എന്റെ സൂര്യപുത്രിക്ക് എന്ന ഫാസില്‍ ചിത്രത്തില്‍ മായ എന്ന നായിക കഥാപാത്രത്തെ അവതരിപ്പിച്ച് മലയാളികളുടെ ഹൃദയത്തില്‍ കുടിയേറിയ നടി അമല സിനിമയിലേക്ക് തിരിച്ചെത്തുന്നു. തെലുങ്ക് മെഗാസ്റ്റാര്‍ നാഗാര്‍ജ്ജുനയെ വിവാഹം കഴിച്ച ശേഷം സിനിമയില്‍ നിന്നും വിട്ടു നില്‍ക്കുകയായിരുന്നു അമല. 20 വര്‍ഷങ്ങള്‍ക്ക് ശേഷം ലൈഫ് ഈസ് ബ്യൂട്ടിഫുള്‍ എന്ന തെലുങ്ക് ചിത്രത്തിലൂടെയാണ് അമലയുടെ തിരിച്ചു വരവ്. ശേഖര്‍ കമ്മുലയാണ് ചിത്രത്തിന്റെ രചനയും സംവിധാനവും നിര്‍വ്വഹിക്കുന്നത്.
എന്റെ സൂര്യപുത്രിയ്ക്ക് എന്ന ചിത്രത്തെ കൂടാതെ മോഹന്‍ ലാല്‍ നായകനായി കമല്‍ സംവിധാനം ചെയ്ത ഉള്ളടക്കം എന്ന ചിത്രത്തില്‍ ഒരു മാനസിക രോഗിയുടെ വേഷവും മലയാളത്തില്‍ അമല ചെയ്തിരുന്നു. സൂര്യപുത്രിയെ പോലെ തന്നെ ഈ ചിത്രവും വന്‍ വിജയമായിരുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, amala-akkineni
