മുംബൈ: അടുത്തയിടെ തന്റെ ആദ്യത്തെ കുഞ്ഞിനു ജന്മം നല്‍കിയ ബോളിവുഡ് താരം ശില്‍പ്പാ ഷെട്ടിയ്ക്ക് ഇനി ഒരു പെണ്‍കുഞ്ഞ് വേണമെന്ന് ആഗ്രഹം. കുസൃതികുടുക്കയായ തന്റെ മകന്‍ വിവാനെ ചൂണ്ടി ശില്‍പ്പ പറയുന്നു, ഇവന്‍ ഒരു പെണ്ണായിരുന്നു എങ്കില്‍ തന്റെ സന്തോഷം ഇരട്ടി ആയേനെ എന്ന്. എന്നാലും വിവാന്‍ പിറന്നതില്‍ താന്‍ വളരെ സന്തോഷവതിയാണ് എന്നും മാതൃത്വം തന്നെ ഒരുപാട് പുതിയ കാര്യങ്ങള്‍ പഠിപ്പിക്കുന്നു എന്നും ശില്‍പ്പ പറഞ്ഞു.
ഈ വരുന്ന ക്രിസ്മസ് വിവാന്റെ ആദ്യത്തേത് ആണ്. അത് ഞങ്ങള്‍ ലണ്ടനില്‍ രാജിന്റെ അച്ഛനമ്മമാരുടെ കൂടെ ആഘോഷിക്കാന്‍ തയ്യാറെടുക്കുകയാണ്. വിവാന്റെ ആദ്യത്തെ വിദേശ യാത്രയെ കുറിച്ച് ശില്‍പ്പ വാചാലയാകുന്നു. ഐശ്വര്യയെ പോലെ തനിക്കും തിരികെ ഷേപ്പില്‍ വരാന്‍ തിടുക്കം ഒന്നും ഇല്ല എന്നും ഇപ്പോഴത്തെ അവസ്ഥയില്‍ തന്റെ മകന്റെ കൂടെ പരമാവധി സമയം ചെലവഴിക്കുന്നതില്‍ ആണ് തനിക്ക് ശ്രദ്ധ എന്നും ശില്‍പ്പ പറയുന്നു.
‘സെലിബ്രിറ്റി ബിഗ് ബ്രദര്‍’ റിയാലിറ്റി ഷോ യിലൂടെ അന്താരാഷ്ട്ര പ്രശസ്തി യിലേക്കുയര്‍ന്ന നടിയും മോഡലു മായ ശില്പ ഷെട്ടി വിവാഹിതയായി. കാമുകനും ബിസിനസ് പങ്കാളിയുമായ രാജ് കുന്ദ്രയാണ് വരന്‍. പരമ്പരാഗത രീതിയിലായിരുന്നു ചടങ്ങുകള്‍. മഹാരാഷ്ട്രയിലെ ഖണ്ഡാലയില്‍ സുഹൃത്ത് കിരണ്‍ ഭാമയുടെ വില്ലയില്‍ നടന്ന ചടങ്ങില്‍ കുടുംബാംഗങ്ങളും അടുത്ത സുഹൃത്തുക്കളും മാത്രമേ ഉണ്ടായിരുന്നുള്ളൂ.
