ചലച്ചിത്ര നടി ഭാവനക്ക് യു. എ. ഇ. സര്‍ക്കാര്‍ പത്തു വര്‍ഷത്തേക്കുള്ള ഗോള്‍ഡന്‍ വിസ നല്‍കി. സിനിമ, വിദ്യാഭ്യാസം, ഡോക്ടര്‍മാര്‍, നഴ്സുമാര്‍ അടക്കം വിവിധ രംഗങ്ങളില്‍ മികവ് തെളിയിച്ച പ്രതിഭകള്‍ക്കും ബിസിനസ്സുകാര്‍ക്കും സംരംഭകര്‍ക്കും എല്ലാം യു. എ. ഇ. ഭരണ കൂടം ഗോള്‍ഡന്‍ വിസ നല്‍കി വരുന്നു.
പത്തു വര്‍ഷത്തെ കാലാവധി കഴിഞ്ഞാല്‍ വിസ പുതുക്കി നല്‍കും. പ്രമുഖ താരങ്ങളായ മമ്മൂട്ടി, മോഹന്‍ ലാല്‍, കമല്‍ ഹാസന്‍, സിദ്ധീഖ്, ദുല്‍ഖര്‍ സല്‍മാന്‍, പൃഥി രാജ്, ടോവിനോ തോമസ്, ആസിഫ് അലി, മിഥുന്‍ രമേശ്, ആശാ ശരത്, നൈല ഉഷ, മീരാ ജാസ്മിന്‍, ലാല്‍ ജോസ്, സലീം അഹമ്മദ് തുടങ്ങി ഒട്ടേറെ അഭിനേതാക്കള്‍ക്കും സംവിധായകര്‍ അടക്കമുള്ള ചലച്ചിത്ര പ്രവര്‍ത്തകര്‍ക്കും ഇക്കാലയളവില്‍ ഗോള്‍ഡന്‍ വിസ ലഭ്യമായിട്ടുണ്ട്.
