ഗുരുവായൂര്‍: കുടിച്ചു പൂസായ യുവതി ബസ് ജീവനക്കാരെ പൊല്ലാപ്പിലാക്കി. ബുധനാഴ്ച കോഴിക്കോട്ടു നിന്നും ഗുരുവായൂരില്‍ എത്തിയ സ്വകാര്യ ബസ്സിലാണ് കുടിച്ചു പൂസായ യുവതി കയറിയത്. കോഴിക്കോട്ട് ബസ് സ്റ്റാന്‍ഡില്‍ നിന്നും കയറിയ കാസര്‍ഗോഡ് ചെറുകുളം സ്വദേശിനിയായ 29കാരിയായ യുവതിയാണ് ലഹരി തലയ്ക്ക് പിടിച്ചതിനെ തുടര്‍ന്ന് ബസ്സിലെ സീറ്റില്‍ നിന്ന് അങ്ങോട്ടും ഇങ്ങോട്ടും വീഴാന്‍ തുടങ്ങിയത്. മറ്റു യാത്രക്കാര്‍ക്ക് ശല്യമായപ്പോള്‍ യുവതിയെ വഴിയില്‍ ഇറക്കി വിടാന്‍ ജീവനക്കാര്‍ ശ്രമിച്ചെങ്കിലും യുവതി വഴങ്ങിയില്ല. ഒടുവില്‍ ബസ് ഗുരുവായൂര്‍ സ്റ്റാന്റിലെത്തിയപ്പോള്‍ ജീവനക്കാര്‍ ഇറക്കാന്‍ ശ്രമിച്ചപ്പോള്‍ യുവതി ബസില്‍ നിന്നിറങ്ങാതെ സീറ്റില്‍ കിടന്നു. സ്ത്രീയായതിനാല്‍ പതിവ് മദ്യപന്‍മാരെ നേരിടുന്നതു പോലെ ബലം പ്രയോഗിക്കാന്‍ കഴിയാത്തതിനാല്‍ ബസ് ജീവനക്കാര്‍ ഒടുവില്‍ ബസ് ഗുരുവായൂര്‍ പോലീസ് സ്റ്റേഷനില്‍ എത്തിച്ചു. വനിതാ പോലീസുകാര്‍ ബല പ്രയോഗത്തിലൂടെ യുവതിയെ ബസ്സില്‍ നിന്നറക്കി കസ്റ്റഡിയില്‍ എടുത്തപ്പോഴാണ് ബസ് ജീവനക്കാര്‍ക്ക് ‘മദ്യപ’ ശല്യം ഒഴിഞ്ഞത്.
- ഡെസ്ക്
അനുബന്ധ വാര്‍ത്തകള്‍
വായിക്കുക: sherief-vakepurath
