ഡല്‍ഹി നിയമസഭാ തെരഞ്ഞെടുപ്പിന്റെ വോട്ടെണ്ണല്‍ പുരോഗമിക്കവെ രാജ്യതലസ്ഥാനം പിടിച്ചെടുത്ത് അരവിന്ദ് കെജ്രിവാളിന്റെ ആം ആദ്മി പാര്‍ട്ടി. അമ്പതിലേറെ സീറ്റുകള്‍ നേടി ആം ആദ്മി പാര്‍ട്ടി മുന്നേറുകയാണ്. എന്നാല്‍, ബിജെപി ഡല്‍ഹിയില്‍ ആദ്യം നില മെച്ചപ്പെടുത്തിയെങ്കിലും പിന്നീട് പിന്നോട്ടു പോകുകയാണ്. ഒരിടത്തു പോലും ലീഡ് ചെയ്യാനാകാതെ കോണ്‍ഗ്രസ് തകര്‍ന്നടിയുകയാണ്. ഒരു സീറ്റില്‍ ലീഡ് ചെയ്‌തെങ്കിലും പിന്നീടത് നഷ്ടമാകുകയായിരുന്നു. ഒരു മാസം നീണ്ടുനിന്ന പോരാട്ടത്തിന്റെ അന്തിമ ഫലമറിയാന്‍ രാജ്യമെമ്പാടും ആകാംഷയോടെ കാത്തിരിക്കുകയാണ്. വോട്ടെണ്ണല്‍ രാവിലെ എട്ടുമണിക്കാണ് ആരംഭിച്ചത്. 21 കേന്ദ്രങ്ങളില്‍ 70 സീറ്റുകളുടെ വോട്ടെണ്ണലാണ് നടക്കുന്നത്.

ഡല്‍ഹിയില്‍ ആം ആദ്മി പാര്‍ട്ടി തൂത്തുവാരുമെന്ന എക്സിറ്റ്പോള്‍ ഫലങ്ങളെ തള്ളി ബി.ജെ.പി രംഗത്ത്. 48 സീറ്റുകള്‍ നേടി പാര്‍ട്ടി അധികാരത്തിലെത്തുമെന്ന ബി.ജെ.പി സംസ്ഥാന അധ്യക്ഷന്‍റെ അവകാശവാദം രാഷ്ട്രീയ നിരീക്ഷകരെ അമ്പരപ്പിച്ചു. രണ്ട് മുതല്‍ 23 സീറ്റുകളാണ് ബി.ജെ.പിക്ക് സര്‍വേകള്‍ പ്രവചിക്കുന്നത്.

ഡല്‍ഹിയിലെ ഏഴ് ബി.ജെ.പി എം.പിമാരുടെയും യോഗം വിളിച്ച് പാര്‍ട്ടി അധ്യക്ഷന്‍ ജഗത് പ്രകാശ് നദ്ദ അസംബ്‌ളി തെരഞ്ഞെടുപ്പിലെ സാഹചര്യങ്ങള്‍ ചര്‍ച്ച ചെയ്തതിനു ശേഷമാണ് ഡല്‍ഹിയിലെ മുതിര്‍ന്ന നേതാക്കളായ മനോജ് തിവാരിയും മീനാക്ഷി ലേഖിയും എക്‌സിറ്റ് പോള്‍ ഫലങ്ങളെ തള്ളിപ്പറഞ്ഞ് രംഗത്തെത്തിയത്.

ജാര്‍ഖണ്ഡ് നിയമസഭാ തെരഞ്ഞെടുപ്പില്‍ ബിജെപിക്ക് തിരിച്ചടി. വ്യക്തമായ ഭൂരിപക്ഷത്തോടെ കോണ്‍ഗ്രസ് നേതൃത്വത്തിലുള്ള മഹാസഖ്യം അധികാരത്തിലേക്ക്. ജാര്‍ഖണ്ഡ് മുക്തിമോര്‍ച്ചയുടെ ഹേമന്ത് സോറന്‍ മുഖ്യമന്ത്രിയാകുമെന്ന് കോണ്‍ഗ്രസ് പ്രഖ്യാപിച്ചു. അതേ സമയം മുഖ്യമന്ത്രിയായിരുന്ന രഘുബര്‍ ദാസിന്റെ പരാജയവും ബിജെപിക്ക് കനത്ത ആഘാതമായി.

വ്യക്തമായ ആധിപത്യമാണ് മഹാസഖ്യം നേടിയത്. ജെഎംഎമ്മിന് കൂടുതല്‍ സീറ്റുകള്‍ മല്‍സരിക്കാന്‍ വിട്ടു നല്‍കിയ കോണ്‍ഗ്രസ് തീരുമാനം ശരിവെക്കുന്നതാണ് ജനവിധി. 2014ലെ തെരഞ്ഞെടുപ്പിനേക്കാള്‍ മഹാസഖ്യത്തിലെ ജാര്‍ഖണ്ഡ് മുക്തി മോര്‍ച്ചയും കോണ്‍ഗ്രസും ആര്‍ജെഡിയും സീറ്റ് നില വര്‍ധിപ്പിച്ചു.