ഹിന്ദി, തെലുങ്ക്, തമിഴ് ഭാഷകളെ പിന്തുടര്‍ന്ന് മലയാളത്തിലും ഐറ്റം ഡാന്‍സുകള്‍ ചുവടുറപ്പിക്കുന്നു. മാറ്റിനി എന്ന ചിത്രത്തിലൂടെ പാലേരി മാണിക്യം ഫെയിം മൈഥിലിയാണ് ഇപ്പോള്‍ ഐറ്റം ഡാന്‍സുമായി എത്തുന്നത്. ബോളിവുഡ്ഡിലെ പോലെ വളരെ സെക്സിയായിട്ടൊന്നുമല്ല മൈഥിലിയുടെ വേഷവും ചുവടുകളും എങ്കിലും മേനിയുടെ തുടുപ്പുകള്‍ അത്യാവശ്യം പ്രദര്‍ശിപ്പിക്കുന്നുണ്ട് താനും. പ്രശസ്ത തമിഴ് കോറിയോഗ്രാഫര്‍ ശ്രീധര്‍ മാസ്റ്ററാണ് മൈഥിലിക്കായി ചുവടുകള്‍ ഒരുക്കിയത്. കുറച്ചു നാള്‍ മുമ്പ് ബാച്ചിലര്‍ പാര്‍ട്ടി എന്ന ചിത്രത്തിനു വേണ്ടി കപ്പപ്പുഴുക്ക് എന്ന പാട്ടു പാടി പത്മപ്രിയ ചെയ്ത ഐറ്റം ഡാന്സ് ഏറെ ചര്‍ച്ച ചെയ്യപ്പെട്ടിരുന്നു. ചിത്രം വന്‍ പരാജയം ആയിരുന്നെങ്കിലും പത്മപ്രിയയുടെ മാദക മേനിയിളക്കിയുള്ള ഡാന്സ് ഹിറ്റായി. അതേ ചിത്രത്തില്‍ രമ്യാ നമ്പീശന്‍ നടത്തിയ നൃത്തവും പ്രേക്ഷകര്‍ക്കിടയില്‍ ശ്രദ്ധിക്കപ്പെട്ടു. നായികാ വേഷം ചെയ്തിരുന്ന ജ്യോതിര്‍മയിയും ഐറ്റം ഡാന്‍സില്‍ പ്രശസ്തി നേടിയിരുന്നു. ഏറ്റവും ഒടുവില്‍ ഇപ്പോള്‍ നടി മൈഥിലിയാണ് ഐറ്റം ഡാന്‍സുമായി രംഗത്തെത്തിയിരിക്കുന്നത്. അന്തരിച്ച പ്രശസ്ത നടി സില്‍ക്ക് സിമിതയുടെ ഐറ്റം ഡാന്‍സുകളാണ് എക്കാലത്തും ശ്രദ്ധിക്കപ്പെട്ടിട്ടുള്ളത്. നയന്‍‌താര, നമിത, മുംതാസ്, ശ്വേതാ മേനോന്‍ , ഐശ്വര്യ, അൽഫോണ്‍സ, ഇന്ദ്രജ തുടങ്ങി നായിക വേഷത്തോടൊപ്പം ഐറ്റം ഡാന്സ് കൂടെ ചെയ്ത നടിമാരുടെ വലിയ നിര തന്നെയുണ്ട്.
