 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി: മണിപ്പൂരില് പട്ടാള കരിനിയമത്തിനെതിരെ പത്ത് വര്ഷത്തിലധികമായി നിരാഹാരസമരം നടത്തി വരുന്ന സാമൂഹ്യ പ്രവര്ത്തക ഇറോം ശര്മിളയുടെ മോചനത്തിനായി ഇന്ത്യയിലാകമാനം മെയ് 22നു തുടങ്ങി ആഗസ്റ്റ് 18 വരെ നീണ്ടു നടക്കുന്ന കാമ്പയിനില് പങ്കെടുക്കാന് അഭ്യര്ത്ഥിക്കുന്നു. കൂടുതല് വിവരങ്ങള്ക്ക് ബന്ധപ്പെടുക സണ്ണി പൈക്കട : 0091 9446234997
- ഫൈസല് ബാവ
വായിക്കുക: പ്രതിരോധം, മനുഷ്യാവകാശം, സ്ത്രീ
കൊച്ചി : ഐ. ടി. സ്ഥാപനത്തിലെ ജോലിക്കാരിയെ ജോലി ചെയ്തു മടങ്ങുമ്പോള് ഒരു സംഘം ബൈക്കിലെത്തി ആക്രമിച്ചു. ഞായറാഴ്ച രാത്രി ജോലി കഴിഞ്ഞ് മടങ്ങുമ്പോള് തസ്നി ബാനു എന്ന യുവതിക്കും സുഹൃത്തിനും നേരെയാണ് “സദാചാര പോലീസിന്റെ“ ആക്രമണം ഉണ്ടായത്. ബാംഗ്ലൂരിലെ സംസ്കാരമല്ല കേരളത്തില് എന്നും സൂക്ഷിച്ചു നടക്കണമെന്നും പറഞ്ഞായിരുന്നു ആക്രമണം. യുവതിയുടെ മുഖത്തടിക്കുകയും അസഭ്യം വിളിക്കുകയും ചെയ്തു. ആക്രമണത്തിനു ശേഷം യുവതിയേയും സുഹൃത്തിനേയും ഭീഷണിപ്പെടുത്തിയ ശേഷമായിരുന്നു സംഘം മടങ്ങിയത്.
പരിക്കേറ്റ യുവതിയെ എറണാകുളം ജനറല് ആസ്പത്രിയില് പ്രവേശിപ്പിച്ചു. സംഭവത്തെ കുറിച്ച് അന്വേഷിച്ച് റിപ്പോര്ട്ട് നല്കുവാന് സിറ്റി പോലീസ് കമ്മീഷണറോട് മുഖ്യമന്ത്രി ഉമ്മന് ചാണ്ടി ആവശ്യപ്പെട്ടിട്ടുണ്ട്. സംഭവത്തെ കുറിച്ച് പോലീസ് അന്വേഷണം ആരംഭിച്ചിട്ടുണ്ടെങ്കിലും പ്രതികളെ ഇനിയും പിടികൂടുവാന് ആയിട്ടില്ല.
മെട്രോ നഗരമായി വളര്ന്നു കൊണ്ടിരിക്കുന്ന കൊച്ചിയില് ധാരാളം ഐ. ടി. കമ്പനികള് ഉണ്ട്. കോള് സെന്ററുകള് അടക്കമുള്ള ഇത്തരം സ്ഥാപനങ്ങളില് പലയിടത്തും ഷിഫ്റ്റ് സമ്പ്രദായം സാധാരണമാണ്. ഒറ്റപ്പെട്ടതാണെങ്കിലും ഇത്തരം സംഭവങ്ങള് ഈ മേഖലയില് ജോലി ചെയ്യുന്നവരുടെ ഇടയില് ആശങ്ക ഉണ്ടാക്കിയിട്ടുണ്ട്.
-
പത്തനംതിട്ട: ഇരുപത്തെട്ടുകാരിയെ ജോലി വാഗ്ദാനം ചെയ്ത് ഷാര്ജയിലെത്തിച്ച് പെണ്വാണിഭ സംഘത്തിനു കൈമാറിയ കേസിലെ മുഖ്യപ്രതി പത്തനംതിട്ട കൊപ്ല വീട്ടില് ഷഹന മന്സിലില് സൗദ ബീവി പത്തനംതിട്ട സി. ഐ. മുമ്പാകെ കീഴടങ്ങി. ഇവര് ഡല്ഹി, ഭൂട്ടാന്, മുംബൈ എന്നിവിടങ്ങളില് ഒളിവില് കഴിയുകയായിരുന്നു. കേസിലെ രണ്ടാം പ്രതിയും പെണ്വാണിഭ സംഘത്തിലെ മുഖ്യ സൂത്രധാരനുമായ കാസര്കോഡ് ആലമ്പാടി അഹമ്മദ്കുട്ടി, സൗദയുടെ മകളും മൂന്നാം പ്രതിയുമായ ഷെമിയ എന്നിവരെ കുറച്ചു ദിവസങ്ങള്ക്ക് മുമ്പ് അറസ്റ്റു ചെയ്തിരുന്നു.
2007 ജൂലൈ മാസത്തിലാണ് കേസിനാസ്പദമായ സംഭവം നടന്നത്. സൂപ്പര് മാര്ക്കറ്റില് ജോലി വാഗ്ദാനം ചെയ്ത് 2007 ജൂലൈ 19ന് സൗദയുടെ അയല്വാസിയായ യുവതിയെ കൊണ്ടു പോയി സെക്സ് റാക്കറ്റിന് കൈമാറുകയായിരുന്നു. വാഗ്ദാനം ചെയ്ത ജോലിക്കു പകരം സെക്സ് റാക്കറ്റിന്റെ കൈയിലാണ് അകപ്പെട്ടിരിക്കുന്നതെന്നു മനസ്സിലാക്കിയ യുവതി ബന്ധുക്കളെ വിവരം അറിയിച്ചു. അതിനു ശേഷം ഇന്ത്യന് എംബസിയുടെ സഹായത്തോടെ 2007 ആഗസ്റ്റ് 13ന് നാട്ടിലെത്തിയ യുവതി സൗദ ബീവിയ്ക്ക് എതിരെ പത്തനംതിട്ട പോലീസില് പരാതി നല്കുകയായിരുന്നു. പല ഉന്നതര്ക്കും ബന്ധമുള്ള ഈ കേസ് തേച്ചു മാച്ചു കളയാന് പല ശ്രമങ്ങളും ഉണ്ടായതിനെ തുടര്ന്ന് ഹൈക്കോടതി ഇടപെട്ടാണ് വീണ്ടും കേസ് അന്വേഷിക്കാന് ഉത്തരവിട്ടതും മുന് അന്വേഷണ ഉദ്യോഗസ്ഥരെ സസ്പെന്റു ചെയ്തതും. പത്തനംതിട്ടയിലെ മുന് സി. ഐ., രണ്ട് എസ്. ഐ. മാര് എന്നിവരെ ഇതു സംബന്ധിച്ച് ഇപ്പോള് സസ്പെന്റ് ചെയ്തിരിക്കുകയുമാണ്.
-
വായിക്കുക: കേരള ഹൈക്കോടതി, പീഡനം, പോലീസ്, സ്ത്രീ
പറവൂര് : പതിനാലു കാരിയെ പീഡിപ്പിച്ച എഴുപതോളം പേരെ പിടികൂടാനായി പോലീസ് സംഘങ്ങള് ഊര്ജ്ജിതമായി തിരച്ചില് തുടങ്ങി. പറവൂര് സ്വദേശിയായ പെണ്കുട്ടിയുടെ പിതാവ് തന്നെയാണ് സ്വന്തം മകളെ നൂറിലേറെ പേര്ക്ക് കാഴ്ച വെച്ചത്. പെണ്കുട്ടിയെ ആദ്യമായി പീഡിപ്പിച്ചതും ഇയാള് തന്നെ. സിനിമയില് എക്സ്ട്രാ വേഷങ്ങള് അഭിനയിക്കുന്ന ഇയാള് പെണ്കുട്ടിയെ പീഡിപ്പിച്ചതിനു ശേഷം സിനിമാ രംഗത്തുള്ള പലര്ക്കും കാഴ്ച വെച്ചതായി പെണ്കുട്ടി പോലീസിനോട് പറഞ്ഞു. പിന്നീട് മറ്റു പലരുടെ മുന്പിലും ഇയാള് മകളെ കാഴ്ച വെച്ചു.
പെണ്കുട്ടിയെ പീഡിപ്പിച്ച 29 പേര് ഇതിനോടകം പോലീസ് പിടിയില് ആയിട്ടുണ്ട്. ബാക്കിയുള്ളവരെ തേടി പോലീസ് സംഘങ്ങള് കേരളം, തമിഴ്നാട്, കര്ണ്ണാടകം എന്നിവിടങ്ങളിലേക്ക് തിരച്ചില് വ്യാപിപ്പിച്ചു. പോലീസ് അന്വേഷണം ആരംഭിച്ചതോടെ പ്രതികളില് പലരും ഒളിവില് പോയി. പ്രതികളില് രാഷ്ട്രീയക്കാരുടെ പേരുകളൊന്നും ഇല്ല എന്നാണ് സൂചന. കഴിഞ്ഞ ദിവസം തമിഴ്നാട് പൊതു മരാമത്ത് വകുപ്പിലെ ഒരു എന്ജിനിയര് പെണ്കുട്ടിയെ പീഡിപ്പിച്ചതിനു പോലീസ് പിടിയിലായിരുന്നു. പെണ്കുട്ടിയെ കടത്താന് ഉപയോഗിച്ച ഇയാളുടെ കാറും പിടിച്ചെടുത്തിട്ടുണ്ട്.
പെണ്കുട്ടി തന്റെ ദുരിതത്തെ കുറിച്ച് ഒരു അടുത്ത ബന്ധുവിനോട് വെളിപ്പെടുത്തിയതിനെ തുടര്ന്നാണ് സംഗതി പുറത്തറിഞ്ഞതും പോലീസില് പരാതി നല്കിയതും.
- ജെ.എസ്.
കൊല്ലം: ഇഷ്ടപ്പെട്ട വ്യക്തിയെ വിവാഹം കഴിച്ചതിന്റെ പേരില് പഞ്ചായത്ത് പ്രസിഡണ്ട് സ്ഥാനം രാജിവെക്കില്ലെന്ന് മൈലം പഞ്ചായത്ത് പ്രസിഡണ്ട് ബി.മിനിമോള്. പഞ്ചായത്തിലെ സി.പി.എം പ്രധിനിധിയായായ മിനി മോള് പഞ്ചായത്തിലെ താല്ക്കാലിക ജീവനക്കാനായിരുന്ന ജയനുമായി പ്രണയത്തിലായിരുന്നു. പട്ടിക ജാതിക്കാരിയായ മിനിമോള് പാര്ട്ടിതാല്പര്യത്തിനു വിരുദ്ധമായി ജയനെ വിവാഹം കഴിച്ചു. ഇത് പാര്ട്ടിയെ ചൊടിപ്പിച്ചു തുടര്ന്ന് മിനിമോള് രാജിവെക്കണമെന്ന ആവശ്യം ചിലര് ഉന്നയിച്ചു. എന്നാല് താന് രാജിവെക്കുവാന് ഒരുക്കമല്ലെന്നും പാര്ട്ടി വേണമെങ്കില് തനിക്കെതിരെ അവിശ്വാസപ്രമേയം കോണ്ടു വന്ന് പുറത്താക്കിക്കോട്ടെ എന്ന് മിനിമോള് പറഞ്ഞു. വിവാഹമെന്ന് തങ്ങളുടെ വ്യക്തിപരമായ കാര്യമാണെന്നും ഇത് പാര്ട്ടിയേയോ പഞ്ചായത്തിലെ മറ്റു പ്രവര്ത്തനങ്ങളേയോ ബാധിക്കില്ലെന്നും മിനിമോള് വ്യക്തമാക്കി.
- ലിജി അരുണ്
വായിക്കുക: സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
