ന്യൂജേഴ്സി:പ്രശസ്ത തെന്നിന്ത്യന്‍ നായിക ആരതി അഗര്‍വാള്‍(31) അമേരിക്കയില്‍ അന്തരിച്ചു. ശരീരത്തിലെ കൊഴുപ്പ് കുറയ്ക്കുവാന്‍ നടത്തിയ ശസ്ത്രക്രിയയില്‍ വന്ന പിഴവാണ് മരണ കാരണെമെന്ന് പറയപ്പെടുന്നു. ആരതിയ്ക്ക് ശ്വാസകോശ സംബന്ധമായ അസുഖം ഉണ്ടായിരുന്നു. നെഞ്ചു വേദനയെ തുടര്‍ന്ന് ആശുപത്രിയില്‍ എത്തിച്ചെങ്കിലും അപ്പോഴേക്കും ഹൃദയ സ്തംഭനം മൂലം മരണം സംഭവിച്ചതായി സ്ഥിതീകരിക്കാത്ത റിപ്പോര്‍ട്ടുണ്ട്. അമേരിക്കയിലെ ന്യൂജേഴ്സിയില്‍ ബാങ്ക് ഉദ്യോഗസ്ഥനായ ഉജ്ജ്വല്‍ കുമാറാണ് ആരതിയുടെ ഭര്‍ത്താവ്. നടി അദിതി അഗര്‍വാള്‍ സഹോദരിയാണ്.
അമേരിക്കയിലെ ന്യൂജേഴ്സിയില്‍ ജനിച്ച ആരതി അഗര്‍വാളിനെ ബോളിവുഡ് നടന്‍ സുനില്‍ ഷെട്ടിയാണ് സിനിമാലോകത്തേക്ക് കൊണ്ടുവന്നത്. പാഗല്‍പ്പന്‍ ആണ് ആദ്യചിത്രം. തുടര്‍ന്ന് തെലുങ്കില്‍ വെങ്കിടേഷ്, ചിരഞ്ജീവി, നാഗാര്‍ജ്ജുന, ജൂനിയര്‍ എന്‍‌ടിആര്‍ എന്നിവരുടെ നായികയായി അഭിനയിച്ചു.
- എസ്. കുമാര്‍
