ന്യൂഡല്‍ഹി: വിവാദമായ തെഹല്‍ക അഴിമതി ക്കേസില്‍ ബി. ജെ. പി. മുന്‍ അധ്യക്ഷന്‍ ബംഗാരു ലക്ഷ്‌മണ്‍ കുറ്റക്കാരനാണെന്ന്‌ കോടതി കണ്ടെത്തി. ഏഴ് വര്‍ഷം വരെ തടവു ശിക്ഷ ലഭിച്ചേക്കുമെന്നാണ് സൂചന. ശിക്ഷ ശനിയാഴ്ച പ്രഖ്യാപിക്കും. ലക്ഷ്‌മണിനെ അറസ്റ്റ് ചെയ്തു റിമാന്‍ഡ്‌ ചെയ്തിട്ടുണ്ട്. 2001-ലാണ്‌ ഏവരെയും ഞെട്ടിച്ചു കൊണ്ട് തെഹെല്ക്ക ഒളി ക്യാമറ വെച്ച് ഷൂട്ട് ചെയ്ത ദൃശ്യങ്ങള്‍ പുറത്ത് വിട്ടത്‌. യു. കെ. ആസ്‌ഥാനമായ ആയുധ കമ്പനിയുടെ ഏജന്റുമാര്‍ ചമഞ്ഞ് എത്തിയ തെഹല്‍ഹ ചാനലിന്റെ പ്രതിനിധികളില്‍ നിന്ന് ലക്ഷ്‌മണ്‍ കൈക്കൂലി വാങ്ങുന്ന ദൃശ്യത്തില്‍ ആയുധ ഇടപാടിന്‌ അനുകൂല നിലപാട്‌ സ്വീകരിക്കാമെന്ന് ലക്ഷ്‌മണ്‍ ഇവര്‍ക്കു വാഗ്‌ദാനം നല്‍കുന്നുണ്ട്.
- ന്യൂസ് ഡെസ്ക്
അനുബന്ധ വാര്‍ത്തകള്‍
വായിക്കുക: അഴിമതി, ഇന്ത്യന്‍ രാഷ്ട്രീയം, കോടതി
