 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി : രാംലീല മൈതാനിയില് സംഘടിപ്പിച്ച പ്രതിഷേധ സമരത്തോടനുബന്ധിച്ച് അണ്ണാ ഹസാരെ നടത്തി വന്ന നിരാഹാര സത്യഗ്രഹം അവസാനിപ്പിച്ചു. 30,000 പേര്ക്കെങ്കിലും പങ്കെടുക്കാന് സ്ഥലമുള്ള മൈതാനത്തില് വെറും 200 പേരാണ് രാവിലെ ഹസാരെയോടൊപ്പം ഉണ്ടായിരുന്നത്. ക്രമേണ കൂടുതല് ആളുകള് വന്നെത്തിയെങ്കിലും ആയിരത്തില് താഴെ പേര് മാത്രമാണ് ആകെ ഉണ്ടായിരുന്നത്. ഓഗസ്റ്റ് മാസത്തില് ഹസാരെ നടത്തിയ നിരാഹാര സമര സമയത്ത് 40,000 പേരാണ് അദ്ദേഹത്തിന് പിന്തുണ പ്രഖ്യാപിച്ച് വന്നെത്തിയിരുന്നത്.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, പ്രതിഷേധം
ചെന്നൈ: ജയലളിതയുടെ ഉറ്റതോഴി ശശികലയേയും അവരുടെ ഭര്ത്താവ് എം. നടരാജനേയും വളര്ത്തുമകന് വി.എന്. സുധാകരനെയും മറ്റു 11 ബന്ധുക്കളെയും എ.ഡി.എം.കെയില്നിന്നു പുറത്താക്കിയതായി ജയലളിത പറഞ്ഞു. മുന് എം.പി: ടി.ടി.വി. ദിനകരന്, ജെ.ജെ. ടിവിയുടെ നടത്തിപ്പുകാരനായിരുന്ന വി. ഭാസ്കരന്, മിഡാസ് ഡിസ്റ്റിലറി എം.ഡി. മോഹന്, എസ്. വെങ്കടേഷ്, രാവണന്, എം. രാമചന്ദ്രന്, കുളത്തുംഗന്, രാജരാജന്, ദിവാകര്, ‘ജയലളിത ഫോറം’ മുന് സെക്രട്ടറി വി. മഹാദേവന്, സഹോദരന് തങ്കമണി എന്നിവരെയാണ് പുറത്താക്കിയത്. എ.ഡി.എം.കെയുടെ നിര്വാഹകസമിതി അംഗമാന് ശശികല. ജയലളിതയുടെ മനഃസാക്ഷി സൂക്ഷിപ്പുകാരിയെന്ന് അറിയപ്പെട്ടിരുന്ന ശശികലയെ പുറത്താക്കിയത് തമിഴ് രാഷ്ട്രീയത്തില് ഏറെ ഒച്ചപ്പാടുകള്ക്കും അട്ടിമറിക്കും സാധ്യതയുണ്ട്. ‘കൊട്ടാരവിപ്ലവ’ത്തിലൂടെ ജയലളിതയെ പുറത്താക്കാനും നടരാജനെ മുഖ്യമന്ത്രിപദത്തില് അവരോധിക്കാനും ശശികലയും ബന്ധുക്കളും നീക്കം നടത്തിയതിന് പ്രതികാരമാണ് ഈ പുറത്താക്കല് എന്നാണ് രാഷ്ട്രീയ നിരീക്ഷകര് പറയുന്നത്.
-
വായിക്കുക: അഴിമതി, ഇന്ത്യന് രാഷ്ട്രീയം, വിവാദം
ന്യൂഡല്ഹി: 2 ജി സ്പെക്ട്രം കേസില് കേന്ദ്ര ആഭ്യന്തരമന്ത്രി പി. ചിദംബരത്തെ പ്രതിചേര്ക്കണം എന്നാവശ്യപ്പെട്ട് സി.ബി.ഐ. കോടതി നല്കിയ ഹര്ജിയില് ജനതാപാര്ട്ടി നേതാവ് ഡോ.സുബ്രഹ്മണ്യം സ്വാമിയുടെ മൊഴി പ്രത്യേക സി.ബി.ഐ. കോടതി രേഖപ്പെടുത്തി. ഇതോടെ സ്പെക്ട്രം കേസിലെ സാക്ഷിപ്പട്ടികയില് ഇനി മുതല് സുബ്രഹ്മണ്യം സ്വാമിയും ഔദ്യോഗികമായി ഉള്പ്പെടും.
-
വായിക്കുക: അഴിമതി, ഇന്ത്യന് രാഷ്ട്രീയം, ഇന്റര്നെറ്റ്
മുംബൈ: രാജ്യത്ത് സുശക്തമായ ലോക്പാല് ബില് ഇല്ലെങ്കില് നിരാഹാരസമരം എന്ന പ്രഖ്യാപനവുമായി മുന്നോട്ട് പോകുന്ന അണ്ണ ഹസാരെയുടെ സമരവേദി ഡല്ഹിയില് നിന്നും മുംബൈയിലേക്ക് മാറ്റാന് സാധ്യത. മുംബൈയിലെ ആസാദ് മൈതാനം സമരത്തിന് വിട്ടുതരണമെന്നാവശ്യപ്പെട്ട് ഹസാരെ സംഘം അപേക്ഷ നല്കിയിട്ടുണ്ട്. ഡല്ഹിയിലെ അതിശൈത്യമാണ് വേദി മാറ്റാന് ഹസ്സരെയേ പ്രേരിപ്പിക്കുന്നത്. പാര്ലമെന്റിന്റെ ഈ സമ്മേളനത്തില് ലോക്പാല് ബില് കൊണ്ടുവന്നില്ലെങ്കില് ഡിസംബര് 27-ന് നിരാഹാരം നടത്തുമെന്നാണ് ഹസാരെ മുന്നറിയിപ്പ് നല്കിയിരിക്കുന്നത്. കാലാവസ്ഥ നല്ലതാണെങ്കില് വേദി മാറ്റില്ല. കോര്കമ്മിറ്റി അംഗം അരവിന്ദ് കെജ്രിവാള് ആണ് യോഗതീരുമാനങ്ങള് മാധ്യമങ്ങളെ അറിയിച്ചത്.
-
വായിക്കുക: അഴിമതി, ഇന്ത്യ, ഇന്ത്യന് രാഷ്ട്രീയം, കാലാവസ്ഥ, പ്രതിഷേധം
ന്യൂഡല്ഹി: അണ്ണാ ഹസാരെയുടെ ഉപവാസ വേദിയിലേക്ക് പ്രതിപക്ഷ പാര്ട്ടികള് കൂട്ടത്തോടെ പോയത് ഹസാരെ ടീം കോണ്ഗ്രസിനെ പ്രത്യേകമായി ആക്രമിക്കുന്നതിന് കൂട്ടായാണെന്ന് കോണ്ഗ്രസ് ജനറല് സെക്രട്ടറി ദിഗ്വിജയ് സിങ് കുറ്റപ്പെടുത്തി. ഹസാരെക്കും പ്രതിപക്ഷ പാര്ട്ടികള്ക്കുമെതിരെ രൂക്ഷവിമര്ശം ഉയര്ത്തി കോണ്ഗ്രസ് കോണ്ഗ്രസ് നേതാക്കള് രംഗത്ത് വന്നു. പാര്ലിമെന്റ് ചെയ്യേണ്ട കാര്യങ്ങള് ഹസാരെ ഏറ്റെടുക്കേണ്ടതില്ല, അവരുടെ ലക്ഷ്യം രാഷ്ട്രീയമാണ്. അഴിമതിയല്ല. കോണ്ഗ്രസിനെതിരായ സാഹചര്യം രാജ്യത്ത് ഉണ്ടാക്കാനാണ് ഇവരുടെ ശ്രമം. ഹസാരെയുടെ മാത്രമല്ല, രാംദേവിന്െറയും ശ്രീശ്രീ രവിശങ്കറുടെയും ലക്ഷ്യം രാഷ്ട്രീയമാണ്. ബി. ജെ. പിക്ക് വേണ്ടിയാണ് ഹസാരെ പണിയെടുക്കുന്നത്. ഭീകര ചെയ്തികളില് സംഘ്പരിവാറിനുള്ള പങ്കാളിത്തത്തില് നിന്ന് ശ്രദ്ധ തിരിക്കാനാണ് ബി. ജെ. പി ശ്രമിക്കുന്നത്, ഹസാരെ അതിനുള്ള ഉപകരണമാണ് ദിഗ്വിജയ് സിങ് പറഞ്ഞു. രാഹുല് ഗാന്ധിയെ ഉന്നമിട്ട് ഹസാരെ സംസാരിക്കുന്നതിനെയും ദിഗ്വിജയ് സിങ് വിമര്ശിച്ചു.
-
വായിക്കുക: അഴിമതി, ഇന്ത്യന് രാഷ്ട്രീയം, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
