 |
 |
 |
 |
 |
 |
 |
 |
 |
 |
 |
 |
 |
 |
ഫറൂഖാബാദ് : ലോക്പാല് ബില് താന് നിര്ദ്ദേശിച്ചത് പോലെ പാര്ലമെന്റ് ശീതകാല സമ്മേളനത്തില് പാസാക്കിയില്ലെങ്കില് തെരഞ്ഞെടുപ്പില് കോണ്ഗ്രസിന് എതിരെ പ്രചാരണത്തിന് ഇറങ്ങും എന്ന അണ്ണാ ഹസാരെയുടെ ഭീഷണി കോണ്ഗ്രസ് തള്ളിക്കളഞ്ഞു. അണ്ണായുടെ ഭീഷണി കോണ്ഗ്രസിനെ ഒരു തരത്തിലും ബാധിക്കില്ല എന്ന് കേന്ദ്ര മന്ത്രി സല്മാന് ഖുര്ഷിദ് അറിയിച്ചു. ഈ തെരഞ്ഞെടുപ്പോടെ കോണ്ഗ്രസ് കൂടുതല് കരുത്ത് ആര്ജ്ജിക്കും എന്നും അദ്ദേഹം കൂട്ടിച്ചേര്ത്തു.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയം
ന്യൂഡല്ഹി : ജുഡീഷ്യല് കസ്റ്റഡിയില് കഴിയുന്ന ഐ. പി. എസ്. ഉദ്യോഗസ്ഥന് സഞ്ജീവ് ഭട്ടിന്റെ ജീവന് ജയിലില് ഭീഷണി ഉണ്ടെന്ന് ഭട്ടിന്റെ ഭാര്യയുടെ പരാതി ലഭിച്ചതിനെ തുടര്ന്ന് ജെയിലില് ഭട്ട് സുരക്ഷിതനാണ് എന്ന് ഉറപ്പു വരുത്താന് കേന്ദ്ര ആഭ്യന്തര മന്ത്രാലയം ഗുജറാത്ത് സര്ക്കാരിന് നിര്ദ്ദേശം നല്കി.
ഭട്ടിന് ഇനിയും ജാമ്യം ലഭിച്ചിട്ടില്ല. ഭട്ടിനെ തങ്ങളുടെ കസ്റ്റഡിയില് വിട്ടു കിട്ടണം എന്ന് പോലീസ് ആവശ്യപ്പെട്ടിട്ടുണ്ട്. അദ്ദേഹം ഇപ്പോഴും ജുഡീഷ്യല് കസ്റ്റഡിയില് ആയതിനാല് പോലീസ് ഉദ്യോഗസ്ഥര്ക്ക് അദ്ദേഹത്തെ ചോദ്യം ചെയ്യാന് ആവില്ല.
സഞ്ജീവ് ഭട്ടിന്റെ ബാങ്ക് ലോക്കറുകള് തുറക്കണം എന്ന പോലീസിന്റെ ആവശ്യം അംഗീകരിച്ചാല് ജാമ്യം ലഭിക്കാന് എളുപ്പമാവും എന്ന കോടതിയുടെ നിര്ദ്ദേശം അദ്ദേഹം തള്ളി. ഇത് ആദര്ശങ്ങളുടെ യുദ്ധമാണ്. ഇതില് മോഡി സര്ക്കാരുമായി വിട്ടുവീഴ്ച ചെയ്യാന് താന് തയ്യാറല്ല. എത്രനാള് വേണമെങ്കിലും അതിനു വേണ്ടി ജെയിലില് കിടക്കാന് താന് തയ്യാറാണ് എന്നും സഞ്ജീവ് ഭട്ട് കോടതിയെ അറിയിച്ചു.
2002ലെ ഗുജറാത്ത് വര്ഗ്ഗീയ കലാപ വേളയില് മുസ്ലിം സമുദായത്തെ അടിച്ചൊതുക്കാന് ഹിന്ദു സമുദായാംഗങ്ങളെ അനുവദിക്കുമാറ് പോലീസ് നിഷ്ക്രിയത്വം പാലിക്കണമെന്ന് പോലീസ് ഉദ്യോഗസ്ഥരുടെ ഒരു യോഗത്തില് അന്നത്തെ ഗുജറാത്ത് മുഖ്യമന്ത്രി നരേന്ദ്ര മോഡി നിര്ദ്ദേശം നല്കി എന്ന് സഞ്ജീവ് ഭട്ട് സുപ്രീം കോടതിക്ക് മുന്പാകെ സത്യവാങ്മൂലം നല്കിയിരുന്നു. ഇതിന്റെ പ്രതികാരമായാണ് ഇപ്പോള് കേസുകളില് കുടുക്കി ഇദ്ദേഹത്തെ മോഡി സര്ക്കാര് അറസ്റ്റ് ചെയ്തത്.
ഭട്ടിന്റെ അറസ്റ്റിനെതിരെ രാജ്യമെമ്പാടും വ്യാപകമായ പ്രതിഷേധം ഉയര്ന്നിട്ടുണ്ട്. മോഡിയെ അറസ്റ്റ് ചെയ്ത നടപടി തെറ്റായി പോയെന്ന് അണ്ണാ ഹസാരെ പറഞ്ഞു. ഇത് ജനാധിപത്യത്തിനു ഗുണകരമല്ല എന്നും അദ്ദേഹം കൂട്ടിച്ചേര്ത്തു.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, തീവ്രവാദം, പീഡനം, പോലീസ് അതിക്രമം, പ്രതിഷേധം, മനുഷ്യാവകാശം
പാറ്റ്ന : ദാരിദ്ര്യം മൂലം ബീഹാറിലെ 70 ശതമാനം കുടുംബങ്ങള് പട്ടിണി അനുഭവിക്കുന്നു എന്ന് പഠന റിപ്പോര്ട്ട്. ഡല്ഹിയിലെ ഇന്ത്യന് ഇന്സ്റ്റിറ്റ്യൂട്ട് ഓഫ് ടെക്നോളജി നടത്തിയ പഠനത്തിലാണ് ഈ കാര്യം വെളിപ്പെട്ടത്. ഭക്ഷണവും മറ്റ് അവശ്യ സാധനങ്ങളും വിപണി വിലയേക്കാള് താഴെ ദാരിദ്രരായവര്ക്ക് ലഭ്യമാക്കുന്ന രാജ്യത്തെ പൊതു വിതരണ സംവിധാനത്തിന്റെ കാര്യക്ഷമതയെ കുറിച്ച് പഠനം നടത്തുകയായിരുന്നു ഡല്ഹി ഐ. ഐ. ടി. യിലെ സംഘം.
ബീഹാറിലെ പട്ടിണിയുടെ ആഴവും വ്യാപ്തിയും മറ്റ് സംസ്ഥാനങ്ങളെ അപേക്ഷിച്ചു ഏറെ ഭീകരമാണ് എന്ന് ഗവേഷക സംഘം കണ്ടെത്തി.
70 ശതമാനം കുടുംബങ്ങള് പല രാത്രികളിലും വിശക്കുന്ന വയറുമായി ഉറങ്ങാന് കിടക്കുന്നതായി പഠനത്തില് വെളിപ്പെട്ടു. മിക്കവാറും പയര് വര്ഗ്ഗങ്ങള്, പഴ വര്ഗ്ഗങ്ങള്, മുട്ട, മാംസം എന്നിവ കണ്ടിട്ട് തന്നെ ഏറെ കാലമായി എന്ന് സംഘത്തോട് പറഞ്ഞു.
കര്ഷകരില് നിന്നും അരി സംഭരിച്ച് സംസ്ഥാന സര്ക്കാരുകള്ക്ക് എത്തിച്ചു കൊടുക്കുന്ന പൊതു വിതരണ സംവിധാനത്തിന്റെ ഒട്ടേറെ ന്യൂനതകളും ഇവര് കണ്ടെത്തി. സംസ്ഥാന സര്ക്കാരുകള്ക്ക് ലഭിക്കുന്ന ഭക്ഷ്യ ധാന്യങ്ങള് റേഷന് കടകള് വഴി വിതരണ ചെയ്യുന്നതിന് പകരം ഇതിന്റെ പകുതിയില് ഏറെ ദരിദ്രര്ക്ക് ലഭിക്കാതെ പാഴാവുകയോ കരിഞ്ചന്തയില് എത്തുകയോ ആണ്. വ്യാപകമായ ഈ അഴിമതിയില് അധികാരികള്ക്ക് മുതല് ലോറി ഡ്രൈവര്മാര്ക്കും കട ഉടമകള്ക്കും വരെ പങ്കുണ്ട്. കാര്യക്ഷമത ഇല്ലായ്മ മൂലം ഭക്ഷ്യ ധാന്യങ്ങള് സംഭരണ ശാലകളില് കെട്ടിക്കിടന്ന് നശിക്കുന്നതും വ്യാപകമാണ്.
ബീഹാറില് 70 ശതമാനം പട്ടിണി രേഖപ്പെടുത്തുമ്പോള് ഇന്ത്യയിലെ മറ്റ് സംസ്ഥാനങ്ങളിലും പട്ടിണി ഉള്ളതായി സംഘം കണ്ടെത്തി. രാജസ്ഥാനില് 36 ശതമാനം, ജാര്ഖണ്ഡില് 26 ശതമാനം, ഒറീസയില് 9 ശതമാനം, ഛത്തീസ്ഗഢ് 17 ശതമാനം, ആന്ധ്രാപ്രദേശ് 16 ശതമാനം, ഉത്തര് പ്രദേശില് 7 ശതമാനം എന്നിങ്ങനെയാണ് പട്ടിണി.
സൈന്യത്തിന്റെ ആധുനീകരണത്തിന് ഇന്ത്യ ചിലവഴിക്കുന്നത് രണ്ടര ലക്ഷം കോടി രൂപയാണ്. അത്താഴ പട്ടിണി കിടക്കുന്ന കോടിക്കണക്കിന് ജനങ്ങള് ഉള്ള രാജ്യത്തിന് സ്വന്തമായി ബഹിരാകാശ പദ്ധതികളും ചന്ദ്ര ദൌത്യങ്ങളും മിസൈല് വികസനവും ഉണ്ട്. 8 ശതമാനം സാമ്പത്തിക വളര്ച്ചയാണ് ഇന്ത്യ അവകാശപ്പെടുന്നത്.
- ജെ.എസ്.
വായിക്കുക: അഴിമതി, മനുഷ്യാവകാശം, സാമ്പത്തികം
ന്യൂഡല്ഹി : ഗുജറാത്ത് മുഖ്യമന്ത്രി നരേന്ദ്ര മോഡിക്കെതിരെ മൊഴി നല്കിയ ഐ. പി. എസ്. ഉദ്യോഗസ്ഥന് സഞ്ജീവ് ഭട്ടിനെ അറസ്റ്റ് ചെയ്ത നടപടിക്കെതിരെ വ്യാപകമായി പ്രതിഷേധം. ന്യൂഡല്ഹിയിലെ ഗുജറാത്ത് ഭവന് മുന്പില് വിവിധ സംഘടനകളുടെ പ്രവര്ത്തകര് മുദ്രാവാക്യങ്ങള് മുഴക്കി പ്രതിഷേധം രേഖപ്പെടുത്തി. ചലച്ചിത്രകാരന് മഹേഷ് ഭട്ട് പ്രകടനത്തില് പങ്കെടുത്തു. സഞ്ജീവ് ഭട്ടിനെ ഉടന് വിട്ടയക്കണം എന്നാവശ്യപ്പെടുന്ന ഹര്ജി ഇവര് ഗുജറാത്ത് ഭവനിലെ റെസിഡണ്ട് കമ്മീഷണര്ക്ക് നല്കി. മുംബയിലും ഒട്ടേറെ സംഘടനാ പ്രതിനിധികള് സഞ്ജീവ് ഭട്ടിനെ അറസ്റ്റ് ചെയ്തതിനെതിരെ പ്രതിഷേധ പ്രകടനം നടത്തി.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, തീവ്രവാദം, പോലീസ് അതിക്രമം, പ്രതിഷേധം
അഹമ്മദാബാദ് : ഗുജറാത്ത് മുഖ്യമന്ത്രി നരേന്ദ്ര മോഡിക്കെതിരെ മൊഴി നല്കാന് ചങ്കൂറ്റം കാണിച്ച ഐ. പി. എസ്. ഉദ്യോഗസ്ഥന് സഞ്ജീവ് ഭട്ട് നെ മറ്റൊരു കുറ്റം ചുമത്തി ഗുജറാത്ത് പോലീസ് അറസ്റ്റ് ചെയ്തു. കീഴുദ്യോഗസ്ഥനെ ഔദ്യോഗിക പദവി ഉപയോഗിച്ച് സ്വാധീനം ചെലുത്തി തന്റെ മൊഴിക്ക് പിന്തുണ നല്കാന് നിര്ബന്ധിച്ചു എന്നാണ് ഇദ്ദേഹത്തിനെതിരെ ചാര്ത്തിയ കുറ്റം. 2002ലെ ഗുജറാത്ത് വര്ഗ്ഗീയ കലാപ വേളയില് മുസ്ലിം സമുദായത്തെ അടിച്ചൊതുക്കാന് ഹിന്ദു സമുദായാംഗങ്ങളെ അനുവദിക്കുമാറ് പോലീസ് നിഷ്ക്രിയത്വം പാലിക്കണമെന്ന് പോലീസ് ഉദ്യോഗസ്ഥരുടെ ഒരു യോഗത്തില് അന്നത്തെ ഗുജറാത്ത് മുഖ്യമന്ത്രി നരേന്ദ്ര മോഡി നിര്ദ്ദേശം നല്കി എന്ന് സഞ്ജീവ് ഭട്ട് സുപ്രീം കോടതിക്ക് മുന്പാകെ സത്യവാങ്മൂലം നല്കിയിരുന്നു.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, കുറ്റകൃത്യം, തീവ്രവാദം, പോലീസ് അതിക്രമം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
