ന്യൂഡല്‍ഹി: ഇന്ത്യന്‍ ക്രിക്കറ്റില്‍ തിളങ്ങി നില്‍ക്കുന്ന സമയത്ത്‌ അര്‍ബുദ ബാധ കണ്ടെത്തിയതിനെ തുടര്‍ന്ന് അമേരിക്ക ബോസ്റ്റണിലെ കാന്‍സര്‍ റിസര്‍ച്ച് ഇന്‍സ്റ്റിറ്റിയൂട്ടില്‍ ചികിത്സ തേടിയ യുവരാജ് സിങ്ങിനെ കീമോതെറാപ്പിക്ക് വിധേയനാക്കി. രോഗബാധ ആദ്യഘട്ടത്തില്‍തന്നെ കണ്ടെത്തിയതിനാല്‍ പൂര്‍ണ്ണമായും ചികിത്സിച്ച് ഭേദമാക്കാന്‍ കഴിയുമെന്നും മെയ് മുതല്‍ അദ്ദേഹത്തിന് ക്രിക്കറ്റ് കളി തുടരാന്‍ കഴിയുമെന്ന് വാര്‍ത്താ ഏജന്‍സി റിപ്പോര്‍ട്ടു ചെയ്തു. ജനുവരി 26 നാണ് യുവരാജ് ചികിത്സയ്ക്കായി അമേരിക്കയിലേക്ക് പോയത്. ഇപ്പോള്‍ ഭയപ്പെടുവാന്‍ ഒന്നുമില്ലെന്നും അദ്ദേഹം പൂര്‍ണ്ണ ആരോഗ്യവാനാണെന്നും ഡോക്ടര്‍മാര്‍ അറിയിച്ചു.
