തന്മാത്ര എന്ന ചിത്രത്തിലൂടെ മലയാളത്തില്‍ ശ്രദ്ധേയയായ നടി മീരാ വാസുദേവ് വിവാഹ മോചിതയായി. 2005ല്‍ ആയിരുന്നു മീരാ വാസുദേവും ഛായാഗ്രാഹകന്‍ അശോക് കുമാറിന്റെ മകന്‍ വിശാല്‍ അഗള്‍വാളുമായുള്ള വിവാഹം. അസ്വാരസ്യങ്ങളെ തുടര്‍ന്ന് വിവാഹ ബന്ധം വേര്‍പെടു ത്തുന്നതിനായി അവര്‍ രണ്ടു വര്‍ഷം മുന്‍പ് മദ്രാസിലെ കുടുംബ കോടതിയെ സമീപിച്ചിരുന്നു. പ്രശ്നം ഒത്തുതീര്‍ക്കുവാന്‍ കോടതി ശ്രമിച്ചെങ്കിലും യോജിച്ചു പോകുവാന്‍ കഴിയില്ലെന്ന് വ്യക്തമാക്കി യതോടെ കഴിഞ്ഞ ദിവസം കോടതി അവര്‍ക്ക് വിവാഹ മോചനം അനുവദിച്ചു. ഭര്‍ത്താവില്‍ നിന്നും ജീവനാംശം പ്രതീക്ഷിക്കുന്നില്ലെന്ന് അവര്‍ കോടതിയില്‍ വ്യക്തമക്കി.
മലയാളത്തിന് പുറമെ തമിഴിലും തെലുങ്കിലും നിരവധി ചിത്രങ്ങളിലും സീരിയലുകളിലും മീര അഭിനയിച്ചിട്ടുണ്ട്.
