയില്‍ എത്തിയ രേഷ്മയെ അധികമാരും തിരിച്ചറിഞ്ഞില്ല. മകനും അമ്മയ്ക്കും ഒപ്പമായിരുന്നു രേഷ്മ കോടതിയില്‍ എത്തിയത്.
ഷക്കീല ചിത്രങ്ങളുടെ തരംഗം ഉണ്ടായ സമയത്ത് അവര്‍ക്കൊപ്പം അസ്ലീല ചിത്രങ്ങളില്‍ നിറഞ്ഞ് നിന്ന നടിയായിരുന്നു കര്‍ണ്ണാടകക്കാരിയായ രേഷ്മ. പല സിനിമകളിലും അര്‍ദ്ധനഗ്നയായി രേഷ്മ പ്രത്യക്ഷപ്പെട്ടിരുന്നു. മെലിഞ്ഞതും അംഗവടിവൊത്തതുമായ ശരീരമുണ്ടായിരുന്ന രേഷ്മയ്ക്ക് അക്കാലത്ത് വന്‍ ആരാധകര്‍ ഉണ്ടായി. സോഫ്റ്റ് പോണ്‍ സീരീസിലുള്ള ഷക്കീല ചിത്രങ്ങള്‍ക്ക് ഇടിവു സംഭവിച്ചതോടെ രേഷ്മ അനാശാസ്യത്തിലേക്ക് നീങ്ങുകയായിരുന്നു എന്നാണ് അറിയുന്നത്. അസ്ലീല നടി എന്ന നിലയില്‍ ഉണ്ടായ പ്രശസ്തി ഇവര്‍ക്ക് വലിയ മാര്‍ക്കറ്റ് നേടിക്കൊടുത്തു. കൊച്ചിയില്‍ നിന്നും അറസ്റ്റ് ചെയ്യപ്പെട്ടതിനു ശേഷം രേഷ്മയെ ചോദ്യം ചെയ്യുന്നതിന്റെ ദൃശ്യങ്ങള്‍ എന്ന പേരില്‍ വന്ന ദൃശ്യങ്ങള്‍ ഇന്റര്‍ നെറ്റില്‍ വൈറല്‍ ആയിരുന്നു.
- എസ്. കുമാര്‍
