അനന്തപുരിയുടെ കണ്ണും മനസ്സും കീഴടക്കിക്കൊണ്ട് ഐസ്വര്യ റായ് ബച്ചനും മഞ്ജുവാര്യരും ചേര്‍ന്ന് കല്യാണ്‍ ജ്വല്ലേഴ്സിന്റെ പുതിയ ഷോറൂം ഉദ്ഘാടനം ചെയ്തു. എം.ജി.റോഡില്‍ താര റാണിമാരെ കാണാന്‍ ആരാധകര്‍ ആവേശത്തോടെ ആര്‍ത്തലച്ചെത്തി. ഐശ്വര്യം വിതറിക്കൊണ്ട് ലോകസുന്ദരിയും മലയാളിത്തം വിളങ്ങുന്ന ഭാവവുമായി മഞ്ജുവും ഒരെ വേദിയിലെത്തിയപ്പോള്‍ നൂറുകണക്കിനു ക്യാമറകള്‍ അതൊപ്പിയെടുക്കുവാനായി മത്സരിച്ചു.പച്ചക്കരയുള്ള കസവു സാരിയില്‍ മഞ്ജു കൂടുതല്‍ സുന്ദരിയായി മാറി. കാറില്‍ വന്നിറങ്ങിയ മഞ്ജുവിനു ചുറ്റും ആരാധകര്‍ തിക്കിത്തിരക്കി. അവരോട് ഏതാനും വാക്കുകള്‍ പറഞ്ഞ് മഞ്ജു ജ്വല്ലറിയുടെ അകത്തേക്ക് പോയി. അല്പം കഴിഞ്ഞപ്പോള്‍ ഐശര്യ റായി എത്തി. ആരാധകര്‍ ഇളകി മറിഞ്ഞു.
ആരാധകര്‍ക്കിടയിലൂടെ അകത്തെക്ക് പോയ ഐശ്വര്യ അല്പ സമയം കഴിഞ്ഞ് മഞ്ജുവിനൊപ്പം തിരിച്ചെത്തി തുടര്‍ന്ന് ഇരുവരും ചേര്‍ന്ന് നാട മുറിച്ച് ഉദ്ഘാടനം നിര്‍വ്വഹിച്ചു. കല്യാണ്‍ ജ്വല്ലേഴ്സ് ചെയര്‍മാന്‍ ആന്റ് മാനേജിങ്ങ് ഡയറക്ടര്‍ ടി.എസ്. കല്യാണ രാമന്‍, മന്ത്രി വി.എസ്.ശിവകുമാര്‍, എസ്.ബി.ടി.മാനേജിങ്ങ് ഡയറക്ടര്‍ സജീവ് കുമാര്‍, രമേഷ് കല്യാണരാമന്‍,രാജേഷ് കല്യാണരാമന്‍ തുടങ്ങിയവര്‍ ചടങ്ങില്‍ സംബന്ധിച്ചു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress
