പ്രശസ്ത തെന്നിന്ത്യന് നടി അനുഷ്ക ഷെട്ടിയുടെ വീട്ടില് ആദായ നികുതി വകുപ്പിന്റെ റെയ്ഡ്. ബുധനാഴ്ച വൈകീട്ടായിരുന്നു റെയ്ഡ് നടന്നത്. പണവും ബാങ്ക് പാസ് ബുക്കുകളും മറ്റു രേഖകളും കണ്ടെടുത്തതായാണ് റിപ്പോര്ട്ടുകള്. ഇതു രണ്ടാം തവണയാണ് അനുഷ്ക ആദായ നികുതി വകുപ്പിന്റെ റെയ്ഡ് നേരിടേണ്ടി വരുന്നത്. ജൂബിലി ഹിത്സിലെ വുഡ്സ് അപ്പാര്ട്ട്മെന്റിലേക്ക് ആദായ നികുതി വകുപ്പിന്റെ വാഹനം കടന്നു പോകുന്നത് കണ്ടതോടെ ആണ് റെയ്ഡ് സംബന്ധിച്ച വാര്ത്ത പരന്നത്. എന്നാല് നടിയുടെ വീട്ടില് റെയ്ഡ് നടന്നിട്ടില്ലെന്നാണ് അവരോട് അടുത്ത വൃത്തങ്ങള് വ്യക്തമാക്കുന്നത്.
തമിഴ് തെലുങ്ക് ചിത്രങ്ങളില് ഏറെ പ്രശസ്തയായ അനുഷക ഗ്ലാമര് പ്രദര്ശനത്തിലൂടെ തെന്നിന്ത്യയില് തന്റെ ആധിപത്യം ഉറപ്പിച്ചു കൊണ്ടിരിക്കുന്ന തിനിടയിലാണ് തുടര്ച്ചയായുള്ള ആദായ നികുതി റെയ്ഡുകള്.
