നാടോടികള്‍ എന്ന തമിഴ് ചിത്രത്തിലൂടെ ശ്രദ്ധേയയായ താരമാണ് അഭിനയ. കേള്‍‌വിശക്തിയും സംസാര ശേഷിയും ഇല്ലെങ്കിലും മികച്ച പ്രകടനമാണ് അഭിനയ സിനിമയില്‍ കാഴ്ചവെക്കുന്നത്. അമ്മയാണ് അഭിനയക്ക് സംവിധായകരുടെ നിര്‍ദേശങ്ങള്‍ ആംഗ്യഭാഷയിലൂടെ മനസ്സിലാക്കിക്കൊടുക്കുന്നത്. ആശയം ഉള്‍ക്കൊള്ളുന്ന അഭിനയ അത് നിഷ്പ്രയാസം അഭിനയിച്ച് ഫലിപ്പിക്കുകയും ചെയ്യും. പലപ്പോഴും അന്യഭാഷാനടികള്‍ സൃഷ്ടിക്കുന്ന ആശയക്കുഴപ്പങ്ങള്‍ ഒന്നും അഭിനയക്കില്ല.
ഐസക്ക് ന്യൂട്ടന്‍ സണ്‍ ഓഫ് ഫിലിപ്പോസ് എന്ന ചിത്രത്തില്‍ ലാലിന്റെ നായികയായിട്ടാണ് അഭിനയ അഭിനയിക്കുന്നത്. നവാഗതനായ വി.ബോസാണ് ചിത്രത്തിന്റെ സംവിധായകന്‍. നേരത്തെ റിപ്പോര്‍ട്ടര്‍ എന്ന മലയാള ചിത്രത്തില്‍ അഭിനയിച്ചിട്ടുണ്ട് ഈ താരം.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress
