കൊച്ചി: ദിലീപ് നായകനാകുന്ന സിനിമയുടെ ചിത്രീകരണത്തിനിടയില്‍ നടി അനന്യക്ക് പരിക്കേറ്റു. വിജി തമ്പി സംവിധാനം ചെയ്യുന്ന നാടോടി മന്നന്‍ എന്ന ചിത്രത്തിലെ ഒരു ആക്ഷന്‍ രംഗം ചിത്രീകരിക്കുന്നതിനിടയില്‍ താഴെ വീണ് അനന്യയുടെ കൈക്ക് പരിക്കു പറ്റി. അബു സലിം അവതരിപ്പിക്കുന്ന വില്ലന്‍ കഥാ‍പാത്രം അനന്യയുടെ കൈപിടിച്ച് തിരിക്കുകയും തള്ളിയിടുകയും ചെയ്യുന്ന രംഗങ്ങളായിരുന്നു എറണാകുളം ചിത്രാഞ്ജലി സ്റ്റുഡിയോയില്‍ ചിത്രീകരിച്ചിരുന്നത്. ഇതിനിടയില്‍ അപ്രതീക്ഷിതമായി അനന്യ കൈകുത്തി വീഴുകയായിരുന്നു. നടിയെ ഉടനെ ആശുപത്രിയില്‍ പ്രവേശിപ്പിച്ചു. അനന്യയുടെ കൈയ്യിലെ എല്ലിനു വിള്ളലുണ്ട്. രണ്ടാഴ്ചത്തെ വിശ്രമമാണ് ഡോക്ടര്‍മാര്‍ നിര്‍ദ്ദേശിച്ചിരിക്കുന്നത്.
- എസ്. കുമാര്‍
