കൂത്താട്ടുകുളം: യുവ നടി ധന്യ മേരി വര്‍ഗ്ഗീസ് വിവാഹിതയാകുന്നു. നര്‍ത്തകനും നിര്‍മ്മാണ കമ്പനി ഉടമയുമായ തിരുവനന്തപുരം സ്വദേശി ജോണ്‍ ആണ് വരന്‍. ഇവരുടെ വിവാഹ നിശ്ചയം തിങ്കളാഴ്ച കൂത്താട്ടുകുളം കണ്‍‌വെന്‍ഷന്‍ സെന്ററില്‍ വെച്ച് നടന്നു. ചടങ്ങില്‍ ചലച്ചിത്ര താരങ്ങളായ രമ്യ നമ്പീശന്‍, സരയു, അശ്വതി, മധുപാല്‍, ലാലു അലക്സ് തുടങ്ങിയവര്‍ പങ്കെടുത്തു. ജനുവരി ഒമ്പതിനു തിരുവനന്തപുരം സി. എസ്. ഐ പള്ളിയില്‍ വച്ചായിരിക്കും വിവാഹം.
ഇടയാര്‍ വെട്ടിക്കപ്പറമ്പില്‍ വര്‍ഗ്ഗീസിന്റേയും ഷീബയുടേയും മകളായ ധന്യ തിരുടി എന്ന ചിത്രത്തിലൂടെയാണ് സിനിമയിലേക്ക് വരുന്നത്. തലപ്പാവ്, വ് വൈരം എന്നീ ചിത്രങ്ങളിലെ അഭിനയം ഏറെ ശ്രദ്ധിക്കപ്പെട്ടു. മമ്മൂട്ടി നായകനായ ദ്രോണ, മോഹന്‍ ലാല്‍ ചിത്രമായ റെഡ് ചില്ലീസ് എന്നിവ കൂടാതെ കേരള കഫേ , നന്മ തുടങ്ങി നിരവധി ചിത്രങ്ങളില്‍ ധന്യ അഭിനയിച്ചിട്ടുണ്ട്. കണ്ണിമറ്റത്തില്‍ ജേക്കബ് സാംസന്റേയും ലളിതയുടേയും മകനായ ജോണ്‍ ടൂര്‍ണമെന്റ് എന്ന ചിത്രത്തില്‍ അഭിനയിച്ചിട്ടുണ്ട്.
