കൊച്ചി : ഔദ്യോഗിക ആവശ്യങ്ങള്ക്കല്ലാതെ ഹൈക്കോടതി ജീവനക്കാര് ജോലി സമയത്ത് മൊബൈല് ഫോണ് ഉപയോഗിക്കാന് പാടില്ല എന്ന് രജിസ്ട്രാര് ജനറല് ഉത്തരവ് ഇറക്കി. ജോലി സമയത്ത് ജീവനക്കാരുടെ അമിതമായ മൊബൈല് ഉപയോഗം ഓഫീസ് പ്രവര്ത്തനത്തെ ഗുരുതരമായി ബാധിക്കുന്നു എന്ന് കാണിച്ച് കൊണ്ടാണ് ഇത്.
നിര്ദ്ദേശങ്ങള് പാലിക്കുന്നു എന്ന് ഉറപ്പാക്കാന് മുതിര്ന്ന ഉദ്യോഗസ്ഥര്ക്കും നിര്ദ്ദേശം നല്കിയിട്ടുണ്ട്. ഉത്തരവ് ലംഘിക്കുന്നത് ഗൗരവമായി എടുക്കും എന്നും മുന്നറിയിപ്പുണ്ട്.
ജോലി സമയങ്ങളില് ജീവനക്കാരുടെ ഓണ് ലൈന് ഗെയിമിംഗ്, സാമൂഹിക മാധ്യമ ഉപയോഗം, സിനിമ കാണല്, ഓൺലൈൻ ട്രേഡിംഗ് എന്നിവ സാമൂഹിക മാധ്യമങ്ങളിൽ ചർച്ചയായിരുന്നു.
