‘മഞ്ഞില്‍ വിരിഞ്ഞ പൂക്കളി’ ലെ നായികയായിരുന്ന പൂര്‍ണ്ണിമാ ജയറാം വീണ്ടും അഭിനയ രംഗത്തേക്ക് വരുന്നു  ‘മഞ്ഞില്‍ വിരിഞ്ഞ പൂക്കളി’ ലെ പ്രഭയെ ഓര്‍ക്കാത്തവര്‍ ആരുണ്ട്. മലയാളികളുടെ പ്രിയങ്കരിയായ പൂര്‍ണ്ണിമാ ജയറാം‌ വളരെ നീണ്ട ഇടവേളയ്‌ക്കു ശേഷം വീണ്ടും ക്യാമറയ്‌ക്കു മുന്നിലെത്താനുള്ള പുറപ്പാടിലാണ്. ദേശീയ അവാര്‍ഡ്‌ നേടിയ തമിഴ്‌ സംവിധായകന്‍ സുശീന്ദ്രന്‍ സംവിധാനം ചെയ്യുന്ന ‘ആതലാല്‍ കാതല്‍ സെവിയര്‍’ എന്ന ചിത്രത്തിലൂടെയാണ്‌ നീണ്ട മുപ്പതുവര്‍ഷങ്ങള്‍ക്കു ശേഷം വെള്ളിത്തിരയിലേക്കുള്ള പൂര്‍ണ്ണിമയുടെ രണ്ടാം വരവ്‌. ഈ ചിത്രത്തിന്റെ ഷൂട്ടിംഗ്‌ ഉടന്‍ ആരംഭിക്കും

പുതുമുഖ സംവിധായകന്‍ പാര്‍ത്ഥ സാരഥിയൊരുക്കുന്ന ചിത്രത്തില്‍ മാളൂട്ടി എന്ന ചിത്രത്തിലൂടെ മലയാളികളുടെ മനസിലിടം നേടിയ ബേബി ശ്യാമിലി നായികയായി മലയാള സിനിമയില്‍ വീണ്ടുമെത്തുന്നു. ‍ നായികയായാണ് ശ്യാമിലിയുടെ രണ്ടാം വരവ്. 1990 അഭിനയിച്ച അഞ്ജലി എന്ന ചിത്രത്തില്‍ മാനസികമായ പ്രശ്‌നങ്ങളുള്ള കുട്ടിയായി അഭിനയിച്ച് മികച്ച ബാലതാരത്തിനുള്ള ദേശീയ അവാര്‍ഡ് നേടിയിരുന്നു. മാളൂട്ടി എന്ന ഭരതന്‍ ചിത്രം ഏറെ ശ്രദ്ധ നേടിയിരുന്നു. തുടര്‍ന്ന് നിരവധി ചിത്രങ്ങളില്‍ ശ്യാമിലി അഭിനയിച്ചു. പിന്നെ കുറച്ചു കാലം സിനിമാ രംഗത്ത് നിന്നും വിട്ടു നിന്ന് ഹരികൃഷ്ണന്‍സ് ‍ എന്ന ചിത്രത്തില്‍ ശ്രദ്ധേയമായ വേഷം ചെയ്തു.  വീണ്ടും നീണ്ട ഇടവേളക്കു ശേഷമാണ് ശ്യാമിലി നായികയായി മലയാളത്തില്‍ എത്തുന്നത്. പുതിയ ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.