 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്‍ഹി: മുന്‍ സ്പീക്കറും എന്‍സിപി നേതാവുമായ പി.എ. സാംഗ്മ രാഷ്ട്രപതി തിരഞ്ഞെടുപ്പില്‍ മത്സരിക്കാനുള്ള തീരുമാനത്തില്‍ നിന്ന് പിന്മാറില്ലെന്നു പ്രഖ്യാപിച്ചു. രണ്ട് സംസ്ഥാനങ്ങളുടെ നിരവധി രാഷ്ട്രീയ പാര്‍ട്ടികളുടെ പിന്തുണ തനിക്കുണ്ടെന്നും സാംഗ്മ അവകാശപ്പെട്ടു. മാത്രമല്ല ഒരു ഗോത്രവര്‍ഗ്ഗത്തില്‍ നിന്നും മത്സരിക്കുന്ന തന്നെ പലരും പിന്താങ്ങുമെന്നും അദ്ദേഹം അവകാശപ്പെട്ടു. എന്നാല്‍ സ്വന്തം പാര്‍ട്ടിയായ എന്‍.സി.പി. യും ഭരണകക്ഷിയായ യു.പി.എയും സാംഗ്മയെ പിന്താങ്ങിയിട്ടില്ല.
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍
ബംഗളൂരു: അസിം പ്രേംജിക്ക് പിന്നാലെ ഇന്‍ഫോസിസ് ചെയര്‍മാന്‍ എന്‍.ആര്‍. നാരായണ മൂര്‍ത്തിയും കേന്ദ്രത്തിനെതിരെ രംഗത്തുവന്നു. മന്മോഹന് സിംഗ് ഒരു പ്രതീക്ഷയും തരുന്നില്ലെന്നും 1991ല്‍ സാമ്പത്തിക പരിഷ്കാരങ്ങള്‍ വരുത്തിയ അന്നത്തെ ധനമന്ത്രി പ്രധാനമന്ത്രിയായപ്പോള്‍ ഇന്ത്യ പുലര്‍ത്തിയ പ്രതീക്ഷ വെറുതെ യായിരിക്കുകയാണെന്നും നാരായണ മൂര്‍ത്തിപറഞ്ഞു. 2004 മുതല്‍ 2011 വരെ ഇന്ത്യയില്‍ കാര്യമായ ഒരു സാമ്പത്തിക പരിഷ്കാരവും വരുത്താന്‍ അദ്ദേഹത്തിനായില്ല, ഒരു ഇന്ത്യക്കാരന്‍ എന്ന നിലയില്‍ രാജ്യത്തിന്റെ ഇപ്പോഴത്തെ അവസ്ഥയില്‍ താന്‍ ഏറെ ദുഃഖിതനാണെന്നും മൂര്‍ത്തി വ്യക്തമാക്കി
- ന്യൂസ് ഡെസ്ക്
വായിക്കുക: ഇന്ത്യ, പ്രതിഷേധം, വിവാദം, സാമ്പത്തികം
പെയ്തുതോരാത്ത ഗസല്‍ മഴയുടെ പെരുമഴയില്‍ ആസ്വാദകരെ നിര്‍ത്തി മെഹ്ദി ഹസ്സന്‍ വിടവാങ്ങി ആരാധകഹൃദയങ്ങളില്‍ പെരുമഴയായി പെയ്‌തിറങ്ങുന്നതാണു മെഹ്ദി ഹസന്റെ ഗസലുകള്‍. മെഹ്ദി ഹസന്റെ രഫ്‌താ രഫ്‌താ ഓ മേരി സാമാ ഹോ ഗയാ എന്ന ഗസല്‍ ഓരോ മനസുകളിലും ഇന്നും മായാതെ കിടക്കുന്നു. കവിതയുടെ ഭംഗിയും രാഗാലാപനത്തിന്റെ പ്രൗഢിയുമാണു മെഹ്ദി ഹസനെ മറ്റു ഗസല്‍ ഗായകരില്‍ നിന്നു വ്യത്യസ്‌തനാക്കുന്നത്‌. ഈ മഹാനായ കലാകാരന്റെ ഓര്‍മ്മക്ക് മുന്നില്‍ ഇപത്രത്തിന്റെ ആദരാഞ്ജലികള്‍
- ഫൈസല്‍ ബാവ
വായിക്കുക: ഇന്ത്യ, സാംസ്കാരികം
ഡല്‍ഹി: രാഷ്ട്രപതി സ്‌ഥാനാര്‍ത്ഥിയുടെ കാര്യത്തില്‍ തൃണമൂല്‍ കോണ്‍ഗ്രസ്‌ നേതാവ് മമതാ ബാനര്‍ജി മലക്കം മറിഞ്ഞു. പ്രണബ്‌ മുഖര്‍ജിയെ പിന്തുണയ്ക്കണമെന്ന സോണിയാ ഗാന്ധിയുടെ നിര്‍ദേശം മമതാ ബാനര്‍ജിയും സമാജ്‌വാദി പാര്‍ട്ടി നേതാവ് മുലായം സിംഗ് യാദവും തള്ളി. പകരം പ്രധാനമന്ത്രി മന്മോഹന് സിംഗിനെ പരിഗണിച്ചാല്‍ പിന്തുണക്കാമെന്ന് സോണിയ ഗാന്ധിക്ക് ഉറപ്പു കൊടുത്തു. അബ്‌ദുല്‍ കലാം, സോമനാഥ്‌ ചാറ്റര്‍ജി എന്നിവരുടെ പേരുകളും സ്വീകാര്യമാണെന്ന് ഇരുവരും സോണിയയെ അറിയിച്ചു. കോണ്‍ഗ്രസ്‌ സ്‌ഥാനാര്‍ത്ഥിയെ പിന്തുണക്കേണ്ടതില്ല എന്ന് മമതയും മൂലായവവും തീരുമാനിച്ചതോടെ പ്രണബ്‌ മുഖര്‍ജി ഹമീദ്‌ അന്‍സാരി എന്നിവരുടെ സാധ്യത മങ്ങിയിരിക്കുകയാണ്. സി. പി. ഐ. ആണെങ്കില്‍ കോണ്‍ഗ്രസ്‌ സ്‌ഥാനാര്‍ത്ഥിയെ പിന്തുണക്കേണ്ടതില്ല എന്ന് നേരത്തെ തന്നെ തീരുമാനിച്ചിരുന്നു. സി. പി. എമ്മും കോണ്‍ഗ്രസ്‌ സ്‌ഥാനാര്‍ത്ഥിയെ പിന്തുണക്കാന്‍ സാധ്യത കുറവാണ്. അവസാന അടവെന്ന നിലയില്‍ മന്മോഹന് സിംഗിനെ തന്നെ രംഗത്ത് ഇറക്കാന്‍ സാധ്യത ഉണ്ടെന്നാണ് രാഷ്ട്രീയ നിരീക്ഷകര്‍ പറയുന്നത്. അങ്ങിനെ വന്നാല്‍ പ്രസിഡന്റാകുന്ന ആദ്യ പ്രധാനമന്ത്രിയാകും മന്‍മോഹന്‍സിംഗ്‌. പ്രണബിനെയോ എ. കെ. ആന്റണിയെയോ പ്രധാനമന്ത്രി സ്ഥാനത്തേക്ക് പരിഗണിച്ചേക്കും.
- ഫൈസല്‍ ബാവ
വായിക്കുക: ഇന്ത്യ, ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍
ലണ്ടന്‍ :ഇംഗ്ലണ്ടിലെ ഗാന്ധി ഫൗണ്ടേഷന് നല്‍കുന്ന അന്താരാഷ്ട്ര സമാധാന പുരസ്കാരങ്ങള്‍ക്ക് ഇന്ത്യന്‍ മനുഷ്യാവകാശ പ്രവര്‍ത്തകരായ ഡോ. ബിനായക് സെന്നും ഝാര്‍ഖണ്ഡില്‍ മനുഷ്യാവകാശ പ്രവര്‍ത്തകനായ ബുലു ഇമാമും അര്‍ഹരായി. മഹാത്മാ ഗാന്ധിയുടെ അക്രമരഹിത ആശയം പ്രചരിപ്പിക്കുകയും നടപ്പാക്കുകയും ചെയ്യുന്നവര്‍ക്കാണ് ഇംഗ്ളണ്ടിലെ ഗാന്ധി ഫൗണ്ടേഷന് അവാര്‍ഡ് നല്‍കുന്നത്.
പൊതുജനാരോഗ്യ രംഗത്ത് ശ്രദ്ധേയ പ്രവര്‍ത്തനങ്ങള്‍ നടത്തിയതിനൊപ്പം സര്‍ക്കാറിന്റെ നക്സലൈറ്റ് വിരുദ്ധ നടപടികള്‍ക്കെതിരെ അക്രമരഹിത മാര്‍ഗത്തില്‍ ബിനായക് സെന്‍ പ്രവര്‍ത്തിച്ചതായും ഫൗണ്ടേഷന് വിലയിരുത്തി. എന്നാല്‍ നക്സലൈറ്റ് എന്നാരോപിച്ച് ഛത്തിസ്ഗഢ് സര്‍ക്കാര്‍ ബിനായക് സെന്നിനെ ജയിലിലടച്ചിരുന്നു. മനുഷ്യാവകാശ പ്രവര്‍ത്തകരുടെ ശക്തമായ പ്രതിഷേധത്തെ തുടര്‍ന്നാണ് അദ്ദേഹത്തെ ജയില്‍ മോചിതനാക്കിയത്.
മനുഷ്യാവകാശ സംഘടനയായ പി.യു.സി.എല്ലിന്റെ ദേശീയ വൈസ് പ്രസിഡന്റുകൂടിയാണ് ബിനായാക് സെന്‍. ഝാര്‍ഖണ്ഡില്‍ മനുഷ്യാവകാശ പ്രവര്‍ത്തകനായ ബുലു ഇമാം ഇന്റാക് എന്ന സംഘടനയുടെ ഹസാരിബാഗ് ചാപ്റ്റര്‍ കണ്‍വീനറാണ്. ലോര്‍ഡ് ആറ്റംബറോ പ്രസിഡന്റായി രൂപവത്കരിച്ച സംഘടന 1998ലാണ് സമാധാനത്തിനുള്ള അന്താരാഷ്ട്ര അവാര്‍ഡ് ഏര്‍പ്പെടുത്തിയത്.
- ന്യൂസ് ഡെസ്ക്
വായിക്കുക: ഇന്ത്യ, ബഹുമതി, മനുഷ്യാവകാശം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
