ന്യൂഡെല്ഹി: എയര് ഹോസ്റ്റസായിരുന്ന ഗീതിക ശര്മയുടെ ആത്മഹത്യയുമായി ബന്ധപ്പെട്ട് മുന് ഹരിയാന മന്ത്രി ഗോപാാല് ഗോയല് കന്ദയെ പോലീസ് അറസ്റ്റ് ചെയ്തു. ഗീതികയുടെ ആത്മഹത്യയെ തുടര്ന്ന് ഒളിവില് കഴിഞ്ഞു വരികയായിരുന്ന കന്ദയെ ഡെല്ഹിയിലെ അശോക് വിഹാര് പോലീസ് സ്റ്റേഷനു സമീപം വച്ചാണ് പിടികൂടിയത്. ഗീതികയുടെ മരണവുമായി ബന്ധപ്പെട്ട് മുന്കൂര് ജാമ്യാപേക്ഷ നല്കിയെങ്കിലും ദില്ലി ഹൈക്കോടതി അത് നിരസിക്കുകയായിരുന്നു. കന്ദയുടെ ഉടമസ്ഥതയിലുള്ള എം.ഡി.എല്.ആര് എയര് ലൈന്സിലെ എയര് ഹോസ്റ്റസായിരുന്നു ഗീതിക ശര്മ്മ. കഴിഞ്ഞ അഞ്ചാം തിയതിയാണ് ഇവര് ആതമഹത്യ ചെയ്തത്. ഗീതികയുടെ ആത്മഹത്യാ കുറിപ്പില് കന്ദയുടെയും അദ്ദേഹത്തിനെ ജീവനക്കാരി അരുണ ചാന്ദയുടേയും പീഢനമാണ് ആത്മഹത്യക്ക് കാരണമെന്ന് സൂചിപ്പിച്ചിരുന്നു.