ലോകപ്രശസ്ത നീലച്ചിത്ര നായിക സണ്ണി ലിയോണ്‍ ബോളീവുഡ്ഡില്‍ ചുവടുറപ്പിക്കുന്നു. ജിസം-2 എന്ന ചിത്രത്തിലെ സണ്ണിയുടെ ചൂടന്‍ രംഗങ്ങള്‍ ബോളീവുഡ്ഡ് ഏറെ ആഘോഷിച്ചിരുന്നു. ഇപ്പോള്‍ വെല്‍ക്കം-2 എന്ന ചിത്രത്തില്‍ മല്ലിക ഷെറാവത്തിനു പകരം സണ്ണി ലിയോണ്‍ ആണ് അഭിനയിക്കുന്നത്. ചിത്രത്തിന്റെ ആദ്യ ഭാഗത്ത് മല്ലികയായിരുന്നു നായിക. എന്നാല്‍ രണ്ടാം ഭാഗത്തില്‍ മല്ലികയെ ഒഴിവാക്കി. നാന പടേക്കര്‍, അനില്‍ കപൂര്‍ എന്നിവരുടെ കാമുകി വേഷമാണ് സണ്ണി അവതരിപ്പിക്കുന്നത്.
ഗ്ലാമറിന്റെ കാര്യത്തില്‍ ഏതറ്റം വരെ പോകുവാനും തനിക്ക് മടിയില്ലെന്ന് സണ്ണി ലിയോണ്‍ പല തവണ തെളിയിച്ചിട്ടുള്ളതാണ്. സണ്ണി അഭിനയിച്ച പോണ്‍ ചിത്രങ്ങള്‍ക്ക് വന്‍ ഡിമാന്റാണ്. സണ്ണിയുടെ ഗ്ലാമര്‍ പരമാവധി വിറ്റു കാശാക്കുക എന്നതു തന്നെയാണ് ചിത്രത്തിന്റെ അണിയറ പ്രവര്‍ത്തകരും ലക്ഷമിടുന്നത്. ജിസം-2 വന്‍ വിജയമായതിന്റെ രഹസ്യം സണ്ണിയുടെ ഗ്ലാമര്‍ പ്രദര്‍ശനം തന്നെയായിരുന്നു.
അടുത്തയിടെ ഇന്ത്യയിലെ പത്ത് ചൂടന്‍ സുന്ദരിമാരുടെ കണക്കെടുത്തപ്പോള്‍ ഐശ്വര്യ റായിയെ പിന്തള്ളി സണ്ണി ലിയോണ്‍ സ്ഥാനം പിടിച്ചിരുന്നു. ഒരു പ്രമുഖ ഇംഗ്ലീഷ് പത്രമാണ് സര്‍വ്വേ നടത്തിയത്. ദീപിക പദുകോണ്‍ ഒന്നാമതും കത്രീന കൈഫ് രണ്ടാമതും കരീന കപൂര്‍ മൂന്നാമത്തെ സ്ഥാനവും ഈ ലിസ്റ്റില്‍ കൈവശപ്പെടുത്തി.
- എസ്. കുമാര്‍
