ജൊഹാനസ്ബര്‍ഗ് : ഇന്നലെ മൂന്നാമതായി നടന്ന ഇറ്റലി – പരാഗ്വെ കളി, ഈ ലോക കപ്പില്‍ ഇന്ന് വരെ കണ്ടതില്‍ വെച്ച് ഏറ്റവുമധികം ആവേശം നിറഞ്ഞു നിന്ന മല്‍സര മായിരുന്നു. ചാമ്പ്യന്മാരെ സമനിലയില്‍ തളച്ചു കൊണ്ട് പരാഗ്വെ ശക്തി തെളിയിച്ചു. ഒന്നാം പകുതിയിലെ ഇരുപത്തി ഒന്‍പതാം മിനുട്ടില്‍ പരാഗ്വെ മിഡ്‌ ഫീല്‍ഡര്‍ അന്‍റ്ളിന്‍ അല്‍കാറസ് നേടിയ ഗോളിലൂടെ ലീഡ്‌ എടുത്ത പരാഗ്വെ, പകുതി സമയത്തേക്ക് കളി പിരിയുമ്പോഴും തങ്ങളുടെ ലീഡ്‌ നില നിര്‍ത്തുക യായിരുന്നു. ആദ്യ പകുതിക്ക് ശേഷം വെടിയുണ്ടയേറ്റ ചീറ്റ പ്പുലിയെ പ്പോലെ ആഞ്ഞടിച്ച ചാമ്പ്യന്മാര് അറുപത്തി രണ്ടാം മിനുട്ടില്‍ ഇറ്റാലിയന്‍ മിഡ്‌ ഫീല്‍ഡര്‍ ഡിരോസ്സേ നേടിയ ഗോളിലൂടെ സമനില നേടുക യായിരുന്നു. തുടര്‍ന്നും കാണികള്‍ക്ക്‌ ഇമ്പമേറിയ കളി കാണാന്‍ കഴിഞ്ഞെങ്കിലും ഇരു പ്രതിരോധ നിരകളും വളരെ ശക്തമായി തന്നെ ബോളിനെ നേരിട്ടതോടെ കളി സമനിലയില്‍ അവസാനിക്കുക യായിരുന്നു.
ഹോണ്ട ഹീറോ: ജപ്പാന് ജയിച്ചു
ലോകകപ്പ്‌ ഫുഡ്ബോളിലെ ഏഷ്യന്‍ പ്രതിനിധി യായ ജപ്പാനും ആഫ്രിക്കന്‍ പ്രതിനിധി യായ കാമറൂണും തമ്മില്‍ നടന്ന മല്‍സരത്തില്‍ ജപ്പാന് മറുപടി ഇല്ലാത്ത ഒരു ഗോളിന് വിജയം. തകര്‍പ്പന്‍ കളി പുറത്തെടുത്ത കാമറൂണി നെതിരെ പിടിച്ചു നില്‍ക്കാന്‍ ജപ്പാന് ഡിഫന്‍ സിനു വല്ലാതെ പണിപ്പെടേണ്ടി വന്നു. കളിയുടെ ഒന്നാം പകുതിയില്‍ ജപ്പാന് സ്ട്രൈക്കര്‍ ഹോണ്ട നേടിയ ഗോളിലൂടെ ജപ്പാന് ഏഷ്യ യുടെ ഹീറോ ആയി മാറി.
ഹോളണ്ടിനു വിജയം
ലോക കപ്പില്‍ ആദ്യത്തെ സെല്‍ഫ്‌ ഗോള്‍ കണ്ട മല്‍സരത്തില്‍ നെതര്‍ ലാന്‍ഡ്‌ ഡെന്മാര്‍ക്കിനെ 2 – 0 എന്ന സ്കോറിന് മറി കടന്നു. ഒപ്പത്തിനൊപ്പം കളിച്ച ഇരു ടീമുകളും നല്ലൊരു മല്‍സരമാണ് കാഴ്ച വെച്ചത്. ഡെന്മാര്ക്ക് ഡിഫെന്‍ഡര്‍ ഒന്നാം പകുതിയില്‍ വരുത്തിയ വീഴ്ചയിലൂടെ യാണ് സെല്‍ഫ്‌ ഗോള്‍ പിറന്നത്.
– ഹുസ്സൈന്‍ ഞാങ്ങാട്ടിരി
ജൊഹാനസ്ബര്‍ഗ് : കായിക പ്രേമികളെ അത്ഭുത പ്പെടുത്തി ക്കൊണ്ട്, ലോക കപ്പ് 2006 ല്‍ അസൂയാ വഹ മായ മുന്നേറ്റം നടത്തി കളി നിരൂപകരു ടേയും ആരാധക രുടേയും കണക്കു കൂട്ടലുകള്‍ ക്കപ്പുറം മികവിന്‍റെ പര്യായമായി മാറി ലോക ഫുട്ബോളിന്‍റെ നിറുകയില്‍ വിരാജിച്ച ഇറ്റലി ഇന്ന് കളിക്കള ത്തില്‍ ഇറങ്ങുന്നു. 
ജൊഹാനസ്ബര്‍ഗ് : 2010 ലോക കപ്പ് ഫുട്ബോളില്‍ ഇന്നലെ നടന്ന ആസ്ത്രേലിയ – ജര്‍മ്മനി മല്‍സര ത്തില്‍ ജര്‍മ്മനിക്ക് തകര്‍പ്പന്‍ വിജയം. കളിയുടെ എല്ലാ മേഖല കളിലും വ്യക്തമായ ആധിപത്യം ഉറപ്പിച്ചു കൊണ്ടാണ് ജര്‍മ്മന്‍കാര്‍ തങ്ങളുടെ ആദ്യ മല്‍സരം അവിസ്മരണീയം ആക്കിയത്. എതിരില്ലാത്ത നാല് ഗോളു കളാണ് ജര്‍മ്മന്‍ പട ആസ്ത്രേലിയന്‍ ഗോള്‍ പോസ്റ്റില്‍ അടിച്ചു കയറ്റിയത്. പെസ്കി, മുള്ളര്‍, ക്ലാസേ, കാക്കൂവ്‌ എന്നിവരാണ് ജര്‍മ്മനിക്ക് വേണ്ടി ഗോളുകള്‍ ഉതിര്‍ത്തത്. കളി മികവിന്‍റെ മുന്നില്‍ മുട്ടിടിച്ച ആസ്ത്രേലിയ, പിടിച്ചു നില്‍ക്കാന്‍ പരുക്കന്‍ അടവു കളാണ് പുറത്തെടുത്തത്. കുപ്രസിദ്ധമായ ‘ഫിസിക്കല്‍ പ്ലേ’ എടുത്ത് കളിച്ച ആസ്ത്രേലിയന്‍ ടീം, നാല് മഞ്ഞ കാര്‍ഡു കളും ഒരു ചുവപ്പ് കാര്‍ഡും ഇരന്നു വാങ്ങി. ലോക കപ്പ് പോലുള്ള വലിയ ടൂര്‍ണ്ണമെന്‍റ് കളിക്കുവാന്‍, ആസ്ത്രേലിയ ഇനിയും കാര്യങ്ങള്‍ ഒത്തിരി അധികം പഠിക്കേണ്ട തായിട്ടുണ്ട് എന്ന് ഈ കളി വ്യക്തമാക്കുന്നു.
ജൊഹാനസ്ബര്‍ഗ് : ഫുട്ബാള്‍ മാന്ത്രികന്‍ ഡീഗോ മറഡോണയുടെ പിന്‍ഗാമി കള്‍ക്ക് 2010 ലോക കപ്പ് ഫുട്ബാള്‍ മാമാങ്കത്തില്‍ നൈജീരിയക്ക് എതിരെ ഏകപക്ഷീയ മായ ഒരു ഗോളിന്‍റെ വിജയം. കളിയുടെ ആറാം മിനുട്ടില്‍ തന്നെ അര്‍ജന്‍റീനിയന്‍ സ്ട്രൈക്കര്‍ ഹെയിന്‍സ് നേടിയ ഗോളില്‍ മുന്നിലെത്തിയ മുന്‍ ചാമ്പ്യന്മാര് കളി അവസാനിക്കുന്നത് വരെയും തങ്ങളുടെ ലീഡ്‌ കാത്തു സൂക്ഷിക്കുക യായിരുന്നു. മെസ്സിയും ടെവസ്സും വെറോണും അടങ്ങിയ അര്‍ജന്‍റീനിയന്‍ മുന്നേറ്റ നിര, ഗോളിലേക്ക് എത്താവുന്ന പല നീക്കങ്ങളും നടത്തി എങ്കിലും ലീഡ്‌ ഉയര്‍ത്താന്‍ ആയില്ല. ആഫ്രിക്കന്‍ കരുത്തുമായി ഇറങ്ങിയ നൈജീരിയന്‍ ടീമിന് പ്രതീക്ഷക്ക് ഒത്ത പ്രകടനം കാഴ്ച വെക്കാന്‍ കഴിയാതിരുന്നതും അര്‍ജന്‍റീന ക്ക് തുണയായി. ഗ്രൂപ്പ് ബി യില്‍ വിജയവും, മൂന്നു പോയിന്‍റും സ്വന്തമാക്കാന്‍ മറഡോണ യുടെ കുട്ടികള്‍ക്ക്‌ അങ്ങിനെ കഴിഞ്ഞു.
ജൊഹാനസ്ബര്‍ഗ് : ഫുട്ബോള് ഒരു വികാരവും മതവുമായ അര്‍ജന്‍റീന ലോക കപ്പ് ഫൈനല്‍ റൌണ്ടില്‍ ഇന്ന് കളിക്കാന്‍ ഇറങ്ങുന്നു. ഫുട്ബോള് ഇതിഹാസം മറഡോണ യുടെ തന്ത്രങ്ങളില്‍ മെസ്സി എന്ന ലോക ഫുട്ബോള റുടെ നേതൃത്വ ത്തില്‍ ഒരു വലിയ തുടക്കം പ്രതീക്ഷിച്ചു കൊണ്ട് ആഫ്രിക്കന്‍ ശക്തി കളായ നൈജീരിയ യോട് ഏറ്റു മുട്ടുക യാണ് അര്‍ജന്‍റീന. ലോകത്ത്‌ ഏറ്റവും അധികം ആരാധകര്‍ ഉള്ള അര്‍ജന്‍റീനിയന്‍ ടീമില്‍ പ്രതിഭാധനരായ ഒത്തിരി കളിക്കാരുണ്ട്. അവരെ എല്ലാം മറഡോണ എങ്ങിനെ ഉപയോഗ പ്പെടുത്തുന്നു എന്നതിനെ ആശ്രയിച്ച് ആയിരിക്കും അവരുടെ മുന്നോട്ടുള്ള പ്രയാണം.
ജൊഹാനസ്ബര്‍ഗ് : ദക്ഷിണാഫ്രിക്ക യില്‍ തുടക്കമിട്ട ലോക കപ്പ് ഫുട്ബോള് മല്‍സരങ്ങളില്‍ നടന്ന രണ്ടു കളികളിലും സമനില. ആതിഥേയ രായ ദക്ഷിണാഫ്രിക്ക യും മെക്സിക്കോ യും തമ്മില്‍ നടന്ന ഉദ്ഘാടന മല്‍സരം 1 – 1 എന്ന സ്കോറില്‍ സമനില ആവുക യായിരുന്നു. കളിയുടെ അമ്പത്തി അഞ്ചാം മിനുട്ടില്‍ ദക്ഷിണാഫ്രിക്ക യുടെ ഷബാലാല നേടിയ ആദ്യ ഗോള്‍, 2010 ലോക കപ്പ് ഫുട്‌ബോളിലെ ആദ്യ ഗോള്‍ ആയി ചരിത്രത്തില്‍ സ്ഥാനം പിടിച്ചു.
ലോക കപ്പ് ട്വന്‍റി- 20 യില്‍ കരുത്തരായ ഓസ്ത്രേലിയ യെ തകര്‍ത്തു കൊണ്ട് ഇംഗ്ലണ്ട് കിരീട നേട്ടം ആഘോഷിച്ചു. 7 വിക്കറ്റിനു ആയിരുന്നു ഇംഗ്ലണ്ടിന്‍റെ വിജയം. ശക്തരായ ഓസ്ത്രേലിയന്‍ ബാറ്റിംഗ് നിരയെ 147 റണ്‍സില്‍ ഒതുക്കിയ ഇംഗ്ലീഷ് ബൌളര്‍ മാര്‍ ചാമ്പ്യന്‍ മാര്‍ക്ക് ഒത്ത പ്രകടനമാണ് കാഴ്ച വെച്ചത്. ആദ്യ 3 ഓവറുകളില്‍ തന്നെ 9 റണ്‍സിന് ഓസ്ത്രേലിയ യുടെ 3 മുന്‍ നിര വിക്കറ്റുകള്‍ പിഴുത് അവരുടെ ബാറ്റിംഗിനെ പ്രതിരോധ ത്തില്‍ ആക്കാന്‍ ഇംഗ്ലണ്ടിന് കഴിഞ്ഞു.
