എറണാകുളം : പ്രമുഖ നടിയുമായി ബന്ധപ്പെട്ടു കിടക്കുന്ന എല്ലാ വിവാദങ്ങള്‍ക്കും മറുപടിയായി ദിലീപ് രംഗത്ത്. നടിക്കു നേരെയുണ്ടായ ആക്രമണത്തില്‍ ഗൂഡാലോചനയുണ്ടെന്ന് താരം ഉറപ്പിച്ചു പറയുന്നു. ആ നടിക്ക് അവസരങ്ങള്‍ ഉണ്ടാക്കിക്കൊടുത്തത് താനാണ്. അതിനുശേഷം ഇവരുടെ പെരുമാറ്റങ്ങള്‍ ഇഷ്ടപ്പെടാതെ വന്നപ്പോള്‍ എന്റെ സിനിമകളില്‍ കൂടെ സഹകരിക്കേണ്ടില്ലെന്ന് തോന്നി അല്ലാതെ നടിയുടെ അവസരങ്ങള്‍ താന്‍ വിലക്കിയിട്ടില്ല. ഇവര്‍ക്കെതിരെ നടന്ന ആക്രമണത്തില്‍ തന്റെ പേര് വലിച്ചിഴക്കപ്പെട്ടപ്പോള്‍ ജീവിതം തന്നെ മടുത്തു പോയെന്നും ദിലീപ് പറഞ്ഞു.

ഈ നടി സമൂഹമാധ്യമങ്ങളില്‍ സജീവമാണ്. തങ്ങള്‍ തമ്മില്‍ പ്രശ്നങ്ങളില്ലെന്ന്കാണിച്ച് അവര്‍ക്ക് വേണമെങ്കില്‍ ഒരു പോസ്റ്റ് ഇടാമായിരുന്നു. എന്തായാലും താന്‍ അവരുടെ ധൈര്യത്തെ അഭിനന്ദിക്കുന്നു. മനോരമ ന്യൂസിനു നല്‍കിയ അഭിമുഖത്തിലാണ് ദിലീപിന്റെ വെളിപ്പെടുത്തല്‍.