ചെന്നൈ : ഇന്റര്‍നെറ്റില്‍ തന്റെ നീലച്ചിത്രങ്ങള്‍ ഷെയര്‍ ചെയ്തവര്‍ക്കെതിരെ പരാതിയുമായി നടി സുമ ചെന്നൈ പോലീസില്‍ പരാതി നല്‍കി. അശ്ലീല ചിത്രങ്ങള്‍ അപ്‌ലോഡ് ചെയ്തതിനൊപ്പം തന്റെ മൊബൈല്‍ നമ്പറും ഇന്റര്‍നെറ്റില്‍ നല്‍കിയതായും, ഇത് മൂലം വിദേശ രാജ്യങ്ങളില്‍ നിന്നു പോലു തനിക്ക് അശ്ലീല എസ്. എം. എസുകള്‍ വരുന്നതായി നടി വ്യക്തമാക്കി. ശല്യം സഹിക്ക വയ്യാതായപ്പോള്‍ താന്‍ നമ്പര്‍ മാറ്റിയെങ്കിലും പുതിയ നമ്പറും ചിത്രത്തോടൊപ്പം മാറ്റി നല്‍കിയെന്നും നടി ആരോപിക്കുന്നു.  ഇത് തന്റെ സ്വകാര്യതയും ഒപ്പം സ്വസ്ഥതയും നശിപ്പിക്കുന്നതായും, എത്രയും വേഗം ഇക്കാര്യത്തില്‍ നടപടി വേണമെന്നും നടി ആവശ്യപ്പെട്ടു. നടിയുമായി അടുപ്പമുള്ള ആരോ ആയിരിക്കാം ഇതിന്റെ പിന്നിലെന്നാണ് കരുതുന്നത്. നെറ്റില്‍ തന്റെ നീലച്ചിത്രം അപ്‌ലോഡ് ചെയ്യപ്പെട്ട സംഭവത്തെ കുറിച്ച് അന്വേഷണം ആവശ്യപ്പെട്ട് നേരത്തെ ഇവര്‍ മുംബൈ പോലീസിലും പരാതിപ്പെട്ടിരുന്നു.

തിരുവനന്തപുരം : അന്തരിച്ച നടി ശ്രീവിദ്യയുടെ വില്‍പ്പത്ര പ്രകാരം തങ്ങള്‍ക്ക് നല്‍കേണ്ട വിഹിതം നല്‍കിയില്ല എന്ന പരാതി യുമായി ശ്രീവിദ്യ യുടെ ബന്ധുക്കള്‍ സാംസ്‌കാരിക വകുപ്പ് മന്ത്രി കെ. ബി. ഗണേഷ്‌ കുമാറിന് എതിരെ രംഗത്ത്. ശ്രീവിദ്യ യുടെ സഹോദരന്‍ ശങ്കര രാമനാണ് പരാതി യുമായി മുഖ്യമന്ത്രിയെ സമീപിച്ചി രിക്കുന്നത്.

നര്‍ത്തകരെ പ്രോത്സാഹി പ്പിക്കാന്‍ ‘കലാക്ഷേത്ര ട്രസ്റ്റ്’ രൂപീകരിക്കണം എന്നും സഹോദരന്റെ മക്കള്‍ക്ക് പത്തു ലക്ഷം രൂപ നല്‍കണമെന്നും ശ്രീവിദ്യ വില്‍പ്പത്ര ത്തില്‍ നിര്‍ദേശിച്ചിരുന്നു. ഇതു രണ്ടും ഗണേഷ്‌കുമാര്‍ ചെയ്തിട്ടില്ല എന്ന് ശ്രീവിദ്യയുടെ സഹോദരന്‍ ശങ്കര രാമന്‍ മാധ്യമ ങ്ങളോട് പറഞ്ഞു.

തിരുവനന്തപുരത്ത് ഒരു കോടിയോളം രൂപ വില വരുന്ന വീടും ചെന്നൈയില്‍ 75 ലക്ഷം രൂപയുടെ ഫ്ളാറ്റും മരിക്കുന്ന സമയത്ത് ശ്രീവിദ്യയുടെ പേരില്‍ ഉണ്ടായിരുന്നു. മരണ സമയത്ത് സഹായത്തിനായി ഉണ്ടായിരുന്ന ഗണേഷ് കുമാറിനെ യായിരുന്നു ശ്രീവിദ്യ തന്റെ സ്വത്തുക്കള്‍ കൈകാര്യം ചെയ്യാന്‍ ഏല്‍പ്പിച്ചിരുന്നത്.