ഇന്ദ്രജിത്ത് സുകുമാരന്‍ നായകനാകുന്ന വി.കെ.പ്രകാശിന്റെ പുതിയ ചിത്രത്തിന്റെ പേരാണ് അ.കു.പു. അസൂയ കുശുമ്പ് പുച്ഛം എന്നീ മൂന്ന് കാര്യങ്ങളുടെ
ചുരുക്കമാണ് അ.കു.പു. പേരിലെ ഈ വ്യത്യസ്ഥത ചിത്രത്തിന്റെ ട്രീറ്റ്മെന്റിലും ഉണ്ടാകും എന്നാണ് അണിയറക്കാര്‍ പറയുന്നത്. ഐ.എ.എസ്
ഓഫീസര്‍മാരായ കെ.അമ്പാടി, എന്‍.പ്രകാശ് എന്നിവരാണ് ചിത്രത്തിന്റെ തിരക്കഥയൊരുക്കുന്നത്. സമകാലിക കേരളീയ അന്തരീക്ഷത്തില്‍ നിന്നു കൊണ്ട്
നര്‍മ്മത്തില്‍ പൊതിഞ്ഞ സാമൂഹിക രാഷ്ടീയ വിമര്‍ശനമാണ് ഈ ചിത്രത്തിന്റെ പ്രമേയം. പഞ്ചവടിപ്പാലം, സന്ദേശം എന്നീ ചിത്രങ്ങള്‍ ഇത്തരത്തില്‍
ശക്തമായ സാമൂഹിക രാഷ്ടീയ വിമര്‍ശനം കൈകാര്യം ചെയ്ത ചിത്രങ്ങളായിരുന്നു. സന്ദേശം എന്ന ചിത്രത്തില്‍ പാര്‍ട്ടി എന്തു കൊണ്ട് തോറ്റു എന്ന്
ചോദിക്കുന്ന അനുഭാവിയോട് താത്വിക ആചാര്യന്‍ നല്‍കുന്ന മറുപടി ഇപ്പോളും ചിരിക്കും ചിന്തക്കും വക നല്‍കുന്നുണ്ട്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: filmmakers, politics
