ന്യൂഡല്ഹി: അഞ്ച് വ്യവസായ പ്രമുഖരുടെ പേരുകള് ഉള്പ്പെടുത്തി 2ജി കേസില് സി. ബി. ഐ. മൂന്നാമത്തെ കുറ്റപത്രം സമര്പ്പിച്ചു. എസ്സാര്, ലൂപ്പ് ടെലികോം എന്നീ കമ്പനികളുടെ പേരുകളും കുറ്റപത്രത്തില് ഉള്പെടുത്തിയിട്ടുണ്ട്. എസ്സാര് ഗ്രൂപ്പിന്റെ വൈസ് ചെയര്മാന് രവി റുയിയ, ഡയറക്ടര് അന്ഷുമാന് റുയിയ, ടെലി കമ്യൂണിക്കേഷന്സ് സി. ഇ. ഒ. വികാസ് ഷറഫ്, ലൂപ്പ് ടെലികോമിലെ ഐ. പി ഖൈത്താന്, കിരണ് ഖൈത്താന് എന്നിവരാണ് കുറ്റപത്രത്തിലെ പ്രതിപ്പട്ടികയിലുള്ളത്. ഗൂഢാലോചന, വ്യാജരേഖ ചമയ്ക്കല്, തട്ടിപ്പ് എന്നീ കുറ്റങ്ങളാണ് ഇവരുടെ പേരില് ചുമത്തിയിട്ടുള്ളത്. ഇതിനുമുമ്പ് രണ്ട് കുറ്റപത്രങ്ങളിലായി 17 പേരെ പ്രതിപ്പട്ടികയില് ഉള്പ്പെടുത്തിയിരുന്നു.
