 |
 |
 |
 |
 |
 |
 |
 |
 |
 |
 |
 |
 |
 |
അബൂദാബി: ദിനം പ്രതി ആഭ്യന്തര സംഘര്ഷം രൂക്ഷമാകുന്ന സിറിയന് പ്രശ്നത്തില് ഗൗരവമായി ഇടപെടണമെന്ന് രക്ഷാ സമിതിയോട് യു. എന് സെക്രട്ടറി ജനറല് ബാന് കി മൂണ് ആവശ്യപെട്ടു. രക്ഷാസമിതിയിലെ അംഗരാഷ്ട്രങ്ങള് തമ്മില് ഇക്കാര്യത്തില് വ്യത്യസ്ത അഭിപ്രായങ്ങളുണ്ടെങ്കിലും സിറിയയില് ഇടപെടേണ്ട സമയം അതിക്രമിച്ചെന്നും, കാര്യങ്ങള് ഇത്തരത്തില് മുന്നോട്ടുപോവാന് അനുവദിക്കരുതെന്നും അദ്ദേഹം പറഞ്ഞു. അബൂദാബിയില് ഊര്ജ സമ്മേളനത്തിനിടെ മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.
- ന്യൂസ് ഡെസ്ക്
വായിക്കുക: കുറ്റകൃത്യം, ക്രമസമാധാനം, മനുഷ്യാവകാശം, യുദ്ധം
ബെയ്റൂട്ട്: ലെബനോനില് അഞ്ച് നിലകളുള്ള താമസ സമുച്ചയം തകര്ന്നു വീണ് 26 പേര് മരിച്ചു . നിരവധിപേരെ ഇനിയും തകര്ന്നുവീണ കേട്ടിടത്തിനടിയില് നിന്നും കണ്ടെത്താനുണ്ടെന്നാണ് റിപ്പോര്ട്ടുകള് പറയുന്നത്. നിരവധി പേര്ക്ക് അപകടത്തില് പരിക്കേറ്റിട്ടുണ്ട്. രക്ഷാപ്രവര്ത്തനങ്ങള് ഊര്ജിതമായി തുടരുകയാണ്. അപകടകാരണം വ്യക്തമല്ല. 50 ഓളം കുടുംബങ്ങള് ഉണ്ടായിരുന്ന ഈ കെട്ടിടത്തില് മരിച്ചവരില് അധികവും സുഡാനിലേയും ലബനാനിലേയും പൌരന്മാരാണ്. റെഡ് ക്രോസ് പ്രവര്ത്തകരും രക്ഷാപ്രവര്ത്തനത്തില് പങ്കുചേര്ന്നു. കെട്ടിടത്തിന്റെ പഴക്കമാണ് അപകട കാരണമെന്നും റിപ്പോര്ട്ടുകളുണ്ട്.
- ന്യൂസ് ഡെസ്ക്
ബാംഗ്ലൂര്: യു.എസ്. ഹൗസ് ഓഫ് റെപ്രസന്റേറ്റീവ് പാസാക്കുന്ന സ്റ്റോപ്പ് ഓണ്ലൈന് പൈറസി ആക്ട് യു. എസ് സെനറ്റ് പാസാക്കുന്ന പ്രൊട്ടക്ട് ഇന്റലക്ച്വല് പ്രോപ്രര്ട്ടി ആക്ട് എന്നീ നിയമങ്ങള്ക്കെതിരെയുള്ള പ്രതിഷേധസൂചകമായി ഇഗ്ലീഷ് വിക്കിപീഡിയ ജനുവരി 18ന് ബുധനാഴ്ച പ്രവര്ത്തനം നിര്ത്തിവെയ്ക്കുന്നു.പ്രതിഷേധം അറിയിക്കാനാണ് ഒരു ദിവസത്തെ പ്രവര്ത്തനം നിര്ത്തുന്നത്. മറ്റ് ഒട്ടേറെ വെബ്സൈറ്റുകള് പ്രവര്ത്തനം നിര്ത്തിവെച്ച് ഈ നിയമങ്ങള്ക്കെതിരെ വിക്കിപീഡിയയോടൊപ്പം പ്രതിഷേധപ്രകടനം നടത്തുന്നുണ്ട്. കഴിഞ്ഞ ഏതാനും മാസങ്ങളായി ഈ നിയമങ്ങള്ക്ക് അനുകൂലമായും പ്രതികൂലമായും ഒട്ടേറെ ചര്ച്ചകള് അമേരിക്കയില് നടക്കുന്നുണ്ട്. ഇതിന് പിന്നാലെയാണ് ശക്തമായ പ്രതിഷേധമറിയിക്കാന് പണിമുടക്കുമായി വിക്കിപീഡിയ മുന്നോട്ട് വന്നിരിക്കുന്നത്. വിക്കിപീഡിയ ഉപയോഗിക്കുന്ന കുട്ടികള് അവരുടെ ഹോം വര്ക്കുകള് നേരത്തെ ചെയ്തു തീര്ക്കണം എന്നാണ് പ്രതിഷേധ അവധി പ്രഖ്യാപിച്ചുകൊണ്ട് വിക്കിപീഡിയ സ്ഥാപകരിലൊരാളായ ജിമ്മി വെയ്ല്സ് ട്വിറ്ററിലൂടെ പറഞ്ഞിരിക്കുന്നത്.
- ന്യൂസ് ഡെസ്ക്
വായിക്കുക: അമേരിക്ക, ഇന്റര്നെറ്റ്
റോം : ഇറ്റലിയുടെ വിനോദ സഞ്ചാര കപ്പലായ കോസ്റ്റ കോണ്കോഡിയ അപകടത്തില് പെട്ടതിനെ തുടര്ന്ന് കാണാതായവരുടെ എണ്ണം 29 ആയി തിട്ടപ്പെടുത്തി. 6 പേര് കൊല്ലപ്പെട്ടതായി അധികൃതര് അറിയിച്ചിട്ടുണ്ട്. ഇറ്റലിയുടെ തീരത്തുള്ള പാറക്കെട്ടില് ഇടിച്ചതാണ് അപകട കാരണമായി കരുതപ്പെടുന്നത്. ഇത് കപ്പലിന്റെ കപ്പിത്താന് നടത്തിയ ഒരു തെറ്റായ നീക്കത്തിന്റെ ഫലമാണ് എന്ന് ആരോപണമുണ്ട്. ഈ ആരോപണം അപകടത്തെ തുടര്ന്ന് തടവിലായ കപ്പിത്താന് നിഷേധിച്ചിട്ടുണ്ട്.
കപ്പലില് ഉണ്ടായിരുന്ന 201 ഇന്ത്യക്കാരെ രക്ഷിച്ചതായി ഇന്ത്യന് അധികൃതര് അറിയിച്ചു. എന്നാല് ഒരു ഇന്ത്യാക്കാരനെ പറ്റി ഇതു വരെ വിവരമൊന്നും ലഭിച്ചിട്ടില്ല. ഇയാള് മറ്റു യാത്രക്കാരെ രക്ഷിക്കാനുള്ള പ്രവര്ത്തനങ്ങള് ചെയ്തിരുന്നതായി ചില ദൃക്സാക്ഷികള് വെളിപ്പെടുത്തി. കപ്പലില് ഉണ്ടായിരുന്ന ഇന്ത്യാക്കാര് എല്ലാവരും കപ്പലിലെ ജോലിക്കാര് ആയിരുന്നു.
4000 ത്തോളം യാത്രക്കാര് സഞ്ചരിച്ചിരുന്ന ആഡംബര യാത്രാ കപ്പല് വെള്ളിയാഴ്ച രാത്രിയാണ് പാറക്കൂട്ടത്തില് ഇടിച്ചതിനെ തുടര്ന്ന് മുങ്ങിയത്.
- ജെ.എസ്.
ലാഗോസ്: ആഫ്രിക്കയിലെ ഏറ്റവും വലിയ എണ്ണ ഉത്പാദക രാഷ്ട്രമായ നൈജീരിയയില് പെട്രോളിയം ഉത്പന്നങ്ങള്ക്കുള്ള സബ്സിഡി പിന്വലിച്ചതിനെതിര തൊഴിലാളി യൂണിയനുകള് തുടങ്ങിയ അനിശ്ചിതകാലപണിമുടക്ക് അവസാനിപ്പിക്കാനായി നടന്ന ഒത്തുതീര്പ്പ് ചര്ച്ച വീണ്ടും പരാജയപ്പെട്ടു. ചര്ച്ചയില് നൈജീരിയന് പ്രസിഡന്റ് ഗുഡ്ലക്ക് ജോനാഥനും തൊഴിലാളി യൂണിയന് നേതാക്കളും പങ്കെടുത്തിരുന്നു. ചര്ച്ച പരാജയപ്പെട്ടതോടെ പണിമുടക്ക് തുടരുമെന്ന് യൂണിയന് നേതാവ് അബ്ദുല് വാഹിദ് ഉമര് അറിയിച്ചു. എന്നാല് സുരക്ഷ പരിഗണിച്ച് തെരുവുകളില് നിന്ന് പ്രതിഷേധപ്രകടനങ്ങള് കഴിവതും ഒഴിവാക്കുമെന്നും വാഹിദ് ഉമര് കൂട്ടിച്ചേര്ത്തു. എണ്ണ ഉത്പാദനത്തില് ലോകത്ത് ആറാം സ്ഥാനമുള്ള നൈജീരിയയിലെ പണിമുടക്ക് ആഗോള എണ്ണ വിപണിയെയും ബാധിക്കുമെന്നാണ് വിലയിരുത്തപ്പെടുന്നത്.
ജനുവരി ഒന്നുമുതല് നൈജീരിയയില് ജനങ്ങള്ക്ക് സര്ക്കാറില്നിന്ന് ലഭിക്കുന്ന എണ്ണ സബ്സിഡി പിന്വലിച്ചിരുന്നു. അതോടെ ഇന്ധനത്തിന്റെ വില ഇരട്ടിയായി. ഇതാണ് ദാരിദ്യ്രത്തില് കഴിയുന്ന ജനങ്ങളെ തെരുവിലിറങ്ങാന് പ്രേരിപ്പിച്ചത്. ഇതിനകം നിരവധി തവണ പ്രസിഡന്റുമായി ചര്ച്ച നടത്തിക്കഴിഞ്ഞെങ്കിലും സാമ്പത്തികമായി പിടിച്ചുനില്ക്കാനാവില്ലെന്ന് പറഞ്ഞ് നടപടി പിന്വലിക്കാന് അദ്ദേഹം തയാറായിട്ടില്ല.
- ന്യൂസ് ഡെസ്ക്
വായിക്കുക: ക്രമസമാധാനം, പ്രതിഷേധം, സാമ്പത്തികം
- ലിജി അരുണ്
വായിക്കുക: പാക്കിസ്ഥാന്
ടെഹ്റാന് : ഇറാന്റെ ആണവ ശാസ്ത്രജ്ഞനെ ബോംബ് സ്ഫോടനത്തില് കൊലപ്പെടുത്തിയതിനു പിന്നില് അമേരിക്കയാണെന്ന് ഇറാന് ആരോപിച്ചു. ഇതിനു തങ്ങളുടെ പക്കല് വ്യക്തമായ തെളിവുകള് ഉണ്ടെന്നും ഇറാന് അറിയിച്ചു. കാന്തശക്തി ഉപയോഗിച്ച് ശാസ്ത്രജ്ഞന് സഞ്ചരിച്ച കാറിന്റെ വാതിലില് ബോംബ് ഒട്ടിച്ചു വെക്കുകയായിരുന്നു. ബോംബ് സ്ഫോടനത്തില് 32 കാരനായ ആണവ ശാസ്ത്രജ്ഞന് മുസ്തഫ അഹമ്മദി റോഷനും അദ്ദേഹത്തിന്റെ ഡ്രൈവറും കൊല്ലപ്പെട്ടു. ഈ വധത്തിന്റെ ആസൂത്രണവും സഹായവും ചെയ്തത് അമേരിക്കന് ചാര സംഘടനയായ സി. ഐ. എ. ആണെന്ന് ഇറാന്റെ വിദേശ കാര്യ മന്ത്രാലയം ഇറാനിലെ സ്വിസ്സ് അംബാസഡര്ക്ക് കൈമാറിയ എഴുത്തില് വ്യക്തമാക്കി. അമേരിക്കയ്ക്ക് നേരിട്ട് നയതന്ത്ര ബന്ധമില്ലാത്ത ഇറാനില് അമേരിക്കന് താല്പര്യങ്ങള് സംരക്ഷിക്കുന്നത് സ്വിസ്സ് എംബസിയാണ്.
ഇറാന്റെ ശത്രുക്കളായ അമേരിക്കയും ബ്രിട്ടനും സയണിസ്റ്റ് ഭരണകൂടവും (ഇസ്രയേലിനെ ഇറാന് ഇങ്ങനെയാണ് സംബോധന ചെയ്യുന്നത്) തങ്ങളുടെ ദുഷ്പ്രവര്ത്തികള്ക്ക് മറുപടി പറയേണ്ടി വരും എന്നും ഇറാന് മുന്നറിയിപ്പ് നല്കി.
- ജെ.എസ്.
വായിക്കുക: അമേരിക്ക, ഇറാന്, കുറ്റകൃത്യം, തീവ്രവാദം
പാരിസ്: മാന്ദ്യത്തെ നേരിടാന് യൂറോപ്യന് രാജ്യങ്ങള് ഈയിടെ സ്വീകരിച്ച നടപടികള് ഗുണകരമാകാത്ത പശ്ചാത്തലത്തില് യൂറോ മേഖലയെ വീണ്ടും പ്രതിസന്ധിയിലാക്കികൊണ്ട് ഫ്രാന്സ്, സ്പെയിന്, ഇറ്റലി എന്നിവയുടെ ക്രെഡിറ്റ് റേറ്റിങ് താഴ്ത്തി. ഫ്രാന്സിന്റെ റേറ്റിങ് AAA യില് നിന്ന് AA+ ആയാണ് താഴ്ത്തിയത്. ഇറ്റലിയുടേത് രണ്ട് പോയന്റ് താഴ്ത്തി BBB+ഉം സ്പെയിനിന്റേത് Aയുമായി കുറച്ചു. ഗ്രീസിനെ ഒഴിവാക്കികൊണ്ടുള്ള റേറ്റിങ്ങില് 17 യൂറോ സോണ് രാജ്യങ്ങളില് 16 എണ്ണത്തിന്റെയും റേറ്റിങ് പുതുക്കിയിട്ടുണ്ട്. സൈപ്രസ്, ഇറ്റലി, പോര്ച്ചുഗല്, സ്പെയിന് എന്നിവയുടെ റേറ്റിങ് രണ്ട് പോയന്റ് വീതം കുറച്ചപ്പോള്, ഓസ്ട്രിയ, ഫ്രാന്സ്, മാള്ട്ട, സ്ലൊവാക്യ, സ്ലൊവേനിയ എന്നിവയുടേത് ഒന്നുവീതം താഴ്ത്തി. ജര്മനി ഉള്പ്പെടെ മറ്റുള്ളവയുടെ റേറ്റിങ്ങില് മാറ്റമില്ല. പ്രമുഖ ക്രെഡിറ്റ് റേറ്റിങ് ഏജന്സിയായ സ്റ്റാന്ഡേര്ഡ് ആന്ഡ് പുവേഴ്സാണ് (എസ്. ആന്ഡ്. പി) ഇവയെ തരംതാഴ്ത്തിയത്.
- ന്യൂസ് ഡെസ്ക്
വായിക്കുക: സാമ്പത്തികം
ബാങ്കോക്ക് : മ്യാന്മാറില് വിദ്യാര്ത്ഥി പ്രക്ഷോഭ തലവന് മിന് കോ നൈങും പ്രമുഖ രാഷ്ട്രീയ തടവുകാരുമടക്കം 651 പേരെ മ്യാന്മാര് പട്ടാള ഭരണകൂടം ജയില് മോചിതരാക്കി. എന്നാല് ഇതില് എത്രപേര് എത്ര രാഷ്ട്രീയതടവുകാര് ഉണ്ടെന്ന് സര്ക്കാര് വെളിപ്പടുത്തിയിട്ടില്ല. 1988 ലെ വിദ്യാര്ത്ഥി പ്രക്ഷോഭത്തിലെ പ്രവര്ത്തകരും 2007 ലെ പ്രതിഷേധങ്ങളില് അറസ്റ്റിലായ ബുദ്ധ സന്യാസിമാരെയുമാണ് സര്ക്കാര് വിട്ടയച്ചരില് പെടും. റംഗൂണില് നിന്നും 545 കിലോമീറ്റര് അകലെ തായേട്ട് നഗരത്തിലെ ജയിലില് നിന്നും പുറത്തിറങ്ങിയ മിന് കോ നൈങ്ങിനെ സ്വീകരിക്കാന് വന് ജനക്കൂട്ടം എത്തിയതായി വാര്ത്താ ഏജന്സികള് റിപ്പോര്ട്ട് ചെയ്തു. മുന് പ്രധാനമന്ത്രി ഖിന് ന്യോത്, ഷാന് നേതാവ് ഉ ഖുന് ടുന് ഉ, ഇലക്ട്രോണിക് മാധ്യങ്ങളെ ദുപയോഗം ചെയ്തുവെന്ന കുറ്റത്തിന് 65 വര്ഷത്തെ തടവുശിക്ഷ അനുഭവിക്കുന്ന നിലാര് തെയ്ന് തുടങ്ങിയവരും വിട്ടയക്കപ്പെട്ടവരില് പെടും
- ന്യൂസ് ഡെസ്ക്
വായിക്കുക: കുറ്റകൃത്യം, തീവ്രവാദം
ബസറ: ഇറാഖിലെ പ്രധാന നഗരമായ ബസറയിലെ അര്ബഈന് സ്മാരകത്തിലെ ശിയ തീര്ഥാടന കേന്ദ്രത്തില് ശനിയാഴ്ചയുണ്ടായ ചാവേര് സ്ഫോടനത്തില് 25 പേര് കൊല്ലപ്പെട്ടതായും 40 പേര്ക്ക് പരിക്കേറ്റതായും ബസറയിലെ ആശുപത്രി വൃത്തങ്ങള് അറിയിച്ചു.
- ന്യൂസ് ഡെസ്ക്
വായിക്കുക: തീവ്രവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
