മൂവാറ്റുപുഴ : വിജിലന്സ് ഡയറക്ടര് ജേക്കബ് തോമസിനെതിരായ ഹര്ജി മൂവാറ്റുപുഴ വിജിലന്സ് കോടതി തള്ളി. തുറമുഖ ഡയറക്ടറായിരിക്കെ ഡ്രഡ്ജര് വാങ്ങിയതില് ക്രമക്കേടുണ്ടെന്ന ആരോപണത്തില് അന്വേഷണം വേണമെന്നാവശ്യപ്പെട്ടുകൊണ്ടുള്ള ഹര്ജിയും കൊല്ലത്തെ സ്വാശ്രയ കോളേജില് അദ്ധ്യപകനായി പോയിട്ടുണ്ടെന്ന ഹര്ജിയുമാണ് തള്ളിയത്.
ഡ്രഡ്ജര് വാങ്ങിയത് വഴി സംസ്ഥാന സര്ക്കാറിന് 15 കോടി രൂപ നഷ്ടം വന്നിട്ടുണ്ടെന്ന് കാണിച്ച് മൈക്കിള് വര്ഗീസ് എന്നയാളാണ് വിജിലന്സ് കോടതിയെ സമീപിച്ചത്. എന്നാല് ഹര്ജിക്കാരന്റെ പക്കല് മതിയായ തെളിവില്ലാത്തതാണ് ഹര്ജി തള്ളാന് കാരണമെന്ന് കോടതി പറഞ്ഞു.
