മുംബൈ : സ്വന്തം ഗർഭകാലവും പ്രസവവും സിനിമാ ചിത്രീകരണത്തിനായി കരാറിൽ ഏർപ്പെട്ട് വാർത്തകളിൽ ഇടം പിടിച്ച സിനിമാ നടി ശ്വേതാ മേനോൻ പ്രസവിച്ചു. സംവിധായകൻ ബ്ലസിയുടെ നേതൃത്വത്തിൽ മൂന്ന് ക്യാമറാ യൂണിറ്റുകളുടെ സഹായത്തോടെയാണ് ശ്വേതാ മേനോന്റെ പ്രസവം ചിത്രീകരിച്ചത്. മുംബൈയിലെ ബൻസർ ആശുപത്രിയിൽ വ്യാഴാഴ്ച്ച വൈകീട്ട് 5:27നായിരുന്നു പ്രസവത്തിന്റെ ഷൂട്ടിങ്ങ്. ബ്ലസി സംവിധാനം ചെയ്യുന്ന കളിമണ്ണ് എന്ന സിനിമയിൽ ശ്വേതാ മേനോൻ അവതരിപ്പിക്കുന്ന പ്രധാന കഥാപാത്രം ഗർഭിണിയുടേതാണ്. ഈ കഥാപാത്രത്തിന്റെ പ്രസവ രംഗങ്ങളാണ് ഇന്നലെ ചിത്രീകരിച്ചത്. ഷൂട്ടിങ്ങിന്റെ സജ്ജീകരണങ്ങൾക്കായി സിനിമാ പ്രവർത്തകരും സാങ്കേതിക വിദഗ്ദ്ധരും ശ്വേതാ മേനോനും കുടുംബത്തിനും ഒപ്പം കഴിഞ്ഞ ഒരാഴ്ച്ചയായി അശുപത്രിയിൽ തന്നെ തമ്പടിച്ചിരിക്കുകയായിരുന്നു. ബിജു മേനോനാണ് ചിത്രത്തിൽ ശ്വേതാ മേനോന്റെ നായകൻ.
- ജെ.എസ്.
അനുബന്ധ വാര്‍ത്തകള്‍
വായിക്കുക: controversy, swetha-menon
