ഗ്വാളിയോര്‍: ഐ.പി.എസ്. ഉദ്യോഗസ്ഥനെ ഖനിമാഫിയ ട്രാക്ടര്‍ കയറ്റിക്കൊന്നു. അനധികൃത ഖനനത്തിനെതിരെ ശക്തമായ നടപടികളെടുത്ത മധ്യപ്രദേശിലെ ബാന്‍മോറില്‍ സബ് ഡിവിഷണല്‍ പോലീസ് ഓഫീസറായ നരേന്ദ്രകുമാറാണ് (30) വ്യാഴാഴ്ച കൊല്ലപ്പെട്ടത്. ബാന്‍മോറിനടുത്ത് മുംബൈ-ആഗ്ര ദേശീയപാതയില്‍ അനധികൃതമായി കല്ലുമായി പോവുകയായിരുന്ന ട്രാക്ടര്‍ ട്രോളി തടയാന്‍ ശ്രമിക്കുമ്പോള്‍ ഡ്രൈവര്‍ അദ്ദേഹത്തിന്റെ മേല്‍ വണ്ടി കയറ്റുകയായിരുന്നു ഖനി മാഫിയകളുടെ അഴിഞ്ഞാട്ടം ഏറെ കൂടുതലുള്ള മേഖലയാണ് ഇത്. ട്രാക്ടര്‍ ഡ്രൈവര്‍ മനോജ് ഗുര്‍ജാറിനെ പോലീസ് അറസ്റ്റ് ചെയ്തു. ഇയാള്‍ക്കെതിരെ കൊലപാതകത്തിന് കേസെടുത്തിട്ടുണ്ട്. പ്രദേശത്തെ ഖനി മാഫിയയാണ് കൊലയ്ക്ക് പിന്നിലെന്ന് ഡി.ഐ.ജി. ഡി.പി. ഗുപ്ത പറഞ്ഞു. ഖനി മാഫിയയ്‌ക്കെതിരെ ശക്തമായ നടപടി എടുക്കുമെന്ന് ആഭ്യന്തരമന്ത്രി ഉമാശങ്കര്‍ ഗുപ്ത പറഞ്ഞു. 2009 ബാച്ചിലെ ഐ.പി.എസ്. ഉദ്യോഗസ്ഥനാണ് നരേന്ദ്രകുമാര്‍. മധ്യപ്രദേശ് കേഡര്‍ ഐ.എ.എസ്. ഉദ്യോഗസ്ഥ മധുറാണി തെവാതിയ ആണ് ഭാര്യ
 |
 |
 |
 |
 |
 |
 |
 |
 |
 |
 |
 |
 |
 |
