‘നോഹ’ക്ക് അറബ് രാജ്യങ്ങളില്‍ വിലക്ക്

March 12th, 2014

ദുബായ് : ബൈബിളിനെ ആധാരമാക്കി നിര്‍മ്മിച്ച “നോഹ” എന്ന ഹോളിവൂഡ് സിനിമക്ക് ഗള്‍ഫ് രാജ്യ ങ്ങളില്‍ വിലക്ക്.

മത വികാരം വ്രണപ്പെടുത്താന്‍ സാധ്യതയുണ്ട് എന്ന കാരണ ത്താലാണ് “നോഹ” യുടെ പ്രദര്‍ശനം യു. എ. ഇ., ഖത്തര്‍, ബഹ്‌റൈന്‍ എന്നിവിട ങ്ങളില്‍ നിരോധിച്ചത്.

ഈജിപ്ത്, ജോര്‍ദാന്‍, കുവൈത്ത് എന്നിവിട ങ്ങളിലും ചിത്ര ത്തിന് നിരോധന ഭീഷണിയുണ്ട്. ഈ സിനിമ യില്‍ പറഞ്ഞിരിക്കുന്ന പല കാര്യങ്ങളും ഇസ്‌ലാമിക വിശ്വാസ ത്തിന് എതിരാണ് എന്നാണ് നിരോധനം ഏര്‍പ്പെടുത്തിയ രാജ്യ ങ്ങളുടെ നിലപാട്.

ഓസ്‌കര്‍ ജേതാവ് റസല്‍ ക്രോ, ആന്‍റണി ഹോപ്കിന്‍സ് എന്നിവര്‍ അഭിനയിച്ച നോഹ, മാര്‍ച്ച് 28 നു അമേരിക്ക യില്‍ പ്രദര്‍ശന ത്തിന് എത്തുന്നത്.

- pma

വായിക്കുക: , ,

അഭിപ്രായം എഴുതുക »

ആകാശത്തിന്റെ നിറം ഓസ്കര്‍ പുരസ്കാരത്തിന്റെ പട്ടികയില്‍

December 15th, 2012

ഡോ.ബിജു സംവിധാനം ചെയ്ത ‘ആകാശത്തിന്റെ നിറം’ ഓസ്കര്‍ പുരസ്കാരത്തിനുള്ള മത്സര ചിത്രങ്ങളുടെ ചുരുക്ക പട്ടികയില്‍ ഇടം പിടിച്ചു. 282 ചിത്രങ്ങളാണ് ഈ പട്ടികയില്‍ ഉള്ളത്. ഇന്ദ്രജിത്ത്, അമല പോള്‍, പൃഥ്‌വി രാജ്, നെടുമുടിവേണു, അനൂപ് ചന്ദ്രന്‍ തുടങ്ങി വളരെ ചുരുക്കം താരങ്ങള്‍ അഭിനയിച്ച ഈ ചിത്രത്തിന് 2011 ലെ മൂന്ന് സംസ്ഥാന അവാര്‍ഡുകള്‍ ലഭിച്ചിരുന്നു. സംവിധായകനുള്ള സ്പെഷ്യല്‍ ജൂറി പുരസ്കാരം ഡോ.ബിജുവിനും മികച്ച ഛായാഗ്രാഹകനായി എം.ജി രാധാകൃഷ്ണനും, കളര്‍ പ്രോസസിങ്ങിനു ജെമിനിലാബിനും ലഭിച്ചു. ഒരു ദ്വീപില്‍ ജീവിക്കുന്ന കുറച്ച് ആളുകളും അവിടെ എത്തിപ്പെടുന്ന കള്ളന്റേയും കഥയാണ് ആകാശത്തിലെ നിറത്തിലെ പ്രമേയം.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

അബുദാബി അന്താരാഷ്ട്ര ചലച്ചിത്രോത്സവം : മമ്മൂട്ടി അതിഥിയായി എത്തി

October 13th, 2012

mammootty-in-abudhabi-film-fest-2012-ePathram
അബുദാബി : അബുദാബി യിലെ അന്താരാഷ്ട്ര ചലച്ചിത്രോത്സവം ‘അബുദാബി ഫിലിം ഫെസ്റ്റ് 2012 ‘ എമിറേറ്റ് പാലസ് ഹോട്ടലില്‍ ആരംഭിച്ചു. മലയാള ത്തിന്റെ അഭിമാന താരം മമ്മൂട്ടി അടക്കം ലോക ത്തിലെ വിവിധ രാജ്യങ്ങളില്‍ നിന്നുള്ള ചലച്ചിത്ര പ്രതിഭകള്‍ സന്നിഹിതരായ ചടങ്ങില്‍ വെച്ച് യു. എ. ഇ. ഉന്നത വിദ്യാഭ്യാസ ശാസ്ത്ര സാങ്കേതിക വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ ചലച്ചിത്ര മേള ഉദ്ഘാടനം ചെയ്തു.

logo-of-abudhabi-film-fest-2012-ePathram

അര്‍ജന്റീന, അള്‍ജീരിയ,അയര്‍ലന്‍ഡ്, അഫ്ഗാനിസ്ഥാന്‍, ആസ്‌ത്രേലിയ, ഇന്ത്യ, ഇറാന്‍, ഇറ്റലി, ബഹ്‌റൈന്‍, ബല്‍ജിയം, ബ്രസീല്‍, കാനഡ, ചിലി, ചൈന, ക്രൊയേഷ്യ, ഡന്‍മാര്‍ക്ക്, ഈജിപ്ത്, ഫ്രാന്‍സ്, ജോര്‍ജിയ, ജര്‍മനി, ഗ്രീസ്, ജപ്പാന്‍, ജോര്‍ദാന്‍, കെനിയ, കൊസോവ, കുവൈത്ത്, ലബനന്‍, മലേഷ്യ, മൊറോക്കോ, പാകിസ്താന്‍, പലസ്തീന്‍, പോര്‍ച്ചുഗല്‍, ഖത്തര്‍, റഷ്യ, സൗദി അറേബ്യ, സ്ലോവേനിയ, സൗത്ത് കൊറിയ, സ്‌പെയിന്‍, സ്വീഡന്‍, സ്വിറ്റ്‌സര്‍ലന്‍ഡ്, സിറിയ, ടുണീഷ്യ, തുര്‍ക്കി, അമേരിക്ക, ബ്രിട്ടന്‍, യു. എ. ഇ. തുടങ്ങിയ 48 രാജ്യ ങ്ങളില്‍ നിന്നായി 81 ഫീച്ചര്‍ ഫിലിമുകളും 84 ഷോര്‍ട്ട് ഫിലിമുകളുമാണ് 10 ദിവസത്തെ മേളയില്‍ പ്രദര്‍ശിപ്പിക്കുക.

- pma

വായിക്കുക: , , ,

അഭിപ്രായം എഴുതുക »

പ്രാഞ്ചിയേട്ടന്‍ കോപ്പിയടിയാണെന്ന ആരോപണത്തിനെതിരെ രഞ്ജിത്

July 30th, 2012

director-ranjith-epathram

പ്രാഞ്ചിയേട്ടന്‍ ആന്റ് സെയ്ന്റ് എന്ന ചിത്രം ഫ്രഞ്ച് – ഇറ്റാലിയന്‍ ചിത്രത്തിന്റെ കോപ്പിയടി ആണെന്ന ആരോപണത്തിനെതിരെ സംവിധായകനും തിരക്കഥാകൃത്തുമായ രഞ്ജിത്ത് രംഗത്തെത്തി. ആരോപണം ഉന്നയിച്ചവര്‍ തന്നെ അത് തെളിയിക്കണമെന്ന് അദ്ദേഹം ആവശ്യപ്പെട്ടു. 1952-ല്‍ ഇറങ്ങിയ ‘ലെ പെറ്ററ്റ് മോണ്ടെ ഡി ഡോണ്‍ കാമിലോ‘ എന്ന ചിത്രത്തിന്റെ കോപ്പിയടിയാണ് പ്രാഞ്ചിയേട്ടന്‍ എന്ന് ഒരു പ്രമുഖ പത്രം വാര്‍ത്ത നല്‍കിയിരുന്നു. പ്രസ്തുത ചിത്രവും പ്രാഞ്ചിയേട്ടനും ഒരുമിച്ച് പ്രദര്‍ശിപ്പിക്കുവാന്‍ തയ്യാറാണെന്നും വാര്‍ത്ത പ്രസിദ്ധീകരിച്ച പത്രത്തോട് തിരുത്ത് പ്രസിദ്ധീകരിക്കുവാന്‍ ആവശ്യപ്പെട്ടെങ്കിലും അവര്‍ തയ്യാറാകാത്തതിനാലാണ് പത്ര സമ്മേളനം വിളിച്ചതെന്നും രഞ്ജിത് പറഞ്ഞു. പത്ര സമ്മേളനത്തില്‍ തിരക്കഥാകൃത്തും നടനുമായ ശങ്കര്‍ രാമകൃഷ്ണനും പങ്കെടുത്തു.

കേരളത്തിന്റെ സാമൂഹിക പശ്ചാത്തലത്തില്‍ പ്രാഞ്ചി എന്ന തൃശ്ശൂര്‍കാരന്‍ അരിക്കച്ചവടക്കാരന്റെ ജീവിതത്തിലൂടെ പണക്കാരുടെ പൊങ്ങച്ചങ്ങളും അബദ്ധങ്ങളുമാണ് രഞ്ജിത്ത് അവതരിപ്പിച്ചത്. എന്നാല്‍ കമ്യൂണിസ്റ്റ് കുടുംബത്തിലെ ഒരു യുവാവ് കത്തോലിക്കാ വിശ്വാസിയായ പെണ്‍കുട്ടിയെ പ്രണയിക്കുന്നതാണ് ഫ്രഞ്ച് – ഇറ്റാലിയന്‍ ചിത്രത്തിന്റെ പ്രമേയം. മമ്മൂട്ടി നായകനായ പ്രാഞ്ചിയേട്ടനു നിരവധി അംഗീകാരങ്ങളും ലഭിച്ചിരുന്നു. കഴിഞ്ഞ വര്‍ഷത്തെ സൂപ്പര്‍ ഹിറ്റ് ചിത്രങ്ങളില്‍ ഒന്നായിരുന്നു പ്രാഞ്ചിയേട്ടൻ.

- എസ്. കുമാര്‍

വായിക്കുക: , ,

അഭിപ്രായം എഴുതുക »

ആകാശത്തിന്റെ നിറം തീയേറ്ററുകളിലേക്ക്

July 18th, 2012
aakashathinte niram-epathram
രാജ്യാന്തര മേളകളില്‍ ഏറെ ശ്രദ്ധിക്കപ്പെട്ട ആകാശത്തിന്റെ നിറം എന്ന മലയാള ചിത്രം തീയേറ്ററുകളിലേക്ക്. പൃഥ്‌വി രാജ് നായകനാകുന്ന ചിത്രം ഡോ.ബിജുവാണ് സംവിധാനം ചെയ്തത്. അമല പോളാണ് ചിത്രത്തില്‍ നായിക.  ഇന്ദ്രജിത്തും, നെടുമുടി വേണുവും അഭിനയിച്ചിട്ടുണ്ട്. പൂര്‍ണ്ണമായും ആന്റമാനില്‍ ചിത്രീകരിച്ചിരിക്കുന്ന ആകാശത്തിന്റെ നിറം വെള്ളിയാഴ്ചയാണ് റിലീസ് ചെയ്യുന്നത്. ആന്റമാനിലെ ഒരു സങ്കല്പ ദ്വീപില്‍ കഴിയുന്നവര്‍ക്കിടയിലേക്ക് മറ്റൊരു ഇടത്തുനിന്നും എത്തിപ്പെടുന്ന മോഷ്ടാവും അവരുടെ ജീവിതവുമാണ് ചിത്രത്തിന്റെ ഇതിവൃത്തം. വളരെ കുറച്ച് കഥാപാത്രങ്ങളാണ് ചിത്രത്തില്‍ ഉള്ളത്. ഷാങ്ങ്ഹായ് രാജ്യാന്തര ചലച്ചിത്ര മേളയില്‍ മത്സരവിഭാഗത്തില്‍ ഏഷ്യയില്‍ നിന്നുമുള്ള ഏക ചിത്രമായിരുന്നു ആകാശത്തിന്റെ നിറം.
ആന്‍്റ്റമാന്‍ ദ്വീപിന്റെ സൌന്ദര്യത്തെ തെല്ലും വിട്ടുകളയാതെ സെല്ലുലോയിഡിലേക്ക് പകര്‍ത്തിയത് എം.ജെ. രാധാകൃഷ്ണന്‍ ആണ് ‍. ഓ.എന്‍.വി. രവീന്ദ്ര ജെയിന്‍ കൂട്ടു കെട്ടാണ് സംഗീതം.സന്തോഷ് രാമന്‍ കലാസംവിധാനം ചെയ്തിരിക്കുന്നു. പൂര്‍ണ്ണമായും ആന്റമാനില്‍ ചിത്രീകരിച്ച ആദ്യ ഇന്ത്യന്‍ സിനിമകൂടിയാണ് ആകാശത്തിന്റെ നിറം.

- ലിജി അരുണ്‍

വായിക്കുക: ,

Comments Off on ആകാശത്തിന്റെ നിറം തീയേറ്ററുകളിലേക്ക്

2 of 12123...10...Last »

« Previous Page« Previous « പത്മശ്രീ മോഹന്‍‌ലാല്‍ ആനക്കൊമ്പ് സൂക്ഷിച്ചത് നിയമ ലംഘനമെന്ന് ഡി. എഫ്. ഒ.
Next »Next Page » സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചു : ഇന്ത്യന്‍ റുപ്പി മികച്ച ചിത്രം »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine