 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡൽഹി : 2 ജി സ്പെക്ട്രം അഴിമതി കേസുമായി ബന്ധപ്പെട്ട് പ്രധാനമന്ത്രി മൻമോഹൻ സിങ്ങിനെതിരെയും ദയാനിധി മാരനെതിരെയും കേസെടുക്കാൻ ആവില്ലെന്ന് ഡൽഹി കോടതി വ്യക്തമാക്കി. കേസ് ഇപ്പോൾ കൈകാര്യം ചെയ്യുന്ന പ്രത്യേക കോടതിയെ ഹരജിക്കാർ സമീപിക്കണം എന്നും കോടതി വ്യക്തമാക്കി. പരാതിക്കാർ ആരോപിച്ച വിഷയങ്ങളിൽ തങ്ങൾ അന്വേഷണം നടത്തുന്നുണ്ടെന്ന് സി. ബി. ഐ. കോടതിയെ അറിയിച്ചതായും കോടതി വെളിപ്പെടുത്തി.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, കോടതി
ബാംഗ്ലൂര്: പി.ഡി.പി ചെയര്മാന് അബ്ദുള് നാസര് മഅദനിയുടെ ആരോഗ്യ നില തൃപ്തികരമാണെന്ന് മണിപ്പാല് സൂപ്പര് സ്പെഷ്യാലിറ്റി ആസ്പത്രി അധികൃതര്. സൌഖ്യ ഹോളിസ്റ്റിക് ഹെല്ത്ത് സെന്ററില് ചികിത്സയിലായിരുന്ന അദ്ദേഹത്തെ തലകറക്കവും ക്ഷീണവും അനുഭവപ്പെട്ടതിനെ തുടര്ന്ന് വിദഗ്ദ ചികിത്സയ്ക്കായി മണിപ്പാല് സൂപ്പര് സ്പെഷ്യാലിറ്റി ആസ്പത്രിയിലേക്ക് മാറ്റുകയായിരുന്നു. ഐ.സി.യുവില് പ്രവേശിപ്പിച്ച മദനിയെ കാര്ഡിയോളജി വിദഗ്ദര് ഉള്പ്പെടെ ഉള്ളവര് വിവിധ പരിശോധനയ്ക്ക് വിധേയനാക്കിയിരുന്നു. ഇനിയും കൂടുതല് വിദഗ്ദ പരിശോധനകള് നടത്തും. പരിശോധനാഫലങ്ങള് തൃപ്തികരമാണെങ്കില് അദ്ദേഹത്തെ സൌഖ്യ ഹോളിസ്റ്റിക് ഹെല്ത്ത് സെന്ററിലേക്ക് മാറ്റും.
ഭാര്യ സൂഫിയാ മദനിയും മകന് ഉമര് മുഖ്താറും മഅദനിയ്ക്കൊപ്പം ആശുപത്രിയില് ഉണ്ട്. ഇവര്ക്ക് ആവശ്യമായ ഭക്ഷണ സൌകര്യം ആശുപത്രിയില് നിന്നും തന്നെ അധികൃതര് ഒരുക്കിയിട്ടുണ്ട്. സ്ഫോടനക്കേസ് പ്രതിയായതിനാല് മദനിയ്ക്ക് കനത്ത പോലീസ് കാവലുണ്ട്. ബാംഗ്ലൂര് സ്ഫോടനക്കേസില് പ്രതിചേര്ക്കപ്പെട്ടതിനെ തുടര്ന്നാണ് കര്ണ്ണാടക പോലീസ് മഅദനിയെ അറസ്റ്റു ചെയ്തത്. കേസിന്റെ വിചാരണ കര്ണ്ണാടകയിലെ കോടതിയില് നടന്നു വരികയാണ്.
- എസ്. കുമാര്
വായിക്കുക: ഇന്ത്യന് രാഷ്ട്രീയ നേതാക്കള്, കേരള രാഷ്ട്രീയം, കോടതി, തീവ്രവാദം, വിവാദം
ബാംഗ്ലൂര്: പ്രകോപനപരമായ പ്രസംഗം നടത്തി എന്ന് ആരൊപിച്ച് സി.പി.എം പോളിറ്റ്ബ്യൂറോ അംഗവും മുന് വിദ്യാഭ്യാസ മന്ത്രിയുമായ എം.എ.ബേബിയ്ക്കെതിരെ കര്ണ്ണാടക പോലീസ് കേസെടുത്തു. ദക്ഷിണ കര്ണ്ണാടകത്തിലെ കുക്കെ സുബ്രമണ്യക്ഷേത്രത്തിലെ മാട സ്നാന എന്ന ആചാരത്തിനെതിരെ കഴിഞ്ഞ ഡിസംബര് 26 നു സി.പി.എം നടത്തിയ സമരത്തില് ബേബി പ്രസംഗിച്ചിരുന്നു. ബ്രാഹ്മണരുടെ ഉച്ചിഷ്ഠത്തില് താഴ്ന്ന ജാതിയില് പെട്ടവര് കിടന്ന് ഉരുളുന്ന ആചാരമാണ് മാട സ്നാന. മാടസ്നാന ചെയ്താല് ഐശ്വര്യം ഉണ്ടകും എന്നൊരു സങ്കല്പം ചിലര്ക്കിടയില് ഇന്നും നിലനില്ക്കുന്നുണ്ട്. ഇത് അനാചാരമാണെന്നും നിര്ത്തലാക്കണമെന്നും ആവശ്യപ്പെട്ട് സി.പി.എം രംഗത്ത് വന്നിരുന്നു. ഇതുമായി ബന്ധപ്പെട്ട് നടത്തിയ സമരം ഉദ്ഘാടനം ചെയ്തത് എം.എ.ബേബിയായിരുന്നു. ഈ പ്രസംഗം പ്രകോപന പരവും സ്പര്ദ്ധ വളര്ത്തുന്നതുമായിരുന്നു എന്നാണ് കര്ണ്ണാടക പോലീസിന്റെ നിലപാട്.
- എസ്. കുമാര്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, കേരളം, പോലീസ്, വിവാദം
ജയ്പൂര്: ആര്.എസ്.എസ് രാജ്യത്ത് ഹിന്ദു തീവ്രവാദം വളര്ത്തുകയാണെന്ന് കേന്ദ്ര ആഭ്യന്തര മന്ത്രി സുശീല് കുമാര് ഷിന്ഡെ. കോണ്ഗ്രസ്സിന്റെ ചിന്തന് ശിബിരത്തില് പങ്കെടുത്ത് സംസാരിക്കുമ്പോള് ആയിരുന്നു ആര്.എസ്.എസിനെതിരെ ഉള്ള ഷിന്ഡെയുടെ പരാമര്ശം. ഹിന്ദു തീവ്രവാദം വളര്ത്തുന്നതില് ആര്.എസ്.എസ്-ബി.ജെ.പി പരിശീലന ക്യാമ്പ്യുകള്ക്ക് പങ്കുള്ളതായി റിപ്പോര്ട്ട് ലഭിച്ചതായും അദ്ദേഹം പറഞ്ഞു. സംത്ധോധ, മെക്ക മസ്ജിദ്, മാലേഗാവ് സ്ഫോടനങ്ങളുടെ പുറകില് ആര്.എസ്.എസ് ആണെന്ന് അദ്ദേഹം ആരോപിച്ചു.
ഷിന്ഡേയുടെ പ്രസ്ഥാവനയ്ക്കെതിരെ ബി.ജെ.പി രംഗത്തെത്തി. ഇന്ത്യയില് തീവ്രവാദം പ്രോത്സാഹിപ്പിക്കുന്നതിന് എതിരെ പാക്കിസ്ഥാനെ ശാസിക്കേണ്ടതിനു പകരം ബി.ജെ.പിയെ അപകീര്ത്തിപ്പെടുത്തുവാനാണ് ഷിന്ഡേ ശ്രമിക്കുന്നതെന്ന് ബി.ജെ.പി വക്താവ് മുക്താര് അബ്ബാസ് നഖ്വി പറഞ്ഞു. ഷിന്ഡേ നടത്തിയ പ്രസ്ഥാവനയ്ക്ക് സോണിയാ ഗാന്ധിയും രാഹുല് ഗാന്ധിയും മാപ്പ് പറയണമെന്ന് അദ്ദേഹം ആവശ്യപ്പെട്ടു.
- എസ്. കുമാര്
വായിക്കുക: ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, തീവ്രവാദം, പ്രതിഷേധം, വിവാദം
ജയ്പൂര്: കോണ്ഗ്രസ്സിന്റെ ദേശീയ ഉപാധ്യക്ഷനായി രാഹുല് ഗാന്ധിയെ നിയമിച്ചു. ജയ്പൂരില് നടന്ന ചിന്തന് ശിബിരത്തിനു ശേഷം നടന്ന പ്രവര്ത്തക സമിതിയോഗം ഏകകണ്ഠമായിട്ടാണ് രാഹുലിനെ ഉപാധ്യക്ഷനാക്കുവാനുള്ള തീരുമാനം എടുത്തത്. ഞായറാഴ്ച നടക്കുന്ന എ.ഐ.സി.സി സമ്മേളനത്തില് ഔപചാരികമായ അംഗീകാരം നല്കും.
മുതിര്ന്ന കോണ്ഗ്രസ്സ് നേതാവും പ്രതിരോധമന്ത്രിയുമായ എ.കെ ആന്റണിയായിരുന്നു ഇതു സംബന്ധിച്ച നിര്ദ്ദേശം അവതരിപ്പിച്ചത്. രാഹുലിനെ നേതൃപദവിയിലേക്ക് കൊണ്ടുവരണമെന്ന് നാളുകളായി കോണ്ഗ്രസ്സ് നേതാക്കള് ആവശ്യപ്പെട്ടു കൊണ്ടിരിക്കുകയാണ്. വരുന്ന ദേശീയ തിരഞ്ഞെടുപ്പില് രാഹുല് കോണ്ഗ്രസ്സിനെ നയിക്കണമെന്നും അദ്ദേഹത്തെ കോണ്ഗ്രസ്സിന്റെ പ്രധാനമന്ത്രി സ്ഥനാര്ഥിയാകണമെന്നും ശിബിരത്തില് പങ്കെടുത്ത ചില നേതാക്ക്നമാര് ആവശ്യം ഉയര്ത്തി.
- എസ്. കുമാര്
വായിക്കുക: ഇന്ത്യന് രാഷ്ട്രീയ നേതാക്കള്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
