കോട്ടയം: കേരള സംസ്ഥാന ഭാഗ്യക്കുറി ഓണം ബംബര് ഒന്നാംസമ്മാനമായ അഞ്ചുകോടി രൂപയും രണ്ടാംസമ്മാനമായ ഒരുകോടിയും കോട്ടയത്ത്. ഏറ്റുമാനൂരിലെ ‘ഷാലിമാര്’ ഹോട്ടല് ജീവനക്കാരനായ കൊല്ലം സ്വദേശി അബ്ദുള് ലത്തീഫ് (42) എടുത്ത ടിക്കറ്റിനാണ് ഒന്നാം സമ്മാനം.
ഏറ്റുമാനൂരിലെ ഉത്രം ഏജന്സീസില്നിന്നു വിറ്റ യു.വി. 425851 എന്ന ടിക്കറ്റിനാണ് ഒന്നാംസമ്മാനം. ഇവിടെ നിന്ന് 50 ടിക്കറ്റുകള് അബ്ദുള് ലത്തീഫ് എടുത്തിരുന്നു. 200 രൂപയായിരുന്നു ഒരു ടിക്കെറ്റിനു വില. ഇതില് ചിലതു സുഹൃത്തുകള്ക്കും നാട്ടുകാര്ക്കും മറിച്ചുവില്ക്കുകയും ചെയ്തു. എന്നാല് ഭാഗ്യദേവത തന്റെ കയ്യില് തന്നെ ഇരുന്നതില് അബ്ദുല് ലതീഫ് ആഹ്ലാദം കൊള്ളുന്നു. ഫലമറിഞ്ഞ ഉടനെ തന്നെ ഇദ്ദേഹം ആരോടും പറയാതെ കൊല്ലത്തെ വീട്ടിലേക്കു പോയി. അതിനാല് വിവരം അറിഞ്ഞെത്തിയ നാട്ടുകാര്ക്ക് അബ്ദുല് ലത്തീഫിനെ കാണാന് സാധിച്ചില്ല.
ലോട്ടറി ടിക്കറ്റിന് 200 രൂപ വിലയുണ്ടായിട്ടും 60.44 കോടി രൂപയുടെ ലോട്ടറി ടിക്കറ്റാണ് ഇത്തവണ വിറ്റത്. കഴിഞ്ഞ വര്ഷത്തെ അപേക്ഷിച്ച് 26.37 കോടി രൂപയുടെ വര്ദ്ധനാവണ് ഭാഗ്യക്കുറി വില്പനയില് ഉണ്ടായത്
വാല്പ്പാറ: കേരള തമിഴ്നാട് അതിര്ത്തിയില് വാല്പ്പാറയിലെ ഒരു തേയില തോട്ടത്തില് കാട്ടാനകളുടെ ആക്രമണത്തില് മൂന്നു തൊഴിലാളി സ്തീകള് കൊല്ലപ്പെട്ടു. ഖദീജ (58), ശെല്വത്തായ് (51), പരമേശ്വരി (52) എന്നിവരാണ് മരിച്ചത്. വ്യാഴാഴ്ച വൈകീട്ട് മൂന്നു മണിയോടെ എട്ട് ആനകള് അടങ്ങുന്ന സംഘം തൊഴിലാളികളുടെ ഇടയിലേക്ക് കടന്നു വരികയായിരുന്നു. കാട്ടാനകളെ കണ്ട് ഭയന്നോടിയ സ്തീകളില് ചിലര് നിലത്തു വീണു. ഇവരെ കാട്ടാനകള് ആക്രമിക്കുകയായിരുന്നു. കാട്ടാനകളുടെ ചവിട്ടും കുത്തുമേറ്റ ഇവര് സംഭവ സ്ഥലത്തു വെച്ചു തന്നെ മരിച്ചു. ചിതറിയോടിയ തൊഴിലാളികളും മറ്റു ആളുകളും തിരികെ വന്ന് ബഹളം വച്ച് കാട്ടാനക്കൂട്ടത്തെ തിരികെ കാട്ടിലേക്ക് കയറ്റി വിടുകയായിരുന്നു.
