ചെന്നൈ : പ്രശസ്ത തെന്നിന്ത്യന്‍ നടി അനുഷ്ക ഷെട്ടിയെ പട്ടി കടിച്ചു. ഒരു ചിത്രത്തിന്റെ ഷൂട്ടിങ്ങ് കഴിഞ്ഞ് തിരിച്ചെത്തിയ നടി ഒരു പാര്‍ട്ടിയില്‍ പങ്കെടുക്കുമ്പോഴായിരുന്നു സംഭവം. ഒരു ടിഷ്യു പേപ്പര്‍ വായില്‍ കുടുങ്ങി ബുദ്ധിമുട്ടുന്ന പട്ടി മൃഗ സ്നേഹി കൂടിയായ നടിയുടെ ശ്രദ്ധയില്‍ പെട്ട ഉടനെ നടി പട്ടിയെ സമീപിച്ച് അതിന്റെ വായില്‍ നിന്നും ടിഷ്യൂ പേപ്പര്‍ പുറത്തെടുക്കുവാന്‍ ശ്രമിച്ചു. പട്ടിയുടെ വായില്‍ കയ്യിട്ട് ടിഷ്യൂ പേപ്പര്‍ പുറത്തെടുക്കുവാനുള്ള ശ്രമത്തിനിടയില്‍ നടി തന്നെ ആക്രമിക്കുവാന്‍ ശ്രമിക്കുകയാണെന്ന് കരുതിയാകണം പട്ടി കടിച്ചത്. കയ്യില്‍ കടി കൊണ്ടതിനെ തുടര്‍ന്ന് അനുഷ്കയെ തൊട്ടടുത്തുള്ള ആശുപത്രിയില്‍ പ്രാഥമിക ചികിത്സയ്ക്ക് വിധേയയാക്കി.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: accident, anushka-shetty
നടിയെ പട്ടി കടിക്കുന്നതും വാർത്ത. കൊതുക് കടിക്കുന്നതും വാര്‍ത്ത.