 |
 |
 |
 |
 |
 |
 |
 |
 |
 |
 |
 |
 |
 |
കൊച്ചി : പ്രമുഖ ചലച്ചിത്ര താരം മീരാ ജാസ്മിന്‍ വിവാഹിത യാകുന്നു. ഫെബ്രുവരി 12ന് തിരുവനന്തപുരം പാളയം എല്‍. എം. എസ്. പള്ളി യില്‍ വെച്ചാണ് വിവാഹം.
ദുബായില്‍ സോഫ്റ്റ്വെയര്‍ എന്‍ജിനീയറായ അനില്‍ ജോണ്‍ ടൈറ്റസ് ആണ് വരന്‍.
ചെന്നൈ ഐ. ഐ. ടി. യില്‍ നിന്ന് കംപ്യൂട്ടര്‍ സയന്‍സില്‍ ബി. ടെക് നേടിയ അനില്‍, നന്ദവനം സ്വദേശി കളായ ടൈറ്റസിന്റെയും സുഗത യുടെയും മകനാണ്. തിരുവല്ല താഴെ യില്‍ പുത്തന്‍വീട്ടില്‍ ജോസഫ് ഫിലിപ്പിന്റെയും ഏലിയാമ്മ യുടെയും മകളാണ് മീരാ ജാസ്മിന്‍.
- pma
വായിക്കുക: actress, meera_jasmine
ന്യൂദല്‍ഹി : ബോളിവുഡ് സൂപ്പര്‍താരം ഋത്വിക് റോഷനും ഭാര്യ സുസന്നെ ഖാനും വേര്‍പിരിയുന്നു.
അഞ്ചു വര്‍ഷ ത്തോളം നീണ്ട പ്രണയ ത്തിനു ശേഷം 2000 ഡിസംബര്‍ 20നാണ് ഇരുവരും വിവാഹിത രായത്. ഋത്വിക്കി ന്‍െറ ആദ്യ സിനിമ ‘കഹോ നാ പ്യാര്‍ ഹെ’ റിലീസായ തിന് തൊട്ടു പിന്നാലെ ആയിരുന്നു വിവാഹം. മുന്‍കാല നടന്‍ സഞ്ജയ് ഖാന്‍െറ മകളാണ് സുസന്നെ. ഈ ബന്ധത്തില്‍ റേഹാന്‍, റിദാന്‍ എന്നീ ആണ്‍മക്കളുണ്ട്.
‘ഞാനുമായുള്ള ബന്ധം പിരിയാന്‍ സുസന്നെ തീരുമാനിച്ചിരിക്കുന്നു. കുടുംബ ത്തിനു മുഴുവന്‍ ഇത് ദുര്‍ഘട മായ സമയമാണ്. ഈ സമയ ത്ത് ഞങ്ങളുടെ സ്വകാര്യതയെ മാനിക്കണ മെന്ന് മാധ്യമ ങ്ങളോടും ജന ങ്ങളോടും അഭ്യര്‍ഥിക്കുന്നു’ – വിവാഹ മോചന ത്തെക്കുറിച്ച് ഋത്വിക് റോഷന്‍ പുറത്തിറക്കിയ പത്ര ക്കുറിപ്പിലാണ് ഇക്കാര്യം വ്യക്തമാക്കിയത്.
- pma
വായിക്കുക: actor, bollywood, controversy
പ്രശസ്ത നടന്‍ കമലഹാസന്റെ ഇളയ മകളും നടി ശ്രുതി ഹാസന്റെ അനുജത്തിയുമായ അക്ഷര ഹാസന്‍ ബോളിവുഡില്‍ അരങ്ങേറ്റം കുറിക്കുന്നു.കമലഹാസന്റെ മുന്‍ ഭാര്യ സരികയില്‍ ഉള്ള മകളാണ് അക്ഷര. രജനികാന്തിന്റെ മരുമകനും തമിഴ് സൂപ്പര്‍ സ്റ്റാറുമായ ധനുഷാണ് നായകന്‍. പ്രമുഖ പരസ്യ ചിത്ര സംവിധായകന്‍ ആര്‍.ബാല്‍കിയാണ് ചിത്രം സംവിധാനം ചെയ്യുന്നത്. ഈ ചിത്രത്തില്‍ അമിതാഭ് ബച്ചനും ഒരു പ്രധാന കഥാപാത്രത്തെ അവതരിപ്പിക്കുമെന്നാണ് സൂചന.
ധനുഷിന്റെ രണ്ടാമത്തെ ഹിന്ദി ചിത്രമാണ് ഇത്. നേരത്തെ രാഞ്ജന എന്ന ചിത്രത്തിലൂടെയാണ് ധനുഷ് ബോളിവുഡില്‍ അരങ്ങേറിയത്. ആദ്യം ഷാരൂഖ് ഖാനെ ആയിരുന്നു ചിത്രത്തില്‍ നായകനായി നിശ്ചയിച്ചിരുന്നത്. ഷാരൂഖ് പിന്മാറിയതോടെയാണ് ധനുഷിന് അവസരം ലഭിച്ചത്.
- എസ്. കുമാര്‍
വായിക്കുക: actress, bollywood, filmmakers
കോഴിക്കോട് : ചെറുതെങ്കിലും ശ്രദ്ധിക്കപ്പെട്ട നിരവധി കഥാപാത്ര ങ്ങള്‍ക്കു മലയാള സിനിമ യില്‍ ജീവനേകിയ നടന്‍ അഗസ്റ്റിന്‍ അന്‍പത്തി ആറാം വയസ്സില്‍ തിരശ്ശീല ക്കു പിന്നിലേക്കു മറഞ്ഞു. നൂറിലധികം ചിത്ര ങ്ങളില്‍ അഭിനയിച്ച അദ്ദേഹ ത്തിനു 2009 ല്‍ പക്ഷാഘാതം വന്നതിനെ തുടര്‍ന്ന് ചികിത്സ യില്‍ ആയിരുന്നു.
ഐ. വി. ശശിയുടെ മമ്മൂട്ടി ചിത്രമായ 1921, ഗാന്ധി നഗര്‍ സെക്കന്റ് സ്ട്രീറ്റ്, ദേവാസുരം, ആറാം തമ്പുരാന്‍, രാവണ പ്രഭു, ചന്ദ്രോത്സവം, വല്യേട്ടന്‍, തിരക്കഥ, അലിഭായ്, ചന്ദ്രലേഖ, സദയം, ഉസ്താദ്, കേരള കഫേ, ദാദാ സാഹിബ്, വാമന പുരം ബസ് റൂട്ട്, കാഴ്ച, കൃഷ്ണ ഗുഡി യില്‍ ഒരു പ്രണയ കാലത്ത്, ശ്രീധരന്റെ ഒന്നാം തിരു മുറിവ്, നീലഗിരി, കമ്മീഷണര്‍, ഊട്ടിപ്പട്ടണം, ബല്‍റാം വെഴ്സസ് താരാ ദാസ്, രാഷ്ട്രം, വര്‍ഗം, കഥ പറയുമ്പോള്‍ തുടങ്ങിയ ചിത്ര ങ്ങളിലെ വേഷ ങ്ങള്‍ അഗസ്റ്റിനെ കാണികളുടെ ഇഷ്ട നടനാക്കി.
മമമൂട്ടിയുടെയും മോഹന്‍ലാലിന്റേയും മിക്ക സിനിമ കളിലും അഗസ്റ്റിനു വേഷങ്ങള്‍ ലഭിച്ചിരുന്നു. അസുഖ ബാധിത നായ ശേഷം ഇന്ത്യന്‍ റുപ്പി, ബാവുട്ടി യുടെ നാമ ത്തില്‍, സീന്‍ നമ്പര്‍ ഒന്ന് നമ്മുടെ വീട്, ചേട്ടായീസ്, ഷട്ടര്‍ എന്നിങ്ങനെ പത്തോളം സിനിമ കളില്‍ അഗസ്റ്റിന്‍ അഭിനയിച്ചു. ‘മിഴി രണ്ടിലും’ എന്ന സിനിമ നിര്‍മ്മിക്കുകയും ചെയ്തു.
നാടക ക്കളരി യില്‍ നിന്നുമാണ് അഗസ്റ്റിന്‍ സിനിമാ ലോക ത്തേക്ക് എത്തിച്ചേരുന്നത്. സ്‌കൂള്‍ വിദ്യാഭ്യാസ കാലത്തു തന്നെ നാടക ങ്ങളില്‍ അഭിനയിച്ചു തുടങ്ങി. സുരാസു എഴുതിയ ‘ഉപാസന’ എന്ന നാടക ത്തിലൂടെ അഗസ്റ്റിനിലെ നടനെ അഭിനയ ലോകവും പ്രേക്ഷകരും ശ്രദ്ധിച്ചു തുടങ്ങി.1979 ല്‍ ‘കലോപാസന’ എന്ന പേരില്‍ ഇതേ നാടകം സിനിമ യാക്കി യപ്പോള്‍ അഗസ്റ്റിനും അതില്‍ ഒരു വേഷം ലഭിച്ചു. എന്നാല്‍ ഈ ചിത്രം പ്രദര്‍ശന ത്തിന് എത്തിയില്ല.
കുന്നുമ്പുറത്ത് മാത്യുവിന്‍്റെയും റോസി യുടെയും മകനായി കോടഞ്ചേരി യില്‍ ജനിച്ചു. ഹാന്‍സിയാണ് ഭാര്യ. ലാല്‍ ജോസിന്‍്റെ ‘എല്‍സമ്മ എന്ന ആണ്‍കുട്ടി’ യിലൂടെ നായിക യായി മലയാള സിനിമയില്‍ എത്തിയ ആന്‍ അഗസ്റ്റിന്‍ മകളാണ്.
- pma
വായിക്കുക: actor, obituary, remembrance
അനന്തപുരിയുടെ കണ്ണും മനസ്സും കീഴടക്കിക്കൊണ്ട് ഐസ്വര്യ റായ് ബച്ചനും മഞ്ജുവാര്യരും ചേര്‍ന്ന് കല്യാണ്‍ ജ്വല്ലേഴ്സിന്റെ പുതിയ ഷോറൂം ഉദ്ഘാടനം ചെയ്തു. എം.ജി.റോഡില്‍ താര റാണിമാരെ കാണാന്‍ ആരാധകര്‍ ആവേശത്തോടെ ആര്‍ത്തലച്ചെത്തി. ഐശ്വര്യം വിതറിക്കൊണ്ട് ലോകസുന്ദരിയും മലയാളിത്തം വിളങ്ങുന്ന ഭാവവുമായി മഞ്ജുവും ഒരെ വേദിയിലെത്തിയപ്പോള്‍ നൂറുകണക്കിനു ക്യാമറകള്‍ അതൊപ്പിയെടുക്കുവാനായി മത്സരിച്ചു.പച്ചക്കരയുള്ള കസവു സാരിയില്‍ മഞ്ജു കൂടുതല്‍ സുന്ദരിയായി മാറി. കാറില്‍ വന്നിറങ്ങിയ മഞ്ജുവിനു ചുറ്റും ആരാധകര്‍ തിക്കിത്തിരക്കി. അവരോട് ഏതാനും വാക്കുകള്‍ പറഞ്ഞ് മഞ്ജു ജ്വല്ലറിയുടെ അകത്തേക്ക് പോയി. അല്പം കഴിഞ്ഞപ്പോള്‍ ഐശര്യ റായി എത്തി. ആരാധകര്‍ ഇളകി മറിഞ്ഞു.
ആരാധകര്‍ക്കിടയിലൂടെ അകത്തെക്ക് പോയ ഐശ്വര്യ അല്പ സമയം കഴിഞ്ഞ് മഞ്ജുവിനൊപ്പം തിരിച്ചെത്തി തുടര്‍ന്ന് ഇരുവരും ചേര്‍ന്ന് നാട മുറിച്ച് ഉദ്ഘാടനം നിര്‍വ്വഹിച്ചു. കല്യാണ്‍ ജ്വല്ലേഴ്സ് ചെയര്‍മാന്‍ ആന്റ് മാനേജിങ്ങ് ഡയറക്ടര്‍ ടി.എസ്. കല്യാണ രാമന്‍, മന്ത്രി വി.എസ്.ശിവകുമാര്‍, എസ്.ബി.ടി.മാനേജിങ്ങ് ഡയറക്ടര്‍ സജീവ് കുമാര്‍, രമേഷ് കല്യാണരാമന്‍,രാജേഷ് കല്യാണരാമന്‍ തുടങ്ങിയവര്‍ ചടങ്ങില്‍ സംബന്ധിച്ചു.
- എസ്. കുമാര്‍
വായിക്കുക: actress
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
