വേശ്യാലയങ്ങളെ കുറിച്ചും ഫ്രീ സെക്സിനെ കുറിച്ചും താന്‍ നടത്തിയതായി പ്രചരിക്കുന്ന പരാമര്‍ശങ്ങള്‍ വളച്ചൊടിച്ചതാണെന്ന് നടി നവ്യാ നായര്‍.സ്ത്രീ പീഡനങ്ങള്‍ തടയുവാന്‍ വേശ്യാലയങ്ങള്‍ വരണമെന്ന് താന്‍ പറഞ്ഞതായുള്ള വാര്‍ത്തകള്‍ താരം നിഷേധിച്ചു. തന്റെ ഫേസ് ബുക്ക് പേജിലാണ് നവ്യയുടെ പ്രതികരണം. ‘നമ്മുടെ നാട്ടില്‍ സ്ത്രീ പീഡനങ്ങള്‍ പെരുകി വരുന്നു. പ്രതികള്‍ക്ക് തക്കതായ ശിക്ഷ ലഭിക്കുന്നുമില്ല. ചിലര്‍ പറയുന്നു വേശ്യാലയങ്ങള്‍ വന്നാല്‍ ഇതിന് മാറ്റം വരുമെന്ന്. നമ്മുടെ ഗവണ്‍മെന്റ് ഇതിനെകുറിച്ച് ആലോചിച്ച് വിദഗ്ധ അഭിപ്രായം തേടി, നമ്മുടെ സംസ്‌കാരത്തിനും സാഹചര്യത്തിനും ചേരുന്നു എങ്കില്‍ അങ്ങനെ ഒരു തീരുമാനം എടുക്കുക.‘ഇതാണ് താന്‍ പറഞ്ഞത്.
സ്ത്രീകളുടെ വസ്ത്ര ധാരണം അതോരോരുത്തരുടേയും സ്വാതന്ത്രമാണെന്നും എങ്കിലും സാഹചര്യത്തിനും ശരീരത്തിനും യോജിച്ച വസ്ത്രം ധരിക്കുക എന്നതാണ് താന്‍ കരുതുന്നതെന്നും നവ്യ പറഞ്ഞു. സ്ത്രീ പീഡന പരമ്പര ഇല്ലാതാകണം അത് എന്തു തന്നെ ചെയ്തിട്ടാണെങ്കിലും, ആ ചിന്തയില്‍ എല്ലാവരും, നമ്മുടെ ഗവണ്മെന്റും ജാഗരൂകരാവണം. ഇതു മാത്രമാണ് ഞാന്‍ പറയാന്‍ ശ്രമിച്ചത്.
ഒരു വിവാദത്തിനും താല്പര്യമില്ല എന്ന് പറയുന്ന താരം തന്റെ പരാമര്‍ശങ്ങള്‍ ആരെ എങ്കിലും വിഷമിപ്പിച്ചു എങ്കില്‍ സദയം ക്ഷമിക്കുവാനും അഭ്യര്‍ഥിക്കുന്നുണ്ട്. നവ്യയുടെ അഭിപ്രായമെന്ന രീതിയില്‍ പ്രചരിച്ച വാര്‍ത്ത സോഷ്യല്‍ മീഡിയയില്‍ വലിയ ചര്‍ച്ചക്ക് വഴി വെച്ചിരുന്നു. പലരും നവ്യക്കെതിരെ കടുത്ത വിമര്‍ശനവുമായി രംഗത്തെത്തി. ഇതേ തുടര്‍ന്നാണ് വിശദീകരണവുമായി നവ്യ രംഗത്തെത്തിയത്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, controversy
