പ്രമുഖ സംവിധായകന് അന്‍വര്‍ റഷീദിനെ കൊല്ലത്തെ തന്റെ കുടുംബ വീടിനടുത്തു വെച്ച്‌ ഒരു സംഘം അക്രമികള്‍ ഞായറാഴ്‌ച്ച രാത്രി വെട്ടി പരിക്കേല്‍പ്പിച്ചു. പരിക്കേറ്റ അന്‍വറിനെ ആശുപത്രിയില്‍ പ്രവേശിപ്പി ച്ചിരിക്കയാണ്‌. തനിക്കു നേരെയുണ്ടായ ആക്രമണത്തെ സംബന്ധിച്ച്‌ അന്‍വര്‍ റഷീദ്‌ പോലീസില്‍ പരാതി നല്‍കിയിട്ടുണ്ട്‌.
കൊട്ടേഷന് - മാഫിയാ സംഘങ്ങളുടെ ആക്രമണങ്ങളും കൊലപാതകങ്ങളും കേരളത്തില്‍ അനുദിനം വര്‍ദ്ധിച്ചു കൊണ്ടിരിക്കുന്നു. ഏതാനും ദിവസങ്ങള്‍ക്ക്‌ മുമ്പാണ്‌ പ്രമുഖ വ്യവസായി പോള്‍. എം. ജോര്‍ജ്ജിനെ ഒരു സംഘം വധിച്ചത്‌. ഒരു സമൂഹ്യ വിപത്തായി വളര്‍ന്നു കൊണ്ടിരിക്കുന്ന ഗുണ്ടകള്‍ ക്കെതിരായി കര്‍ശനമായ നടപടികള്‍ എടുക്കുവാന്‍ സര്‍ക്കാര്‍ ഇനിയും അമാന്തിച്ചു കൂട. കേരളീയ സമൂഹം നേരിടുന്ന ഗുണ്ടാ ഭീതിയെ കുറിച്ച്‌ ഇക്കഴിഞ്ഞ ദിവസം കോടതി വരെ പരാമര്‍ശിക്കുകയുണ്ടായി.
– എസ്. കുമാര്‍
 |
 |
 |
 |
 |
 |
 |
 |
 |
 |
 |
 |
 |
 |
