ചെന്നൈ : പ്രമുഖ ഛായാഗ്രാഹ കനും സംവിധായ കനുമായ ബാലു മഹേന്ദ്ര (74) അന്തരിച്ചു.
രണ്ടു ദിവസം മുമ്പ് ഹൃദയാഘാതത്തെ തുടര്‍ന്നാണ് അദ്ദേഹത്തെ വിജയാ ആശുപത്രി യില്‍ പ്രവേശിപ്പിച്ചത്. ഇന്ന് രാവിലെ രോഗം മൂര്‍ച്ഛിക്കുകയും മരണം സംഭവി ക്കുക യുമായിരുന്നു.
രാമു കാര്യാട്ട് സംവിധാനം ചെയ്ത നെല്ല് എന്ന സിനിമ യുടെ ക്യാമറ കൈകാര്യം ചെയ്ത്1971 ലാണ് ബാലു മഹേന്ദ്ര സിനിമയില്‍ എത്തുന്നത്.
തുടര്‍ന്ന് മലയാളം, തമിഴ്, കന്നട ഭാഷ കളിലായി നിരവധി സിനിമ കളുടെ ഛായാഗ്രാഹ കനായി പ്രവര്‍ത്തിച്ചു.
ആദ്യം സംവിധാനം ചെയ്തത് കന്നട യിലുള്ള ‘കോകില’ എന്ന സിനിമ യായിരുന്നു. ഇതിന്റെ ക്യാമറ കൈകാര്യം ചെയ്തതും ബാലു മഹേന്ദ്ര ആയിരുന്നു. ഈ ചിത്രം 1977- ല്‍ മികച്ച ഛായാ ഗ്രാഹ കനുള്ള ദേശീയ പുരസ്‌കാരം നേടുകയും ചെയ്തു.
1982 ല്‍ റിലീസ് ചെയ്ത ‘ഓളങ്ങള്‍’ എന്ന സിനിമ യാണ് മലയാള ത്തില്‍ സംവിധാനം ചെയ്ത ആദ്യ ചിത്രം. ഹിന്ദി സിനിമ യിലെ പ്രമുഖ നടന്‍ അമോല്‍ പാലേക്കര്‍ നായക വേഷ ത്തില്‍ എത്തിയ ഈ സിനിമ യില്‍ പൂര്‍ണ്ണിമാ ജയറാം, അംബിക എന്നിവ രായിരുന്നു നായികമാര്‍.
തുടര്‍ന്ന്, തമിഴ് നാടക വേദി യിലെ പ്രമുഖ നടനായ വൈ. ജി. മഹേന്ദ്രന്‍ നായകനും പൂര്‍ണ്ണിമാ ജയറാം, അരുണ എന്നിവരെ നായിക മാരാക്കി ‘ഊമക്കുയില്‍’, മമ്മൂട്ടി, ശോഭന ടീം അഭിനയിച്ച ‘യാത്ര’ എന്നീ ചിത്ര ങ്ങള്‍ മലയാള ത്തില്‍ ഒരുക്കി.
1982 ല്‍ കമല്‍ ഹാസന്‍, ശ്രീദേവി, സില്‍ക്ക് സ്മിത എന്നിവര്‍ പ്രധാന വേഷങ്ങള്‍ ചെയ്ത തമിഴ് സിനിമ യായ ‘മൂന്നാംപിറ’ യിലൂടെ മികച്ച ഛായാ ഗ്രാഹ കനുള്ള ദേശീയ പുരസ്‌കാരം രണ്ടാമതും നേടി.
ഈ ചിത്രം പിന്നീട് ഇതേ ടീമിനെ വെച്ച് ‘സദ്മ’ എന്ന പേരില്‍ ഹിന്ദി യില്‍ റിമേക്ക് ചെയ്തു. ഇതിലൂടെ യാണ് ശ്രീദേവി, സില്‍ക്ക് സ്മിത എന്നിവര്‍ ബോളിവൂഡിലും സജീവ മായത്.
‘നെല്ല്’ എന്ന ചിത്രത്തിലെ ക്യാമറ വര്‍ക്കിനും ‘പ്രയാണം’,’ചുവന്ന സന്ധ്യകള്‍’ എന്നീ ചിത്രങ്ങളി ലൂടെ യും മികച്ച ഛായാ ഗ്രാഹ കനുള്ള കേരള സംസ്ഥാന ചലച്ചിത്ര പുരസ്കാരങ്ങള് ബാലു മഹേന്ദ്ര ക്കു ലഭിച്ചു. കൂടാതെ നിരവധി പുരസ്കാരങ്ങള് അദ്ദേഹത്തെ തേടി എത്തി.
1988 ല്‍ സംവിധാനം ചെയ്ത ‘വീട്’ എന്ന സിനിമ ഏറ്റവും മികച്ച തമിഴ് സിനിമ യ്ക്കുള്ള ദേശീയ പുരസ്‌കാരം നേടി. 1989 ല്‍ ‘സന്ധ്യാ രാഗം’ ഏറ്റവും മികച്ച കുടുംബ ചിത്ര ത്തിനുള്ള ദേശീയ പുരസ്‌കാരവും 1992 ല്‍ ‘വര്‍ണ്ണ വര്‍ണ്ണ പൂക്കള്‍’ ഏറ്റവും മികച്ച തമിഴ് സിനിമ യ്ക്കുള്ള ദേശീയ പുരസ്‌കാരവും കരസ്ഥമാക്കി.
അഴിയാത കോലങ്ങള്‍, മൂടുപനി, നീങ്കള്‍ കെട്ടവൈ, ഉന്‍ കണ്ണില്‍ നീര്‍ വഴിന്താല്‍, രെട്ടൈ വാല്‍ കുരുവി, മറുപടിയും, സതി ലീലാ വതി, രാമന്‍ അബ്ദുള്ള, ജൂലി ഗണപതി, അത് ഒരു കനാ ക്കാലം, തലൈമുറകള്‍ എന്നിവ യാണ് ബാലു മഹേന്ദ്ര ഒരുക്കിയ മറ്റു ചിത്രങ്ങള്‍.
- pma
അനുബന്ധ വാര്‍ത്തകള്‍
വായിക്കുക: filmmakers, obituary, tamil
