കത്രീനയ്ക്കും ഹുമാ ഖുറൈഷിക്കും പുറകെ ഇനി ദീപിക പദുക്കോണും മലയാള സിനിമയിലേക്ക്. കഴിഞ്ഞ ദിവസം കൊച്ചിയിൽ ഒരു പരസ്യ കമ്പനിയുടെ പരിപാടിയിൽ പങ്കെടുക്കവെ പത്രക്കാരുടെ ചോദ്യങ്ങൾക്ക് മറുപടിയായാണ് ഹിന്ദിയിലെ തിരക്കേടിയ നടിയായ ദീപിക തന്റെ മനസ്സ് തുറന്നത്. കഥാപാത്രവും തിരക്കഥയും മികച്ചതാണെങ്കിൽ പ്രതിഫലം നോക്കാതെ മലയാളത്തിൽ അഭിനയിക്കാൻ താൻ ഒരുക്കമാണ്. താൻ സ്ഥിരമായി മലയാളം ചിത്രങ്ങൾ കാണാറുണ്ട്. താൻ ബാഗ്ലൂർ ഡെയ്സ് കണ്ട കാര്യവും നടി വെളിപ്പെടുത്തുകയുണ്ടായി. മറ്റ് ഹിന്ദി നടികളെ അഭിനയിപ്പിക്കാൻ മലയാള സിനിമയ്ക്ക് ആയെങ്കിൽ എന്തു കൊണ്ട് തനിക്കും ഇതായിക്കൂടാ എന്നായിരുന്നു താരത്തിന്റെ ചോദ്യം. ബൽ റാം വേഴ്സസ് താരാദാസ് എന്ന മമ്മുട്ടി ചിത്രത്തിലൂടെ കത്രീന കയ്ഫും മറ്റൊരു മമ്മുട്ടി ചിത്രമായ വറ്റിലൂടെ ഹുമാ ഖുറൈഷിയും മലയാള സിനിമയിൽ അഭിനയിച്ചിട്ടുണ്ട്.
- ജെ.എസ്.
അനുബന്ധ വാര്‍ത്തകള്‍
വായിക്കുക: actress, bollywood, deepika-padukone
