മലയാള സിനിമയില്‍ ഇത് പഴയ സൂപ്പര്‍ ഹിറ്റുകളുടെ പുനരാവിഷ്കാരങ്ങളുടെ കാലം. ‘നീലത്താമര’, ‘രതിനിര്‍വ്വേദം’ തുടങ്ങിയ ചിത്രങ്ങള്‍ പുനരാവിഷ്കരിച്ചതിന്റെ പുറകെ ‘അവളുടെ രാവുകളും’ പുതിയ രൂപത്തില്‍ വരുന്നു. പ്രിഥ്വിരാജ് നായകനാകും എന്ന് വാര്‍ത്തകളുണ്ട്. പ്രിഥ്വിയുടെ പിതാവും പ്രശസ്ത നടനുമായിരുന്ന സുകുമാരനും സീമയും നായികാ നായകന്മാരായി അഭിനയിച്ച് ഐ. വി. ശശി സംവിധാനം ചെയ്ത ‘അവളുടെ രാവുകള്‍’ സൂപ്പര്‍ ഹിറ്റായിരുന്നു. 1978ല്‍ ഇറങ്ങിയ ഈ ചിത്രത്തില്‍ അശ്ലീലത്തിന്റെ അതിപ്രസരം ഉണ്ടെന്ന പേരില്‍ ഏറെ വിവാദം സൃഷ്ടിച്ചിരുന്നു. ആലപ്പി ഷറീഫ് ആയിരുന്നു ചിത്രത്തിന് തിരക്കഥ ഒരുക്കിയത്. കാലഘട്ടത്തി നനുസരിച്ച് ചെറിയ മാറ്റങ്ങളോടെ ആയിരിക്കും ചിത്രം ഒരുക്കുക എന്ന് അറിയുന്നു.
ഒരു കാലത്ത് സൂപ്പര്‍ സംവിധായ കനായിരുന്ന ഐ. വി. ശശി പക്ഷെ തുടരെ തുടരെ ഉള്ള പരാജയങ്ങളെ തുടര്‍ന്ന് കുറച്ചു കാലമായി സംവിധാന രംഗത്ത് സജീവമല്ലായിരുന്നു. പുതിയ രൂപത്തില്‍ ‘അവളുടെ രാവുകള്‍’ ഒരുക്കുക ഐ. വി. ശശി തന്നെയായിരിക്കും. ലിബര്‍ട്ടി ബഷീര്‍ നിര്‍മ്മിക്കുന്ന ചിത്രത്തിലെ നായികയെ ഇനിയും തീരുമാനിച്ചിട്ടില്ല.
-
അനുബന്ധ വാര്‍ത്തകള്‍
വായിക്കുക: actress, controversy
