മ്യാവൂ : ലാൽ ജോസ് ചിത്രം യു. എ. ഇ. യില്‍

December 21st, 2020

lal-jose-movie-myaavoo-ePathram
പ്രവാസി കലാകാരന്മാരെ കൂടെ ഉള്‍പ്പെടുത്തി ഗള്‍ഫ് പശ്ചാത്തലത്തില്‍ ഒരുങ്ങുന്ന ലാല്‍ ജോസ് സിനിമക്ക് ‘മ്യാവൂ’ എന്നു പേരിട്ടു. സൗബിൻ ഷാഹിർ, മംമ്ത മോഹൻ ദാസ്, സലിം കുമാർ, ഹരിശ്രീ യൂസഫ് തുടങ്ങി യവര്‍ പ്രധാന കഥാപാത്രങ്ങളെ അവതരിപ്പി ക്കുന്ന ‘മ്യാവൂ’ ഇപ്പോള്‍ യു. എ. ഇ. യില്‍ ചിത്രീകരണം തുടരുന്നു.

സംവിധായകന്‍ ലാല്‍ ജോസ്, തന്റെ ഫേയ്സ് ബുക്ക് പോസ്റ്റിലൂടെ യാണ് ‘മ്യാവൂ’ പോസ്റ്റര്‍ റിലീസ് ചെയ്തതും ചിത്രീകരണ വിശേഷങ്ങള്‍ പങ്കു വെച്ചതും.
iqbal-kuttippuram-saubin-shahir-lal-jose-myavoo-ePathram

ഡോക്ടര്‍ ഇഖ്ബാല്‍ കുറ്റിപ്പുറം തിരക്കഥ ഒരുക്കുന്ന ‘മ്യാവൂ’ നിര്‍മ്മി ക്കുന്നത് തോമസ്സ് തിരുവല്ല. ദുബായില്‍ തന്നെ ചിത്രീകരിച്ച ‘അറബിക്കഥ’, ‘ഡയമണ്ട് നെക്ലേസ്’, കൂടാതെ ‘വിക്രമാദിത്യൻ’ എന്നീ ഹിറ്റ് ചിത്രങ്ങൾക്കു ശേഷം ലാൽ ജോസ് – ഡോ. ഇക്ബാൽ കുറ്റിപ്പുറം  ഒത്തു ചേരുന്ന സിനിമ എന്ന പ്രത്യേകതയും ‘മ്യാവൂ’ വിനുണ്ട്.

ഗാന രചന : സുഹൈൽ കോയ, സംഗീതം : ജസ്റ്റിൻ വർഗ്ഗീസ്സ്, ഛായാഗ്രഹണം : അജ്മൽ ബാബു, എഡിറ്റിംഗ് :  രഞ്ജൻ  എബ്രാഹം, ചീഫ് അസ്സിസിയേറ്റ് ഡയറക്ടർ : രഘു രാമ വർമ്മ, പ്രൊഡക്ഷൻ കൺട്രോളർ : രഞ്ജിത്ത് കരുണാകരൻ തുടങ്ങിയവരാണ് പ്രധാന പിന്നണിക്കാർ.

അരങ്ങില്‍ വിസ്മയം തീര്‍ത്ത നിരവധി പ്രവാസി കലാകാരന്മാരും പ്രവാസം പ്രമേയ മായ മ്യാവൂ എന്ന ഈ ചിത്രത്തില്‍ പങ്കാളികള്‍ ആവുന്നു. എൽ.  ജെ. ഫിലിംസ് റിലീസ് ചെയ്യുന്നു.

- pma

വായിക്കുക: , ,

അഭിപ്രായം എഴുതുക »

മംമ്ത മോഹന്‍ദാസ് വിവാഹ മോചിതയായി

August 19th, 2013

mamta-mohandas-wedding-epathram
എറണാകുളം : ചലച്ചിത്ര  നടിയും ഗായിക യുമായ മംമ്ത മോഹന്‍ദാസ് വിവാഹ മോചിതയായി. എറണാകുളം കുടുംബ കോടതി യാണ് മംമ്തയ്ക്കും പ്രജിത്തിനും വിവാഹ മോചനം അനുവദിച്ച് ഉത്തരവായത്.

വര്‍ഷങ്ങള്‍ നീണ്ട സൗഹൃദത്തിനും ഒരു വര്‍ഷം നീണ്ട ദാമ്പത്യത്തിനും ശേഷമാണ് പ്രജിത്തു മായി വഴി പിരിയാന്‍ മംമ്ത തീരുമാനിച്ചത്.

2011 നവംബറി ലായിരുന്നു ഇവരുടെ വിവാഹം.  2012 ഡിസംബറി ലാണ് വിവാഹ മോചിതരാകാന്‍ രണ്ട് പേരും തീരുമാനിച്ചത്.

ബഹ്‌റൈനില്‍ ബിസിനസു കാരനാണ് മംമ്ത യുടെ ബാല്യകാല സുഹൃത്തു കൂടിയായ പ്രജിത്ത്.

- pma

വായിക്കുക: , ,

അഭിപ്രായം എഴുതുക »

വിവാഹ ബന്ധം വേര്‍പെടുത്തുന്ന താരങ്ങളുടെ പട്ടികയില്‍ ഒടുവില്‍ മം‌മ്താ മോഹന്‍ ദാസും

December 13th, 2012

mamta-mohandas-wedding-epathram

ആഘോഷപൂര്‍വ്വം വിവാഹിതരാകുകയും എന്നാല്‍ അധികം താമസിയാതെ തകരുകയും ചെയ്യുന്ന താര ദാമ്പത്യ പട്ടിക നീളുകയാണ്. പ്രശസ്ത നടിയും ഗായികയുമായ മം‌മ്ത മോഹന്‍‌ദാസിന്റേയും പ്രജിത്തിന്റേയും പേരാണ് അതില്‍ ഏറ്റവും ഒടുവില്‍ ഇടം പിടിച്ചിരിക്കുന്നത്. താരപ്പൊലിമയില്‍ തിളങ്ങി നില്‍ക്കുമ്പോള്‍ പെട്ടെന്നുണ്ടായ ഒരു അടുപ്പമല്ല ഇവരുടേത്. ഇരുവരും ബാല്യകാല സുഹൃത്തുക്കള്‍. കാലങ്ങളായി പരസ്പരം അറിയുന്നവര്‍. എന്നിട്ടും ദാമ്പത്യ ബന്ധം ഒരു വര്‍ഷം പോലും തികക്കുവാന്‍ ഇവര്‍ക്കായില്ല. തങ്ങള്‍ രണ്ടു വ്യത്യസ്ഥ വ്യക്തിത്വങ്ങളാണെന്ന് തിരിച്ചറിഞ്ഞതില്‍ സന്തോഷമുണ്ടെന്നാണ് മം‌മ്ത മോഹന്‍‌ദാസ് പറയുന്നത്. വിവാഹ ജീവിതത്തില്‍ സ്നേഹത്തോടൊപ്പം ബഹുമാനത്തിനും ഏറെ പ്രാധാന്യമുണ്ടെന്നും അതൊരിക്കലും ഏക പക്ഷീയമാകരുത്. ഇതില്ലെങ്കില്‍ അപകടമാണ്. ഇനിയും ഒരുപാട് കാലം ഇങ്ങനെ യാത്ര ചെയ്യാന്‍ ആകില്ലെന്നും അവര്‍ പറയുന്നു.

മലയാള മാധ്യമങ്ങള്‍ ഏറ്റവും ആഘോഷിച്ച വിവാഹമായിരുന്നു കാവ്യാ മാധവന്റേയും നിഷാലിന്റേയും. എന്നാല്‍ അതിനു മാസങ്ങളുടെ ആയുസ്സേ ഉണ്ടായിരുന്നുള്ളൂ. വിവാഹ ബന്ധത്തിലെ അസ്വാരസ്യങ്ങള്‍ പുറത്ത് വന്നപ്പോള്‍ മലയാള മാധ്യമങ്ങള്‍ അതിനേയും ആഘോഷമാക്കി മാറ്റി. ഇരു കൂട്ടരും നടത്തിയ ആരോപണ പ്രത്യാരോപണങ്ങള്‍ സവിസ്തരം വാര്‍ത്തയായും അഭിമുഖമായും നല്‍കി. ഉര്‍വ്വശി – മനോജ് കെ. ജയന്‍ ദമ്പതികള്‍ വേര്‍ പിരിഞ്ഞപ്പോള്‍ അതും വലിയ വാര്‍ത്തയാ‍യി. മകള്‍ കുഞ്ഞാറ്റയുടെ അവകാശത്തെ കുറിച്ചുള്ള തര്‍ക്കം ഇനിയും കോടതിയില്‍ തീര്‍പ്പായിട്ടില്ല. മകളെ കാണാന്‍ ഉര്‍വ്വശി മദ്യപിച്ച് കോടതിയില്‍ എത്തിയെന്ന ആരോപണം വലിയ വാര്‍ത്തയായി. എന്നാല്‍ അസുഖം മൂലം തനിക്ക് ഡോസ് കൂടിയ ചില മരുന്നുകള്‍ കഴിക്കേണ്ടി വന്നെന്നും അതിന്റെ ക്ഷീണമാണ് ഉണ്ടായിരുന്നതെന്നും ഉര്‍വ്വശി പിന്നീട് വ്യക്തമാക്കി. ഉര്‍വ്വശിയുടെ സഹോദരി കല്പനയും സംവിധായകന്‍ അനിലും തമ്മിലുള്ള ദാമ്പത്യ ബന്ധത്തിലും വിള്ളല്‍ വീണിരുന്നു. ഇരുവരും പിരിഞ്ഞു. ജ്യോതിര്‍മയിയും വേര്‍ പിരിഞ്ഞവരുടെ കൂട്ടത്തില്‍ അടുത്ത കാലത്ത് എത്തിയ ഒരാളാണ്. നടന്‍ സായ്കുമാറും ഭാര്യയും തമ്മിലുള്ള വിവാഹ മോചന കേസില്‍ ഭാര്യക്കും മകള്‍ക്കും ചിലവിനു കൊടുക്കുവാന്‍ കോടതി ആവശ്യപ്പെട്ടതും അടുത്ത കാലത്ത് തന്നെ.

വെള്ളിവെളിച്ചത്തിലെ താരങ്ങളുടെ വ്യക്തി ജീവിതം താറുമാറാകുന്നത് ഇന്നിപ്പോള്‍ സാധാരണമായിരിക്കുന്നു. ആഘോഷപൂര്‍വ്വം ഓരോ താര വിവാഹവും നടക്കുമ്പോള്‍ ഇതെത്ര കാലം നിലനില്‍ക്കും എന്ന് ചോദിക്കുന്ന അവസ്ഥയിലേക്കാണ് കാര്യങ്ങള്‍ എത്തി നില്‍ക്കുന്നത്.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

മം‌മ്‌താ മോഹന്‍‌ദാസും വിവാഹ മോചനത്തിന് ഒരുങ്ങുന്നു

December 12th, 2012

പ്രശസ്ത നടിയും ഗായികയുമായ മം‌മ്‌താ മോഹന്‍‌ദാസും ഭര്‍ത്താവ് പ്രജിത് പത്മനാഭനും തമ്മില്‍ വിവാഹ ബന്ധം വേര്‍പിരിയുവാന്‍ ഒരുങ്ങുന്നു. അപൂര്‍വ്വദിനമായ 11-11-11 നു വിവാഹ നിശ്ചയം നടത്തിയ ഇരുവരും ഡിസംബര്‍ 28 ന് ആയിരുന്നു വിവാഹിതരായത്. ഒരു വര്‍ഷം തികയും മുമ്പേ 12-12-12 നാണ് ഒരു ദേശീയ പത്രത്തിനു അനുവദിച്ച അഭിമുഖത്തിലൂടെ തങ്ങള്‍ വേര്‍ പിരിയുന്ന വിവരം മം‌മ്‌താ മോഹന്‍‌ദാസ് പുറത്തു വിട്ടത്. നിയാമ പ്രകാരമുള്ള വിവാഹ മോഹനത്തിനുള്ള നടപടിക്രമങ്ങള്‍ ജനുവരിയില്‍ ആരംഭിക്കുമെന്നും താരം പറയുന്നു. മം‌തയുടെ ബാല്യകാല സുഹൃത്തുകൂടിയായ പ്രജിത്ത് ബഹ്‌റൈനിലെ ബിസിനസ്സുകാരനാണ്.

തങ്ങള്‍ തികച്ചും വ്യത്യസ്ഥരായ രണ്ട് വ്യക്തികളാണെന്നും ഒരുമിച്ച് മുന്നോട്ട് പോകാന്‍ ആകില്ല എന്ന് മനസ്സിലായതോടെ ആണ് ഇരുവരും വേര്‍ പിരിയുവാന്‍ തീരുമാനിച്ചത്. വിവാഹ ജീവിതത്തില്‍ സ്നേഹത്തോടൊപ്പം ബഹുമാനത്തിനും ഏറെ പ്രാധാന്യമുണ്ടെന്നും അതൊരിക്കലും ഏക പക്ഷീയമാകരുത്. ഇതില്ലെങ്കില്‍ അപകടമാണ്. അത് ജീവിതത്തില്‍ മാറ്റങ്ങള്‍ വരുത്തും. സംതൃപ്തിയില്ലാതെ ഇങ്ങനെ ഭാര്യാഭര്‍ത്താക്കന്മാരി ജീവിക്കുന്നതില്‍ അര്‍ഥമില്ലെന്നും കുറച്ച് മാസങ്ങളായി തങ്ങള്‍ വേര്‍ പിരിഞ്ഞാണ് ജീവിക്കുന്നതെന്നും മം‌മ്ത പറയുന്നു. കേരളം പോലെ ഉയര്‍ന്ന വിവാഹമോചന നിരക്കുള്ള ഒരു സംസ്ഥാനത്ത് മം‌മ്തയെ പോലെ പ്രശസ്തയായ ഒരു താരം ഒരു വര്‍ഷം തികയും മുമ്പേ വിവാഹമോഹനത്തിനു ഒരുങ്ങുന്നത് തെറ്റായ സന്ദേശം പകരില്ലേ എന്ന ചോദ്യത്തിനു. ഒരു താരമെന്ന നിലയില്‍ എന്റെ ഉത്തരവാദിത്വത്തെ കുറിച്ച് ഞാന്‍ ബോധവതിയാണ് ഒരു പക്ഷെ ഒരുപാട് യുവതീ യുവാക്കള്‍ എന്നെ നിരീക്ഷിക്കുന്നുണ്ടാകാം. അസംതൃപ്തമായ ദാമ്പത്യജീവിതം ഉള്ളവര്‍ ഉടനെ തന്റെ വ്യക്തിജീവിതം മാതൃകയായാക്കി ഉടനെ വിവാഹ മോചനം നടത്തണമെന്ന് താന്‍ വാദിക്കുന്നില്ല. പക്ഷെ തനിക്കിക്ക് വിവാഹ മോചനമല്ലാതെ മറ്റു മാര്‍ഗ്ഗമില്ലെന്നും അതിന്റെ വിശദാംശങ്ങളിലേക്ക് കടക്കുന്നില്ലെന്നും അവര്‍ വ്യക്തമാക്കുന്നു. തങ്ങള്‍ ഇരുവരും ചേര്‍ന്നെടുത്ത തീരുമാനമാണത്.

കാവ്യാ മാധവന്‍, ഉര്‍വ്വശി, കല്പന തുടങ്ങി നിരവധി നായിക നടിമാര്‍ അടുത്തിടെ വിവാഹ മോചനം നേടിയിരുന്നു. ഇതില്‍ കാവ്യയുടെ വിവാഹ മോചനം ഏറേ വിവാദം സൃഷ്ടിച്ചിരുന്നു. മയൂഖം എന്ന ചിത്രത്തിലൂടെ സിനിമയില്‍ എത്തിയ മം‌മ്ത മോഹന്‍‌ദാസ് മലയാളം, തമിഴ്, തെലുങ്ക് ചിത്രങ്ങളില്‍ അഭിനയിച്ചിട്ടുണ്ട്. പ്രിഥ്‌വീരാജ് നായകനാകുന്ന ജേസി ഡാനിയേലിന്റെ ജീവിതത്തെ വിഷയമാക്കുന്ന സെല്ലുലോയിഡ്, ഇന്ദ്രജിത്ത് നാ‍യകനാകുന്ന പൈസ പൈസ മോഹന്‍‌ലാലിന്റെ ലീഡീസ് ആന്‍റ ജെന്റില്‍ മാന്‍ തുടങ്ങി നിരവധി ചിത്രങ്ങളില്‍ മം‌മ്ത കരാര്‍ ചെയ്യപ്പെട്ടു കഴിഞ്ഞു. വിവാഹ മോചിതയായാലും താന്‍ തുടര്‍ന്നും സിനിമയില്‍ സജീവമാകുമെന്ന് നടി അഭിമുഖത്തില്‍ വ്യക്തമാക്കുന്നു. ഗായിക എന്ന നിലയില്‍ അധികം പാട്ടുകള്‍ പാടിയിട്ടില്ലെങ്കിലും മം‌മ്ത ആലപിച്ച ഡാഡി മമ്മീ വീട്ടില്‍ ഇല്ലെ.. എന്ന തമിഴ് ഗാനം സൂപ്പര്‍ ഹിറ്റായിരുന്നു.

- എസ്. കുമാര്‍

വായിക്കുക: ,

1 അഭിപ്രായം »

വിവാഹശേഷം മം‌മ്ത മോഹന്‍‌ദാസ് തിരിച്ചെത്തുന്നു

April 10th, 2012
mamta mohandas-epathram
വിവാഹ ശേഷം നടി മം‌മ്താ മോഹന്‍‌ദാസ് തിരിച്ചെത്തുന്നു. ഈസ്റ്റ്കോസ്റ്റ് വിജയന്‍ നിര്‍മ്മിക്കുന്ന ‘മൈ ബോസ്’‘ എന്ന ദിലീപ് ചിത്രത്തിലാണ് മം‌മ്ത നായികയാകുന്നത്. വിവാഹ ശേഷം തന്റെ മം‌മ്ത പ്രതിഫലം പതിനഞ്ചു ലക്ഷമായി ഉയര്‍ത്തിയതായും വാര്‍ത്തകളുണ്ട്. അന്യഭാഷകളില്‍ ചില മലയാളി നടിമാര്‍ കോടികള്‍ പ്രതിഫലം വാങ്ങും‌മ്പോള്‍  മലയാളത്തില്‍ വളരെ തുച്ഛമാണ് നടിമാരുടെ പ്രതിഫലം. കാവ്യാമാധവനാണ് ഇന്ന് മലയാളത്തില്‍ ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാള്‍.
പ്രണയത്തിനു പ്രാധാന്യം നല്‍കിക്കൊണ്ട്  ജിത്തു ജോസഫ് സംവിധാനം ചെയ്യുന്ന മൈ ബോസില്‍ ഒരു സോഫ്‌റ്റ്‌വെയര്‍ എഞ്ചിനീയറായാണ് ദിലീപ് വേഷമിടുന്നത്. ദിലീപിന്റെ ബോസിന്റെ റോളിലാണ് മം‌മ്ത എത്തുന്നത്. ലെന, സലിം‌കുമാര്‍,സായ്‌കുമാര്‍ തുടങ്ങിയവരും ചിത്രത്തില്‍ അഭിനയിക്കും.

- എസ്. കുമാര്‍

വായിക്കുക: , ,

അഭിപ്രായം എഴുതുക »

1 of 212

« Previous « ശ്രീനിവാസനെതിരെ കവി മാനനഷ്ടത്തിനു പരാതി നല്‍കി
Next Page » വിഷുവിന് കോബ്ര എത്തുന്നു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine