പുരുഷകാമനകളെ ഉണര്‍ത്തി ഇന്ത്യന്‍ തിരശ്ശീലയില്‍ പതിറ്റാണ്ടുകള്‍ നിറഞ്ഞു നിന്ന സില്‍ക്ക് സ്മിത എന്ന നടിയുടെ ജീവിതം ഒരു സിനിമയ്ക്ക് കൂടെ പ്രമേയമായി. ക്ലൈമാക്സ് എന്ന് പേരിട്ടിരിക്കുന്ന ചിത്രം സില്‍ക്കിന്റെ ജീവിതത്തിലെ അറിയപ്പെടാത്ത കഥകളുടെ ആവിഷ്കാരമാണ്. ബോളിവുഡ് താരം സന ഖാനാണ് ചിത്രത്തില്‍ സില്‍ക്കായി അഭിനയിക്കുന്നത്. സുരേഷ് കൃഷ്ണ, ലക്ഷ്മി ശര്‍മ്മ, ബിജുകുട്ടന്‍, ഇ. എ. രാജേന്ദ്രന്‍ തുടങ്ങിയവര്‍ അഭിനയിക്കുന്നു. പി. ജെ. തോമസ് നിര്‍മ്മിക്കുന്ന ചിത്രത്തിനു തിരക്കഥ ഒരുക്കിയിരിക്കുന്നത് കലൂര്‍ ഡെന്നീസാണ്. സംവിധാനം അനില്‍. വയലാര്‍ ശരത് ചന്ദ്ര വര്‍മ്മയും സന്തോഷ് വര്‍മ്മയും ഗാന രചന നിര്‍വ്വഹിച്ചിരിക്കുന്നു. ബേണി ഇഗ്നേഷ്യസാണ് സംഗീതം.
സില്‍ക്ക് സ്മിത എന്ന മാദകത്തിടമ്പിന്റെ ജീവിതവും ആത്മഹത്യയും എക്കാലത്തും ചര്‍ച്ചയായിരുന്നു. വിദ്യാ ബാലന്‍ അഭിനയിച്ച ഡര്‍ട്ടി പിക്ചര്‍ എന്ന ഹിന്ദി ചിത്രം പറഞ്ഞതും സില്‍ക്കിന്റെ ജീവിതത്തോട് സാമ്യമുള്ള കഥയായിരുന്നു. ചിത്രത്തിലെ അഭിനയത്തിന് വിദ്യാ ബാലനു നിരവധി പുരസ്കാരങ്ങള്‍ ലഭിച്ചിരുന്നു. അംഗീകാരങ്ങള്‍ക്കൊപ്പം ഒട്ടേറെ വിവാദങ്ങള്‍ക്കും ഈ ചിത്രം വഴി വെച്ചിരുന്നു. ബോക്സോഫീസില്‍ വന്‍ ഹിറ്റായിരുന്നു ഡെര്‍ട്ടി പിക്ചര്‍ എന്ന ചിത്രം.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, silk-smitha
