കമ്മത്തിലൂടെ ധനുഷ് മലയാളത്തിലേക്ക്

November 7th, 2012

dhanush-epathram

തമിഴ് സൂപ്പര്‍ താരവും സ്റ്റൈല്‍ മന്നന്‍ രജനി കാന്തിന്റെ മരുമകനുമായ ധനുഷ് മലയാളത്തിലേക്ക്. മമ്മൂട്ടി ദിലീപ് എന്നിവര്‍ അഭിനയിക്കുന്ന കമ്മത്ത് ആന്റ് കമ്മത്ത് എന്ന ചിത്രത്തിലാണ് ധനുഷ് അഭിനയിക്കുന്നത്. സിബി കെ. തോമസ് – ഉദയ് ടീം തിരക്കഥയൊരുക്കി തോംസണ്‍ സംവിധാനം ചെയ്യുന്ന ചിത്രത്തില്‍ സൂപ്പര്‍ സ്റ്റാര്‍ ധനുഷ് ആയിട്ടാണ് എത്തുന്നത്. നല്ല വേഷം ലഭിക്കുകയാണെങ്കില്‍ പ്രതിഫലം നോക്കാതെ മലയാളത്തില്‍ അഭിനയിക്കുവാന്‍ തയ്യാറാ‍ണെന്ന് ധനുഷ് അടുത്തയിടെ വ്യക്തമാക്കിയിരുന്നു.

ആടുകളം എന്ന ചിത്രത്തിലെ അഭിനയ മികവിന് ദേശീയ പുരസ്കാരം നേടിയിട്ടുള്ള ധനുഷ് തുള്ളുവതോ ഇളമൈ എന്ന ചിത്രത്തിലൂടെയാണ് സിനിമയിലേക്ക് കടന്നു വരുന്നത്. തമിഴ് ചിത്രങ്ങളോട് എക്കാലത്തും താല്പര്യം പ്രകടിപ്പിക്കുന്ന മലയാളികള്‍ക്കിടയില്‍ ധനുഷിന്  ധാരാളം ആരാധകര്‍ ഉണ്ട്. വൈ ദിസ് കൊലവെരി എന്ന ഗാനം കേരളത്തിലും ഹിറ്റായിരുന്നു.

ദിലീപും മമ്മൂട്ടിയും ഒരുമിച്ചഭിനയിച്ച രാക്ഷസ രാജാവ്, ട്വന്റി ട്വന്റി തുടങ്ങിയ മുന്‍ ചിത്രങ്ങള്‍ വന്‍ ഹിറ്റായിരുന്നു. മമ്മൂട്ടിക്കും, ദിലീപിനും ഒപ്പം ധനുഷ് കൂടെ വരുന്നതോടെ ചിത്രത്തിന്റെ വാണിജ്യ മൂല്യം വന്‍ തോതില്‍ വര്‍ദ്ധിക്കും. ഇവരെ കൂടാതെ റീമ കല്ലിങ്ങല്‍, കാര്‍ത്തിക, ബാബുരാജ്, ഷാജോണ്‍, ജനാര്‍ദ്ദനന്‍ തുടങ്ങിയ ഒരു താരനിര തന്നെയുണ്ട് ഈ ചിത്രത്തില്‍. ആന്റോ ജോസഫാണ് ചിത്രം നിര്‍മ്മിക്കുന്നത്. അനില്‍ നായരാണ് ക്യാമറാമാന്‍ .  സന്തോഷ് വര്‍മ്മയെഴുതിയ ഗാനങ്ങള്‍ക്ക് എം. ജയചന്ദ്രന്‍ സംഗീത സംവിധാനം നിര്‍വ്വഹിക്കുന്നു.

- എസ്. കുമാര്‍

വായിക്കുക:

അഭിപ്രായം എഴുതുക »

ഇന്നസെന്റിന്റെ അസുഖം ചികിത്സിച്ചു ഭേദമാക്കാമെന്ന് ഡോക്ടര്‍മാര്‍

November 6th, 2012

innocent-epathram

കൊച്ചി: അമ്മ പ്രസിഡണ്ടും പ്രശസ്ത നടനുമായ ഇന്നസെന്റിനെ ബാധിച്ച അര്‍ബുദ രോഗം ചികിത്സിച്ചു ഭേദമാക്കാമെന്ന് ഡോക്ടര്‍മാര്‍. ലേൿ ഷോർ ആശുപത്രിയില്‍ ഡോ. വി. പി. ഗംഗാധരന്റെ ചികിത്സയിലാണ് ഇന്നസെന്റ്. തൊണ്ടയിലാണ് ഇന്നസെന്റിന് അര്‍ബുദം ബാധിച്ചിരിക്കുന്നത്. ഇത് ശസ്ത്രക്രിയയിലൂടെ നീക്കം ചെയ്തു. ഇനി മാസങ്ങള്‍ നീളുന്ന കീമോതെറാപ്പി ചെയ്യേണ്ടി വരും. ആറു മാസമെങ്കിലും വിശ്രമം വേണ്ടി വരും. സത്യന്‍ അന്തിക്കാടിന്റെ പുതിയ തീരങ്ങള്‍ എന്ന ചിത്രത്തിനു ശേഷം ഇന്നസെന്റ് സിനിമയില്‍ സജീവമല്ലായിരുന്നു. പ്രമുഖ ഹാസ്യ നടനായ ജഗതി ശ്രീകുമാര്‍ വാഹനാപകടത്തെ തുടര്‍ന്ന് മാസങ്ങളായി സിനിമയില്‍ നിന്നും വിട്ടു നില്‍ക്കുകയാണ്.

- എസ്. കുമാര്‍

വായിക്കുക:

അഭിപ്രായം എഴുതുക »

സംവൃതാ സുനില്‍ വിവാഹിതയായി

November 1st, 2012

samvritha-sunil-wedding-epathram

പ്രശസ്ത സിനിമാ താരം സംവൃത സുനില്‍ വിവാഹിതയായി. കോഴിക്കോട് സ്വദേശിയും കാലിഫോര്‍ണിയയിലെ വാള്‍ട്ട് ഡിസ്നി കമ്പനിയില്‍ എഞ്ചിനീയറുമായ അഖിലാണ് വരന്‍. രാവിലെ 11 മണിക്കുള്ള മുഹൂര്‍ത്തത്തില്‍ പയ്യാമ്പലം ബേബി ബീച്ചിനു സമീപത്തെ ക്ലിഫ് ഹൌസില്‍ വെച്ചായിരുന്നു വിവാഹം. കേരളപ്പിറവി ദിനത്തിന്റെ സ്പര്‍ശം നല്‍കി ക്രീം കളര്‍ കസവു സാരിയണിഞ്ഞാണ് സംവൃത സുമംഗലിയായത്. സംവൃതയുടെ വിവാഹത്തിനു പ്രകൃതിയുടെ അനുഗ്രഹമെന്നോണം മഴയുമുണ്ടായിരുന്നു. ഭര്‍ത്താവിനൊപ്പം കാലിഫോര്‍ണിയയിലേക്ക് പോകുവാനുള്ള കടലാസു പണികള്‍ പൂര്‍ത്തിയാക്കുവാന്‍ നേരത്തെ ആര്യസമാജത്തില്‍ വച്ച് ഇരുവരും റെജിസ്റ്റര്‍ വിവാഹം കഴിച്ചിരുന്നു.

സിനിമാ രംഗത്തു നിന്നും ലാല്‍ ജോസ്, രഞ്ജിത്, ആന്‍ അഗസ്റ്റിന്‍ , മീരാ നന്ദന്‍ , കുഞ്ചന്‍ തുടങ്ങിയ പ്രമുഖര്‍ എത്തിയിരുന്നു. സിനിമാ രംഗത്തെ സുഹൃത്തുക്കള്‍ക്ക് നവമ്പര്‍ ആറാം തിയതി കൊച്ചി ലേ-മെറീഡിയനില്‍ വിരുന്ന് സല്‍ക്കാരം ഒരുക്കുന്നുണ്ട്. കണ്ണൂരിലെ ഇന്ത്യാ ഹൌസ് ഹോട്ടല്‍ ഉടമ ചാലാട്ട് സുനില്‍ കുമാറിന്റേയും സാധനയുടേയും മൂത്ത മകളായ സംവൃത ലാല്‍ ജോസ് ചിത്രമായ രസികനിലൂടെ ആണ് സംവൃത മലയാള സിനിമയിലേക്ക് എത്തുന്നത്. വിവാഹത്തോടെ സിനിമ വിടും എന്ന് പ്രഖ്യാപിച്ചിട്ടുള്ള സംവൃത അവസാനമായി അഭിനയിച്ചതും ലാല്‍ ജോസ് സംവിധാനം ചെയ്ത പൃഥ്‌വി രാജ് നായകനായ ചിത്രത്തിലാണ്. അയാളും ഞാനും തമ്മില്‍ എന്ന ഈ ചിത്രം ഇതിനോടകം റിലീസ് ചെയ്തു കഴിഞ്ഞു.

- എസ്. കുമാര്‍

വായിക്കുക: ,

അഭിപ്രായം എഴുതുക »

ജസ്പാൽ ഭട്ടി കൊല്ലപ്പെട്ടു

October 25th, 2012

jaspal-bhatti-epathram

ന്യൂഡൽഹി : പ്രശസ്ത ഹാസ്യ താരം ജസ്പാൽ ഭട്ടി വാഹനാപകടത്തിൽ കൊല്ലപ്പെട്ടു. ജലന്ധറിനടുത്ത് ഷാഹ്കോട്ട് പ്രദേശത്ത് ഇന്ന് പുലർച്ചെയാണ് അപകടം സംഭവിച്ചത്. ഭട്ടി സഞ്ചരിച്ച കാറിൽ ഒരു ട്രക്ക് വന്നിടിക്കുകയായിരുന്നു. വാഹനത്തിൽ കൂടെയുണ്ടായിരുന്ന അദ്ദേഹത്തിന്റെ മകനും ഭട്ടിയുടെ ഏറ്റവും പുതിയ സിനിമയിലെ നായിക സുരിലി ഗൌതമിനും അപകടത്തിൽ പരിക്കുണ്ട്. ഇവരെ ആശുപത്രിയിൽ പ്രവേശിപ്പിച്ചു. നാളെ റിലീസ് ചെയ്യാനിരുന്ന ഭട്ടിയുടെ “പവർ കട്ട്” എന്ന സിനിമയുടെ പ്രചരണ പ്രവർത്തനങ്ങൾക്കായി യാത്രയിലായിരുന്നു ഇവർ.

ദൂരദർശന്റെ ആദ്യ നാളുകളിൽ ഇന്ത്യൻ ടെലിവിഷൻ പ്രേക്ഷകർക്ക് മുൻപിൽ അദ്യമായി സാമൂഹിക പ്രസക്തിയുള്ള വിഷയങ്ങൾ കൈകാര്യം ചെയ്യുന്ന തന്റെ കോമഡി ഷോകളായ “ഫ്ലോപ് ഷോ”, “ഉൽട്ടാ പുൽട്ടാ” എന്നീ പരിപാടികൾ അവതരിപ്പിച്ച് ഏറെ ജനസമ്മതി നേടിയിട്ടുണ്ട്.

- ജെ.എസ്.

വായിക്കുക: ,

അഭിപ്രായം എഴുതുക »

റെഡ്‌ വൈന്‍ : താര സംഗമവുമായി സലാം പാലപ്പെട്ടി

October 25th, 2012

malayalam-cinema-red-wine-by-salam-palappetty-ePathram
അബുദാബി : മോഹന്‍ ലാല്‍, ഫഹദ്‌ ഫാസില്‍, ആസിഫ്‌ അലി എന്നിവര്‍ പ്രധാന വേഷങ്ങളില്‍ എത്തുന്ന റെഡ്‌വൈന്‍ എന്ന സിനിമ സലാം പാലപ്പെട്ടി സംവിധാനം ചെയ്യുന്നു. ലാല്‍ ജോസിന്റെ സഹ സംവിധായകന്‍ ആയിരുന്ന സലാം പാലപ്പെട്ടി ആദ്യമായി സംവിധായകന്റെ മേലങ്കി അണിയുന്ന റെഡ്‌വൈനില്‍ ഈ താരങ്ങള്‍ ഒന്നിക്കുന്നു എന്നതാണ് പ്രധാന പ്രത്യേകത.

അബുദാബി യിലെ കലാ സാംസ്കാരിക രംഗത്ത്‌ ശ്രദ്ധേയനായ നാടക പ്രവര്‍ത്തകനും സംവിധായകനുമായ മാമ്മന്‍ കെ. രാജന്‍ രചന നിര്‍വ്വഹിക്കുന്നു. ദൂരം, ജുവൈരിയയുടെ പപ്പ എന്നീ ടെലി സിനിമകള്‍ ചെയ്തിരുന്ന മാമ്മന്റെ സിനിമാ രംഗത്തെ ആദ്യ രചനാ സംരംഭം കൂടിയാണ് റെഡ്‌ വൈന്‍

ഗാന രചന : റഫീഖ് അഹമ്മദ്, സംഗീതം : ബിജിബാല്‍, എഡിറ്റിംഗ് : രഞ്ജന്‍ എബ്രഹാം. പ്രൊഡക്ഷന്‍ കണ്‍ട്രോളര്‍ വിനോദ് ഷൊര്‍ണ്ണൂര്‍. ഡിസംബറില്‍ ചിത്രീകരണം തുടങ്ങും. ഗിരീഷ് ലാല്‍ ഗൗരി മീനാക്ഷി പ്രൊഡക്ഷന്റെ ബാനറില്‍ റെഡ്‌ വൈന്‍ നിര്‍മ്മിക്കുന്നു.

- pma

വായിക്കുക: ,

അഭിപ്രായം എഴുതുക »

70 of 174« First...1020...697071...8090...Last »

« Previous Page« Previous « ഏട്ടിലെ പശു
Next »Next Page » ജസ്പാൽ ഭട്ടി കൊല്ലപ്പെട്ടു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine