ദുബൈ: മുന്‍ വിശ്വസുന്ദരി മത്സരത്തിലെ റണ്ണറപ്പും നടിയും മലയാളിയുമായ പാര്‍വ്വതി ഓമനക്കുട്ടന്‍ റാമ്പില്‍ തെന്നി വീഴുന്നതിന്റെ ദൃശ്യങ്ങള്‍ ഇന്റര്‍നെറ്റില്‍ വൈറലാകുന്നു. ദുബൈയില്‍ നടന്ന ഫാഷന്‍ ഷോയ്ക്കിടെയാണ് ഹൈഹീല്‍ ധരിച്ച് റാമ്പില്‍ ക്യാറ്റ് വാക്ക് നടത്തുമ്പോള്‍ പാര്‍വ്വതി തെന്നി വീണത്. റാമ്പില്‍ പകുതി ദൂരം നടന്നെത്തുമ്പോളേക്കും തെന്നി വീഴുകയും തുടര്‍ന്ന് തൊട്ടടുത്ത് നിന്നിരുന്ന ആള്‍ അവരെ താങ്ങി എഴുന്നേല്പിക്കുകയുമായിരുന്നു. റാമ്പില്‍ തെന്നിവീണതിന്റെ ചമ്മലില്‍ നിന്നും മുക്തയായ താരം ചെരുപ്പില്ലാതെ തന്റെ ക്യാറ്റ്‌വാക്ക് പൂര്‍ത്തിയാക്കുകയായിരുന്നു. വീഴ്ചയില്‍ പാര്‍വ്വതിക്ക് പരിക്കില്ലെന്നാണ് റിപ്പോര്‍ട്ടുകള്‍.
- എസ്. കുമാര്‍
