തീര്‍ത്തും വ്യത്യസ്തമായ ഒരു കഥാപാത്രങ്ങള്‍ തേടുന്ന നടന്‍ ദിലീപ് മുഴുനീള സ്ത്രീ കഥാപാത്രമായി എത്തുന്നു. മുന്‍പ്‌ സ്ത്രൈണ ഭാവമുള്ള കഥാപാത്രത്തെ ചാന്ദ്‌പ്പൊട്ടില്‍ അവതരിപ്പിച്ചുകൊണ്ട് പ്രേക്ഷകമനസില്‍ ഇടം നേടിയ ഇദ്ദേഹത്തിന് കമലഹാസന്റെ അവ്വൈ ഷണ്‍മുഖിയാണ് പ്രചോദനമായിരിക്കുന്നത്. അവ്വൈ ഷണ്‍മുഖി എന്ന സൂപ്പര്‍ഹിറ്റ് ചിത്രത്തില്‍ കമലഹാസന്‍ കാഴ്ചവച്ച വിസ്മയം ആവര്‍ത്തിക്കാനാണ് ദിലീപ് ഒരുങ്ങുന്നതെന്നാണ് സൂചന. ജോസ് തോമസ് സംവിധാനം ചെയ്യുന്ന ചിത്രത്തില്‍ ബിജുമേനോന്റെ ഭാര്യയായി മുഴുനീള സ്ത്രീകഥാപാത്രമായിട്ടാണ് ദിലീപ് എത്തുന്നത്. സൂപ്പര്‍ഹിറ്റുകളുടെ സൃഷ്ടാക്കളായ ഉദയ്കൃഷ്ണ സിബി കെ തോമസ് ടീമാണ് ഈ സിനിമയുടെ രചന നിര്‍വഹിക്കുന്നത്. ചിത്രത്തിന്‍റെ പേര് ഇതുവരെ തീരുമാനിച്ചിട്ടില്ല
ജോസ് തോമസ് ദിലീപ് സിബി ഉദയന്‍ ടീം ഒരുമിച്ചത് ‘ഉദയപുരം സുല്‍ത്താന്‍ ’ എന്ന സിനിമയിലാണ്. ആ ചിത്രം സൂപ്പര്‍ഹിറ്റായിരുന്നു. ചിത്രത്തില്‍ ദിലീപായിരുന്നു നായകന്‍
-
അനുബന്ധ വാര്‍ത്തകള്‍
വായിക്കുക: actress
